Aepa Gemae 11
11
Ala kava neʼmoʼa vayaʼai apakemo alino fako huno alu apake alu apakemo apamiʼniya gemae
1Akeyaʼvilagamo ma mopafi vayaʼmogimo magoke apakeʼageʼmo aiʼa maiʼnae. 2Yegemo haine neʼeya haopalegamo maigeʼapaeʼmo atale uʼa Mamiloni otu koteʼmo maiʼnae. 3Henagaʼamo apakaiʼapimo ge huge afige huʼapaeʼmo, Lagaemo mago kalipa mopamo alita hapa atiteta atafiʼmo kaesunageno no kisuna yafaʼmo alino hamalegaiye, huʼa huʼnae. Ani kavaʼmo huʼnagenoʼaeʼmo noʼmo kisaya yafaʼmo alino hamaleʼnigeʼa ani yafaʼmo agiʼa aeʼa kamaesiya yaʼaʼeʼmo aliʼnae. 4#Sam 49:11-13Apakaemo huʼapaeʼmo, Egetao, huʼa, mago taonimo kiteta mago yatala noʼmo kilita kokuʼnapilagamo uta haigune. Ki maleʼnisunageʼapaeʼmo muki vayaʼmogimo ageteʼapaeʼmo lagitileʼmo aliʼa asagauʼa lategae. Fiku yanageta lagaemo atagu faeta uteta huta laote laote huta maigunanagetae, huʼa huʼnae. 5Huʼnayaʼmonanafa Ala kava neʼmoʼa kiʼnaya taonimo agege yatala noʼmo agege hisiyafeʼmo emineʼniye. 6Ala kava neʼmoʼa ina ge huno huʼniye. Muki vayaʼmo magoke vayaʼageʼmo maiteʼa magoke agufa apakemo neʼaiye. Mani agufa aliʼyaʼmo neʼaliyanageʼa muki alu kava alu kavaʼmo afaʼa hugae. 7Uta lamigetao, lagaemo uta lamita alita fako huta alu apake alu apakemo apamisunageʼa mago vayaʼmogi hisaya gemo mago vayaʼmogi oʼafigae, huno huʼniye. 8Inagi Ala kava neʼmoʼa alino atagu faeno apataleʼnigeʼapaeʼmo ma mopafi muki haopalegamo uʼeʼa huʼa maiteʼa ani taonimo kiʼa hano osuʼnae. 9Inagi ani taonimo agimo Mamo taoniye huʼa agi ateʼnae. Ala kava neʼmoʼa apakemo alino alu apake alu apakemo apamiʼnigeʼa ma mopafiʼmo muki haopalegamo atagu fae uʼeʼa huʼa maiʼneʼa alu apake alu apakemo aiʼnayaʼmofeʼmae. Ani Mamo taoniye agimo aepaʼamo apakemo oʼafiʼnae.
10Mani gemo Semi aginago vayaʼaifeʼmo huʼniye. Alopa aniʼmo heno hano hutegenoʼaeʼmo lole kafugamo utegeno Semiʼmo vani hataletiʼa kafugamo neʼmainoʼaeʼmo Apakasatiʼmo alino ateʼniye. 11Semiʼa Apakasatiʼmo alino atetenoʼaeʼmo faefu hataletiʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huteno faliʼniye.
12-13Apakasatiʼmo teti faefuʼa kafugamo maiteno Salaʼmo alino atetenoʼaeʼmo fo hataleti taliʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huteno faliʼniye.
14-15Salaʼmo tetiʼa kafugamo maiteno Imaʼmo alino atetenoʼaeʼmo fo hataleti taliʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huteno faliʼniye.
16-17Imaʼmo teti foʼa kafugamo maiteno Pelekiʼmo alino atetenoʼaeʼmo fo hataleti tetiʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huteno faliʼniye.
18-19Pelekiʼmo tetiʼa kafugamo maiteno Liyuʼmo alino atetenoʼaeʼmo tu hataleti naeniʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huteno faliʼniye.
20-21Liyuʼmo teti tuʼa kafugamo maiteno Siluʼmo alino atetenoʼaeʼmo tu hataleti seveniʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huteno faliʼniye.
22-23Siluʼmo tetiʼa kafugamo maiteno Nahoʼmo alino atetenoʼaeʼmo tu hataletiʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huteno faliʼniye.
24-25Nahoʼmo tuveti naeniʼa kafugamo maiteno Telaʼmo alino atetenoʼaeʼmo vani hataleti naetiniʼa kafugamo neʼmainoʼaeʼmo ve mafaʼnemo alino apatege a mafaʼnemo alino apatege huteno faliʼniye.
26 #
Aep 22:20
Telaʼmo sevetiʼa kafugamo maiteno Emalemiʼagi Nahoʼagi Halaniʼagi huno alino apateʼniye. 27Mani gemo Tela aginago vayaʼaifeʼmo huʼniye. Telaʼa Emalemiʼagi Nahoʼagi Halaniʼagi huno alino apateʼniye. Halaniʼa Lotiʼmo alino ateʼniye. 28Halaniʼmo ago hogoteno falitegenoʼaeʼmo afoʼamoʼmo henagaʼamo faliʼniye. Halaniʼa koʼaleʼmo Kalatiya kotega A taonifiʼmo faliʼniye. 29Falitegeʼanaeʼmo Emalemiʼe Nahoʼeʼmo lole atalaʼmo aliʼnaʼae. Emalemi aʼmo agiʼamo Selaʼae. Naho aʼmo Halani a mafaʼnemo agiʼamo Milikaʼmo aliʼniye. Halaniʼa Isaka afoʼamoʼeʼmo maiʼniye. 30#Aep 15:2; 25:21; 1 Sam 1:5Maiʼniyaʼmonanafa Selaʼa anamo maiteno mafaʼnemo alino oʼateʼniye.
31Telaʼmo ve mafaʼneʼamo Emalemiʼagi agiyoʼamoʼmo Lotiʼagi Emalemi aʼmo anofeloʼamoʼmo Selaʼagi huno A taonimo Kalatiya kotegatiʼmo ataleʼa Kenani kotegamo visayafeʼmo apavalelino uʼniye. Apakaemo Halani taonifiʼmo uʼa avaʼyi huteʼa ani taonifiʼmo maiʼnae. 32Telaʼmo tu hataleti faefuʼa kafugamo maiteno ani taonifiʼmo faliʼniye.
Trenutno izabrano:
Aepa Gemae 11: kyg2013
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2013, Wycliffe Bible Translators, Inc. All rights reserved.