Popularni biblijski stihovi iz HLIMI 35

Podijeli

Nyɛʔɛlɛ à liʔi yo wí kan mà yo: «Mì wi Nyɛʔɛlɛ la Sye wì bɛfu fɔlɔ we. Ma he, ma nyɛʔɛ ceŋge, ma krɛ̀ʔɛ̀ klo. Ee klòʔo fafaʔa bi nyini wa ma nî, à masaa fafaʔabaa bí ba nyini wa ma nî kpo. Klo la mi dá gan Abrahamu ma ní Isake nì, mí bi li kân má ma bì nì bì li kân nɛ ma kluʔu pii ma bee pé gà bo naʔa ma kruʔu ma ni we.»

Wó bi jɛ bì gɛri Betɛli ni, pa mi yà sraʔá farahaʔa fan wa Nyɛʔɛlɛ la kan li dá na nyɛrimi loʔo me, wlɛʔɛ ga na na yɛʔɛ̀ ki dá gban ge. Liì li la li da ní mà po ná ni nɛ na tanʔala na la mí ma hanri ge.»

Nyɛʔɛlɛ à luu po: «Ma yele liì li la pé na ma yeri Jakɔbe ge. Pe ìn bi da ma yeri Jakɔbe adi, di pé bi da ma yeri Israyɛli.» Ki pomo na Nyɛʔɛlɛ lí mà ki yele kan le wi na mà noo yeri Israyɛli.

Jakɔbe wɔ̀ɔ kí yo wi go woo pè bɛfu ma, ní bee ní pe dá bo wí ni ge mà yo: «Ye klòʔo ke tɔɔ nyɛʔɛŋɛɛ yrigi ge naʔa yè kpafoʔo ni, ye yè yɛli, ye yè drere hru de, ní yè kpasyoro ní de.

Nyɛʔɛlɛ à liʔi yo Jakɔbe ma we mà yo: «Ma jɛ̀ ma kɛri Betɛli ni, ma ya glɛn wa ban, ma ya sraʔá farahaʔa fan wa Nyɛʔɛlɛ kan la li dá lì tyɛʔɛ má na nyiŋi ga na ma dáa fé ma lɛ Esawu na we»

Pɔɔ da gâ jɔlɔ mâ po nɛ wí bi gu ge, wɔ̀ɔ yele kan ki pyɔ na noo yeri Bɛni Oni. Di pyɔ wi to wɔ̀ɔ noo yeri Bɛnjamɛ.