Genese 33
33
PENE XXXIII - 33
To Iakoba raua ko Esau aravei anga ma te au.
1KUA nānā akerā Iakoba i tona mata ki runga, e akara atura, #Gene 32:6e i na, te aere mairā Esau, e te tangata oki e a katoa anere. Kua akamavete iora aia i te au tamariki ra, i ta Lea, e ta Rahela, e ta nga vaine tavini ra. 2Kua tuku atura aia i nga vaine tavini, e a raua puke tamariki, ki mua, e muri ake ko Lea ïa, e ana puke tamariki, e muri roa ake ko Rahela ïa raua ko Iosepha. 3Kua aere atura aia na mua ia ratou, #Gene 18:2; 42:6; 43:26kua tupou iora aia ki raro i te one, e itu akera tupou anga, e vaitata rava akera aia ki tona tuakana. 4#Gene 32:28Kua oro mairā Esau e aravei iaia, #Gene 45:14,15takave maira iaia i runga i tona kaki, e kua ongi maira iaia: aue iora raua ravarai. 5Kua nānā akera tona mata ki runga, kite maira i nga vaine, e te au tamariki; e kua tuatua maira, Koai teianei aronga e aru ia koe nei? Kua karanga atura aia, #Gene 48:9; Sala 127:3; Isa 8:18Ko te au tamariki ïa ta te Atua i oronga mai na toou tavini nei. 6Kua aere maira nga vaine tavini, e a raua puke tamariki, i vaitata, kua tupou iora ki raro. 7Kua aere katoa maira oki a Lea, e ana puke tamariki, i vaitata, e kua tupou iora ki raro: e muri akera, kua aere mairā Iosepha raua ko Rahela i vaitata, e kua tupou iora ki raro. 8Kua tuatua maira aia, #Gene 32:16Eaa naau te motuanga ravarai taku i aravei i ko nei? Kua karanga atura aia, #Gene 32:5Kia kite aroaia mai au e koe, e taku rangatira. 9Kua tuatua mairā Esau, E apinga maata taku, e taku teina; e mou koe i taau ra naau uaorai. 10Kua karanga aturā Iakoba, Eiaa, teia taku tuatua kia koe, kua kite aroaia mai au e koe ra, e āriki mai koe i taku nei atinga i toku rima nei; i tae mai ei au ki mua i toou aroaro nei, mei te mea e, #Gene 43:3; 2 Samu 3:13; 14:24,28,32; Mata 18:10i aere mai ki mua i te aroaro o te Atua ra, e kua kite mai koe iaku. 11E tenana, ka rave mai koe i taku nei #Aka 1:15; 1 Samu 25:27; 30:26; 2 Ari 5:15atinga i apaiia mai kia koe nei; no te mea, kua takinga-meitaki mai te Atua iaku nei, e no te mea, kua maata taku apinga. #2 Ari 5:23Manono atura aia, e kua rave iora aia.
12Kua tuatua mairā Esau, Taki aere tatou, e na mua au ia koe. 13Kua karanga atura aia kiaia, Kua kite oki koe, e taku rangatira e, e mea apikepike te tamariki, e e mamoe tinana, e te puaka-toro teia; e kia rapurapu ua i te taki, e rā okotai ua, ka mate ïa taua anana ravarai nei. 14Ka aere koe, e taku rangatira, na mua i toou tavini nei; e naku teia e taki marie atu i te taki e tau ki te au puaka e na mua iaku nei, e te au tamariki nei, e tae ua atu au #Gene 32:3ki Seira kia koe na, e taku rangatira e. 15Kua tuatua mairā Esau, E vaio mari au i tetai papaki tangata oku i ko nei ia koe nei. Kua karanga atura aia, Eaa ïa te reira? ko au, #Gene 34:11; 47:25; Ruta 2:13kia kite aroaia mai au e koe, e taku rangatira e.
16Kua oki aturā Esau i tona tere ki Seira i taua rā ra. 17Aere aturā Iakoba ki #Iosu 13:27; Aka 8:5; Sala 60:6Sukota, e akatu iora i te are nona, e kua anga i te au pekau are no tana au puaka: i tapaiaʼi te ingoa e taua ngai ra ia #33:17 Pekau are.Sukota.
18Tae ora mairā Iakoba ki te oire ra ki #Ioa 3:23Sekema, i te #Iosu 24:1; Aka 9:1; Anga 7:16#33:18 Ko Sikema i Anga 7:16.#33:18 Tikaanga te tuatua Sikema i roto i te irava kiriti - ko Sekema.enua ra i Kanaana, ka aere mai ei aia mei Padana-arama maira; e kua patia iora aia i tona puakapa i mua ake i taua oire ra. 19#Iosu 24:32; Ioa 4:5E kua oko iora aia i tetai pae kainga, i taua patia anga puakapa nona ra, i te tamariki a Hamora, te metua no Sekema ra, i te au moni okotai anere ra. 20E kua akatu aia i tetai atarau i reira, e kua #Gene 35:7tapa iora aia i te reira ia #33:20 Ko Te Atua, te Atua no Iseraela.Eli-Eloe-Iseraela.
Trenutno izabrano:
Genese 33: CIMB
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
The Holy Bible in Cook Islands Maori, Reprinted from the edition of 1888 © United Bible Societies, 1972.