Популарни библијски стихови из Mateo 6

Share

Bali uzahileni tanhu undewa wake na ihoko yake, na ago gose momemezelwa.

Avo sukumwigazile ga mayo, kilumbo ga mayo gokigaiya genyego. Kilumbo kila siku na wiho wake.”

Vilemelaga nomulongela, sukumgaiye upile wenu, mje choni bule mungʼwe choni bule nghuli zenu mvale choni. Ugima hambwe haubanzile mandiya, na lukuli halubanzile zinguwo?

Bali gweye mana upula, ingila mngʼanda kugati jako, uhamala kuhinda lwivi lwako, upule hayali Tata wako yali haimbandamo, na heyo Tata wako yali haimbandamo kokumemezela.

Bali mweye puleni vino: Tata wetu uli Kuulanga, tagwa jako ditunizwe, undewa wako wize! Manogelwa gako gavikizwe mwiisi kamba kuulanga!

Utugwelele lelo mandiya getu!

Utusegezele matozo getu kamba na tweye vutuwasegezele watutozele!

Kabili sikuutugele mkugezwa bali utuhonye na ija Mndumu. Kilumbo undewa uwo wako, na mhiko na iyenzi milongo na milongo.

Kilumbo muhawasegezela wanhu matozo gawo, na Tata wenu wa Kuulanga komsegelezani na mweye.

Waloleni iwandege wali uchana vuwali: hawadahile kuhanda hawahunaga, hawalundizaga kukano, bali Tata wenu wa Kuulanga kowengha na hewo ndigwa. Chei, amweye si wakulu kubanza hewo?

“Sikumwike mabikilo mulumwengu, vimungwi na nghangaga zobananga, na wabavi wotula na kubokonya! Bali ikeni mabikilo kuulanga, kuli bule ubananzi wa kinhu, kuduhu vimungwi hebu nghangaga, kuduhu wabavi watulaga hebu kubokonya! Kilumbo bikilo jako hadili, baho hondaukale na moyo wako.”

“Haduhu munhu yodaha kuwasanghanila mabwana wabili. Kumbe komwihila ino, yamnogele yuno, bule koigoga na ino, yamuleme yuno. Hamdaha kumsanghanila Mulungu na Mhiya.

Ihawa Mulungu koivaza hiyo imilolo ili mmigunda yokala lelo, na mayo yokwasigwa hamoto, chei habanza nghani kumvazani mweye wene nhamanilo ndodo?

Bali gweye uhalava vya nhosa vyako, hata mkono wako wa ukumoso sikuuvitange vija viutenda mkono wako wa ukulume! Komu nhosa yako iwe ya ubadagi, na heyo Tata wako yolola zili muubadagi, kokumemezela.”

“Teganyeni, sikumtende unovu wenu hameso ga iwanhu, giladi mloligwe na hewo; kilumbo muhasanghana kamba higo, hondampate kitumetume kwa Tata wenu yali Kuulanga.

“Kabili mana muleka ukuja, sikumwigambe na wazenzeleganye wene vihanga vya kusinalika, kuno wokigalula vihanga vyawo giladi woneke na wanhu, kamba waleka ukuja. Ihoko nomulongelani: wamala kwibokela miyawi yawo. Bali gweye uhaleka kuja, ibakaze mavuta mditwi, unawe ikihanga! Giladi sikuwoneke na wanhu kamba kuleka kuja, bali na Tata wako yali haimbandamo; na heyo Tata wako yolola haimbandamo, kokumemezela.”