TIBIRIK 2
2
1Jadi rangit ngga ong mbŭh kamas. 2#Heb 4.4, 10 Ngga andu adi ju sopŭrŭg kayuh adi Tapa napa mbŭh kamas ka Ayŭh mbŭh rŭŭ so kraja-I. 3#Pyh 20.11 TUHAN Tapa nyiberkat andu adi ju anŭ ka bada-i jadi andu adi grua, amai di andu anŭ Ayŭh mbŭh ngamas pingandai-I ka rŭŭ so kraja. 4Simŭnŭ inŭh rangit ngga ong dog napa.
Teya Eden
Kan TUHAN#2.4 TUHAN: Darŭm pimindai ati “TUHAN” samah rati-i ngga YHWH darŭm piminyu Hebrew, adi dog nyabŭt Yahweh, ka dog nyabŭt gŭh Yehowa. Tapa napa rangit ngga ong, 5gibabŭ mating kayuh timbu di tana ka mating ruwang kayuh timbu, amai TUHAN Tapa gibayuh nggen ujen, ka mating manusia re sita tana; 6adŭ-i piin adi ruah so darŭm tana adi misa-i.
7 #
1Co 15.45
TUHAN Tapa tambit tana#2.7 Tana...Manusia: Bang piminyu Hebrew ngga kadŭn “Manusia” ngga “Tana” agi brisak. ka kakuk-i bada jadi manusia, ka rasu ngasŭng asŭng adi nggen udip ka darŭm rubang undung-i, ka manusia anŭ rasu udip.
8Muko anŭ TUHAN Tapa ndai ndi teya di Eden, tura ka timor, ka diginŭ Ayŭh na manusia adi-I ko napa. 9#Pin 2.7, 22.2, 14 TUHAN Tapa napa barang masam tŭngŭn kayuh adi ramus bada timbu diginŭ ka buān buwa adi kana. Di yun teya anŭ agi ndi tŭngŭn pimuruh adi nggen udip ka ndi tŭngŭn pimuruh adi nggen pinyipuan pasar kana ngga arap.#2.9, 17 pinyipuan pasar kana ngga arap; puan kah: pinyipuan pasar sopŭrŭg kayuh.
10Ndi sungi aman di teya Eden ka misa teya anŭ; sungi anŭ agi bisakap pat di sapa teya Eden. 11Sungi adi ndi dŭn Pishon, ka-i aman maning rais Havilah. 12(Tigŭrŭ mas bisa dog dapŭd di tarun tana anŭ; ka simŭnŭ gŭh wangi ngga batuh batuh brega.) 13Sungi adi duwŭh dŭn Gihon, aman maning rais Cush.#2.13 Cush (di Mesopotamia); puan kah: Ethiopia. 14Sungi adi taruh dŭn Tigris, aman tura ka timor Assyria, ka sungi adi pat dŭn-i Euphrates.
15Komŭnŭ TUHAN Tapa na manusia di teya Eden da sita ka nguan-i. 16TUHAN Tapa pesan manusia, nang-I, “Kuu siŭn man tadŭ tadŭ buwa pimuruh di teya ati, 17adŭ-i tŭngŭn anŭ adi nggen pinyipuan pasar kana ngga arap kuu dŭh siŭn man; kambŭi kuu man kuu re kabŭs andu anŭ gŭh.”
18Jadi TUHAN Tapa nang, “Dŭh kana manusia ati rŭŭ sadi. Aku re napa ayō-i adi situgu ngga ayŭh, da turung ayŭh.” 19TUHAN Tapa tambit tana, rasu Ayŭh napa sopŭrŭg dāng ngga manuk ka taban ngara ka yŭn manusia anŭ da tingga ka nggen dŭn ngara; simŭnŭ inŭh ngara dapŭd dŭn ngara. 20Jadi manusia nggen dŭn di sopŭrŭg manuk ngga dāng; pak sopŭrŭg ngara dŭh bisa jadi ayō-i adi bisa turung ayŭh.
21Jadi TUHAN Tapa bada dari anŭ bŭŭs rŭrŭ, ka sitadŭn ayŭh bŭŭs, Tapa tambit ndi turang tirasah-i ka bada arok-i marit. 22Ngga turang tirasah anŭ Tapa pijadi ndi naan dayung ka taban ayŭh ka yŭn dari anŭ. 23Rasu dari anŭ nang,
“Siati inŭh kada ku adi brimun ngga adŭp ku.
Turang so turang ku, isin so isin ku.
‘Dayung’ inŭh dŭn-i, amai-i dog tambit so pŭrŭng dari.”#2.23 Dayung...Dari: Bang piminyu Hebrew ngga kadŭn “Dayung” ngga “Dari” agi brisak.
24 #
Mat 19.5; Mrk 10.7-8; 1Co 6.16; Eph 5.31 Sabab anŭ meh dari tingge sindŭ sama-i ka rŭŭ ngga sawŭn-i; ka ngara duwŭh jadi ndi pŭrŭng.
25Dari ngga dayung anŭ sitabet sitagor, pak ngara dŭh puan mangŭh.
Trenutno izabrano:
TIBIRIK 2: TBVONT
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Hakcipta - Today's Biatah Version New Testament © The Bible Society of Malaysia, 2003.