Popularni biblijski stihovi iz Mateo 5

Podijeli

Kabili wanhu hawabwinha kiwenge, wakike hasi mkigelo, bali uchana haikizingiti, na hicho chowamulikila wose wali mumo mngʼanda. Vivo hivo mulangaza wenu na ulangaze haulongozi wa wanhu; walole masanghano genu ganogile, wamtunize Tata wenu yali Kuulanga.”

Mweye mwemwe mulangaza wa ulumwengu. Wambo hadidaha kwifisa, uhazengwa hachana hakigongo.

Wamotile wene moyo ungʼalile, kilumbo hiwo womona Mulungu.

Wamotile wene nzala na nghilu ya ihoko, kilumbo hiwo wokwigusa.

Bali niye nomulongelani: Wanogeleni wandumu wenu, watambikileni womdwanzani!

“Wamotile awo iwakiwa wa iloho, kilumbo Undewa wa Kuulanga uwo wawo.

Wamotile wagombelezi, kilumbo hiwo wokemigwa wana wa Mulungu.

Wamotile wekumbule, kilumbo hiwo wonyamazwa.

Wamotile wogazigwa kwa mzoko wa ihoko, kilumbo Undewa wa Mulungu uwo wawo.

Wamotile wene ihuba, kilumbo hiwo woinghigwa huba.

Mmotile mweye vonda wamdumilizeni na kuwadununza na kumulongani mbuli zihile za uvwizi, kilumbo cha tagwa jangu. Dengheleleni na kutowa nghenze, kilumbo kitumetume chenu kikulu kuulanga; avo vivo wokala owasunghiza watula-ndagu walongole kubita mweye.”

Wamotile wene uholo, kilumbo hiwo woikala iisi.

“Mweye mwa mkele wa ulumwengu, bali mkele kamba uhabanangika, wogeligwa choni, kileka ukolele? Uhoza hiwo nghani, isigale kwasigwa kumgwazo, ubojagwe na iwanhu.

Bali mweye muwe wakungulufu, kamba Tata wenu wa Kuulanga viyali mkungulufu!”

Bali malonga genu gawe, Vivo vivo, Sivivo sivivo; gabanzile higo galawa kwa yuja Mndumu.”

“Muhulika kamba ilongigwe: ‘Siso kulihila siso, na zino kulihila zino.ʼ Bali niye nomulongelani: Sikumwibamlile na munhu yehile umoyo. Munhu yahakutowile kanza da ukulume, muhindusile na da ukumoso!

Siso jako ja ukulume dihakuhonza, disomole ujase kutali na gweye; kilumbo vokunogela, kinofu chako kimonga chage, bali lukuli lwako lose sikulwasigwe mdisimo da moto. Kamba mkono wako wa ukulume uhakuhonza, ukanhe uwase kutali na gweye; kilumbo vokunogela, kinofu chako kimonga chage, bali lukuli lwako lose sikulwasigwe mmoto.”