Popularni biblijski stihovi iz MATIYE 6

Podijeli

Nəətiŋ, aŋ goldə *Kumna kə Pepeŋ la ajewa daana karman bə minti gole duru ɗeker, wə bə ayaŋ kar kaayaŋ teŋ yaŋ ada keɗe.

Gud teŋa ta, aŋ a ji walka cəərə kel kə dibiiniŋa ba, gud minti walka də kel duŋ haa dər hi toŋa faɗi gəm. Gəəli bə dər hi mundu mundu mo wəra bə nakə-neke, aŋ a ve baalaŋ ada ba.»

Gud teŋa ta, ten waataŋ haa minti: aŋ a yaake ɗiki dəŋ bə lente gud kar kə hame daana kə se gə ji zugiŋa ba daana gud kel kə dəməəmə də tereŋa bə gəm, gud bə minti dədərgə də hulum dəŋaŋ kar kə hameŋ, daana kusru dəŋaŋ dəməəməŋ.

Səma nəmtiŋ ha'aŋ, tam ɗəlaŋ ne tooseŋ, kalə la aləwa gerdəma, gisə ku kuliŋ la dərəma, toosə Bəram Pepeŋ la a ko bə metə-mete toŋa. Kəya Bəram Pepeŋ bə minti ase karman bə minti tam jəw setetiŋ bə werkem yaŋ cuuru gəm.

Aŋ ɗəlaŋ toose neŋ, aŋ golə sar kel té la haa kənaŋ: ‹Bar are bə minti apəy daŋ, kaŋ tokɗə səmam cetceti la gud bə minti tam Pepeŋ. Bəəda a ji kumna nəmtiŋ cəərə are. Doŋ kir minti kaŋ jəə karman bə minti giidim bəluŋ la cəərə seŋkaŋa kəna, damdi wə bə ji apəya ana gəm.

Aytə hame bə minti are də tay du daynaŋ la a are.

Vəəgə giidim la wəra cəərə baymele naareŋa damdi are vəəgtətəŋ giidə are wəra cəərə kaa gə minti a jəətəŋ baymeleŋ sar areŋ ana gəm.

A yaakə are bə ve dər kel gə minti Nərtitiŋ ke ku kaŋ diiriŋ ba. Səma, doo are la wəra kaasa .›

Bədoona ta, aŋ jəəne bə vəəgtiti giidiŋa wəra cəərə kaa gə minti bə jəətətəŋ baymeleŋa sarəŋaŋ, Bəraŋ bə minti apəy daŋ vəəgi giidu yaŋ wəra cəərəŋa bədoona ana gəm.

Aŋ golə la sə kasko gə apəyaŋa, yə jo'e ba, yə ceme kaasaw ba, yə feke kar neete giidə dorgoɗi bə gəm. Anaaŋa Bəraŋ bə minti apəy daŋ əyəy hameŋ haa tó. Aŋ gəm, aŋ dəŋaŋ kaskoŋ kampa ablaw bə mo?

«Aŋ a kote cəərə bege nəətiŋ adawra kəna ba, gud bə minti anə atəwerneneŋ daana googoŋ bə ɓəlku wəra, kaa kə dəgaayaŋ bə hiti ku kuliŋ wəra cuuru bə humtu gəm. Ɗe nəətiŋ jəə la pisi kir minti Pepeŋ kotə kar pəsaŋ la a nəənəŋ apəy na. A ko toŋ na ha'aŋ, anə atəwerneneŋ daana googo hudruy wəra ba, kaa kə dəgaayaŋ neke bə hiti ku kuliŋ bə gəm. Gəəzi, ko bə minti bege nəmtiŋ adaŋ, ku tarməyam ji haa ada na gəm.»

«Hulum bə joŋre neke bə jəw a kəkamna ɓasi ba. Ɗalba wə bele naayaw toŋ daana wə mele dər naayaw toŋ wəra, ɗalba wə he cəərə naayaw toŋ apəya daana wə gole naayaw toŋ wəra ko bə boobo. Aŋ neke bə aye kusrəŋ a Pepeŋ daana a soloy ɓasi keɗe ba!

Jəəne minti Pepeŋ gene kaɗəkaw gə minti aŋ fələy dayna giidə akaŋa, anaaŋa dibiini yə vay warna dər cəwaŋ naŋ, wə gənaŋ yaŋ dəŋaŋ teŋ kampa aniinə mo, aŋ gə minti de dəŋ bə kerpə-kerpeŋ?

Nəmtiŋ ha'aŋ, tam ɗəlaŋ ne aye karman a hulum bə caacaŋ, əyu du la kir minti kaŋ a əsu ba, koo kaasam gulaŋ a ase karman bə minti kaasam kemer bə jəwaŋ ba. Bədoona ana ta, əyu karman la dəgaaya-dəgaaya. Bəram Pep bə minti ase kar gə minti tam əyəy dəgaaya-dəgaayaŋ bə werkem yaŋ cuuru gəm.»

«Aŋ golə kusrəŋ la pisi ku kar gə minti aŋ bə jiitiya bə ke awalna a Pepeŋ. Aŋ a jəy wəra kəkər tiinə kaa kə ablawa minti yə asaŋ la daana yə aŋkaŋ la guudi ba. Aŋ jəəne bə ji bədoonaŋ, aŋ fele werke ciiri kasi Bəraŋ Pep bə minti apəy naŋ pəda.

«Bə minti aŋ jəəne bə *je də kuŋ, aŋ a kole kusrəŋ wəra laawe damdi kaa gə minti waate kel neeteŋ də kuy təwa'iŋ ana ba. Kaa teŋ kole kusri wəra laawe kirka minti kaŋ asə la wəra keɗe minti té bə je də ku té. Gəəzi, ten waataŋ, yə fəlaŋ werke neeteŋ ne wəra. Səma nəmtiŋ ha'aŋ, tam jəəne bə je də kum, baadə dərəm la wəra pəsa daana corkə cəərəm la wəra pasa gəm kir minti kaŋ a ase minti tam je də kum ba. Asə la haa Bəram Pepeŋ bə minti a ko bə metə-meteŋaŋ təwa. Kəya Bəram bə minti ase karman bə minti tam jəw a ko bə metə-meteŋa bə werkem yaŋ cuuru gəm.»