Enzũko 7
7
Noa amingira omo bwato
1Omwami Mukulu mwabwira Noa ati, Ingira uwe nʼekĩtũnga kyawe kyosĩ omo bwato, kusangwa nabirikulangira kʼutunganene embere syage omo lulengo Olũ. 2Oko buli nyama syosĩ syowene ũyĩmĩraye sirinda-sirinda, eyʼobulume nʼeyʼobũkalĩ. Oko syonyama sĩtowene ĩbĩrĩbĩrĩ, eyʼobulume nʼeyʼobũkalĩ. 3Oko syonyonyũ nibya syʼomo kyanya, esirinda-sirinda, esyʼobulume nʼesyʼobũkalĩ, erĩteyasyo mo lubuto omo kihugo kyosĩ. 4Kusangwa hakĩsĩya biro birinda ĩnawĩsya embũla oko kihugo ebiro makũmĩ anĩ omo musibo nʼomo kiro Obuli kindu ekiriho ekyo nabirihangika nasyaheryakyo oko bugali bwʼekitaka. 5Neryo Noa mwakola ngoko Mwami Mukulu amuhana.
6Neryo Noa abya wʼemyaka magana ndatu omugulu erigunga lyʼamagetsi lyahĩka oko kitaka, 7Neryo Noa mwingira omo bwato, nʼabagala buwe, na mũkalĩwe, nʼabalĩana buwe, busana nʼerigunga lyʼamagetsi. 8Oko syonyama syowene, esyonyama esĩtowene, esyonyonyũ, nʼobuli kindu ekikakululuka oko kitaka, 9mosyingira omo bwato uku Noa ĩbĩrĩbĩrĩ, eyʼobulume nʼeyʼobũkalĩ, ngoko Nyamuhanga ahana Noa. 10Neryo mokyabya enyũma wʼebiro birinda, erigunga lyʼamagetsi molyahĩka oko kihugo. 11Neryo oko mwaka wʼamagana ndatu wʼeribyaho lya Noa, oko mukera wʼakabiri, oko kiro kyʼerĩkũmĩ nʼebirinda kyʼomukera, oko kiro ekyo esĩsoko syosĩ syʼemitobero minene-minene mosyahũta, nʼebĩtũ byʼelubula mobyawĩsya embũla. 12Embũla moyawa oko kihugo ebiro makũmĩ ani omo musibo nʼomo kiro.
13Oko kiro ekyo, Noa, Semũ, Hamũ, na Yafetĩ, bagala ba Noa, muka Noa, nʼabalĩana buwe basatu, mobingira omo bwato. 14Ibo, nʼobuli nyama ngʼomuhanda wayo, nʼesyonyama syʼeka syosĩ ngʼomuhanda wasyo, nʼobuli kindu kikakululuka oko kitaka ngʼomuhanda wakyo, nʼobuli nyonyũ ngʼomuhanda wayo, obuli nyonyũ yʼobuli kihanda. 15Mosyingira uku Noa omo bwato, ĩbĩrĩbĩrĩ yʼebihangikwa byosĩ eyabya nʼomuka wʼengebe. 16Ebyingira mobyingira ebyʼobulume nʼebyʼobũkalĩ ebyʼebihanda byosi, ngoko Nyamuhanga amuhana. Neryo Omwami Mukulu mwamukingiramo. 17Neryo erigunga lyʼamagetsi molyabya oko kihugo ebiro makũmĩ ani. Amagetsi mwakanya, mwaleretya obwato, mobwalereta endata oko kihugo. 18Amagetsi mwabwaga, mwakanyirira kutsibu endata oko kihugo, nʼobwato mobwalendera oko magetsi. 19Amagetsi mwabwaga kutsibu-tsibu endata oko kihugo, nʼebitwa biri-biri byosĩ ebyabya eyĩkwa oko bũtũkũ, ebyosĩ mobyakũnĩngĩrwa. 20Amagetsi mwabwaga metere saba oko buli bwʼendata, nʼebitwa mobyakũnĩngĩrwa. 21Kandi ebihangikwa byosĩ mobyahola ebikagenda oko kihugo, esyonyonyũ, esyonde, nʼesyonyama, obuli kindu ekikakululuka oko kitaka, nʼobuli mundu. 22Ebyosĩ ebyabya nʼomuka wʼekĩrimũ kyʼengebe omo nĩndo syabyo, nʼebyosĩ oko kitaka kyũmĩre, mobyahola. 23Litya Omwami Mukulu mwalĩma obuli kindu ekyabyaho oko kihugo, omundu, esyonde, ebindu ebikakululuka, nʼesyonyonyũ syʼomo kyanya, mobyasangulwa erĩlũa oko kihugo, nina Noa musa yo wanasĩgalira, nʼababya haguma naye omo bwato, 24Amagetsi mwabwaga oko kihugo ebiro erĩgana nʼamakũmĩ atanu.
Currently Selected:
Enzũko 7: KB80
Highlight
Share
Copy
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.