TIBIRIK 6
6
Urah Ginaka Manusia
1Kan manusia dŭ dŭ papah di ndi ong ong, ka anak anak dayung dog biranak, 2kada so malaikat#6.2, 4 malaikat; puan kah: anak anak tapa; puan kah: anak anak Tapa. kiris dayung dayung anŭ ramus, ka tambit ndu sawŭn sinadan adi raan ngara. 3TUHAN nang, “Aku dŭh re bada manusia udip adu adu; ngara inŭh manusia ka taŭn re kabŭs. So madin umbur ngara dŭh re rabis so 120 sawa.” 4#Pkg 13.33 Di jaman anŭ, ka ripas anŭ gŭh, agi grigasi di ong adi sesang dayung dayung manusia ngga bara malaikat. Ngara anŭ pimagan ka timagah di jaman jah.
5Kan TUHAN kiris munki masam ginaka-i manusia di ong ka munki masam pikir-kira ngara mbŭh adu adu arap, 6Ayŭh jadi susah kira adŭp-I mbŭh napa ngara ka na ngara di ong. Ayŭh mbŭh raru nyesar 7ka-I nang, “Aku re pirarap bara daya adi ko Ku napa, samŭn sigara dāng ngga manuk, amai nyesar nyam Ku ko napa ngara.” 8#Mat 24.37; Luk 17.26; 1Pe 3.20 Pak TUHAN munos asŭng di Noah.
Noah
9-10 #
2Pe 2.5
Ati inŭh dundan Noah. Ayŭh biyŭn taruh madis anak dari, Shem, Ham ngga Japheth. Noah nundok di Tapa ka taŭn ayŭh sadi adŭ daya adi kana di jaman adŭp-i. Ayŭh udip nanyam ka pinyiraan Tapa, 11pak barang naan daya adi bŭkŭn mbŭh sadi arap di batŭh Tapa, ka pinyiganas mbŭh agi di barang yŭn-i. 12Tapa tingga ong ka kiris-i arap, amai pimudip sopŭrŭg manusia mbŭh sadi arap.
13Tapa nang di Noah, “Aku mbŭh natu adŭp Ku re pirarap sopŭrŭg manusia. Aku re kubo pirusak ngara, sabab ong ati mbŭh puno ngga pinyiganas ngara. 14Kuu ndai ndi batra so betang betang kayuh adi kana; ndai birit birit di darŭm-i ka madad-i ngga tar di darŭm ngga di sapa. 15Ndai-i da 133 mita ambu, 22 mita buka-i, ka 13 mita bigatung. 16Ndai tanja#6.16 tanja; puan kah: pinjan. di batra anŭ ka kidŭm 44 sentimita di asah tanja ngga sindung. Ndai batra anŭ bada bitakah taruh ka ndai ndi tiban di sindung-i. 17Aku re pait uba ka ong da pirusak barang masam kayuh adi udip. Barang masam kayuh di ong re abo kabŭs, 18pak Aku re ndai simanya Ku ngga kuu. Mŭrŭt ka darŭm batra ngga sawŭn mu, anak anak dari mu, samŭn sawŭn sawŭn ngara. 19-20Taban mŭrŭt ka darŭm batra ndi dari ndi dayung so barang masam dāng ka barang masam manuk, isa-i ngara dŭh rarap. 21Taban barang masam pinguman yŭn adŭp mu ka yŭn ngara.” 22#Heb 11.7 Noah ndai sopŭrŭg anŭ nanyam pinyibada Tapa.
Trenutno izabrano:
TIBIRIK 6: TBVONT
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Hakcipta - Today's Biatah Version New Testament © The Bible Society of Malaysia, 2003.