Popularni biblijski stihovi iz MATIYE 7

Podijeli

«Aŋ mantə kar la, yə ayaŋ yaŋ. Aŋ goldə la, aŋ fele yaŋ. Aŋ latə ku kuli la, yə bəŋəŋ dəŋ yaŋ wəra.

Gud maa mo, hulum bə minti mantaŋ, yə əyu. Hulum bə minti bə goldeŋ, wə fele. Hulum bə minti lətaŋ ku kuli neŋ, yə buŋu wəra a nuunu.

«Bədoona ana ta, hulum bə minti iski kel kə waate nin daana ji joŋre diiriŋ, wə bə ŋarə-ŋere də hulum bə naa-ne bə minti gaŋ gud kuli nuutuŋ a ko gagraŋiŋa ana.

Kar gə minti aŋ bele minti kaŋ jəŋ dəŋ la keɗe, aŋ jəy di la bədoona ana gəm. Gud maa mo *ku giliŋ, də *kaa kə jogte ku mini kə Pepeŋ hate kaŋ haa bədoona.»

Ku kuli toŋ, kəkəy duŋ ɓeɓle'i hasi. Kaa gə minti fəluŋ, yə anə maki təwa, səma kəkəy toŋ ɗe a mələy a ko bə dədərgəŋa.»

«Ku kuli boblo bəhiŋ, kəkəy duŋ boblo vəɗə-vəɗi gəm. Kaŋ ablaw bə hawa, səma wə ɗe a mələy wəra a ko bə beseŋa. Aŋ kaltə la haa a ku kuli feleŋleŋiŋa.

Jəəne minti aŋ kaa kə bayməlaŋ asaŋ aye bə kar pəsaŋ a karməyaŋ bə anə hãy ɗaw, máŋ bə Aba nəətiŋ bə minti apəyaŋ mo? Wə aye kar pəsaŋ a kaa gə minti məntəy kəəsuŋ dəŋaŋ aŋ gə minti aye kar pəsaŋ a karməyaŋ.

«Aŋ a ceme kəəti də kumsuŋ ba kir minti Pepeŋ a jəmaŋ kəəti cəərəŋa bə gəm. Gud maa mo, Pepeŋ bə jəmaŋ kəəti dəŋ haa damdi aŋ a jəmaŋ kəəti də kumsuŋ ana gəm. Karman bə minti aŋ ŋaɓte kar a kaŋ duuruŋ, Pepeŋ ŋaɓtaŋ nəətiŋ yaŋ duuru gəm.

Səma, mindi mindi mo əskəŋ kel gə minti ten a wəətənəy kəna neŋ, wə paapa bə ji joŋre diiri baŋ, wə bə ŋarə-ŋere də hulum bə bay ase kel bə minti ɗeŋ a ge gud kuli nuutuŋ a ko bə caɓcaɓiŋa ana.

Tam ase kaɗəkaw weseki gə dər seenem haa səm mo, anaaŋa tam paapa bə ase kəbaŋ kəmtəŋ gə dərəma ba ɗaw! Tam neke bə waate seenem minti: ‹Taakan la bə he kaɗəkaw weseki gə dərəma wəraŋ› haa naanaanə mo bə minti kəbaŋ kəmtəŋ kəm dərəmaŋ?

«Aŋ amə kusrəŋ la pisi sar *kaa gə minti jogte ku mini kə Pepeŋ paapa a kuɗuŋa baŋ. Yə tuli sarəŋa haa damdi kaamaŋ ana bay kel kuya. Anaaŋa kel kə giidiŋ haa bə kə kaaya gə pəəriŋ ana dege'-dege'i faɗi. Kaa teŋ ha'aŋ, aŋ bə əsəy haa gud joŋre neeteŋa. Hulum teke we də atələələmaŋ a gidiwgi ba. Hulum fele we də totkaŋ a amorkoya bə gəm!

Daana pa, kəbaŋ pəsaŋ, we diŋ ji pəsaŋ gəm, kaayaŋ gə bayməlaŋ, we diŋ ji bayməlaŋ gəm.

Kəbaŋ pəsaŋ, we diŋ neke bə ji bayməlaŋ ba, kəbaŋ gə bayməlaŋ, we diŋ neke bə ji pəsaŋ bə gəm.

Kəbaŋ gə minti we diŋ paapa pəsaŋ baŋ, yə ŋitiy wəra, yə vay warna dər cəwaŋ na.