Popularni biblijski stihovi iz Tigidali Nai Gagalama Nigali Side 27

Podijeli

Te eno homugo te Godigo hulide te siginibo wę tagala palomainu elama, tama nago tigidali gide nai hauwa holomainu yaibao. Te agai nagebolo te wit hauwa me, wain wę me hauwa momainu yaibao. Te tigidali bulude bidi dabe te augwali nagede sę ebo bidi pedelama, tama te bidi dabe nage dologode bidaibao. Te nago te naga ama dabe tonaluaibao. Tama nago idago hani wąį dabe augwali te nage dologode bidaibao. Te Godibolo nage dolomainu i wabo bidi dabe, te augwa digi deli deli augwa ma dolomainu yaibao. Tiali goli, te bidi dabego Godiba i olama, te agai nage dali dwagi yai tau sabo sę emainu i wabo bidi dabe, augwali deli deli dali me te agai dwagi yai sę yaibao, te eno homugo te tama elalumainao,” Aisakgo te po wai.

Tialima, Isogo te po wai, “Te megi e da, te agai si sogo megi ena guni tǫba ilali. Tama tiyu, te nogi Jekop te nogi page te ‘polobo bidi’ tama dao, te agade dolo mu yali. Te idago hasia ena bolo ame nani, tiali goli Jekopgo te enade elaluali te gomunai ogwa wali, te nogi agai wi sai. Tama megi me te agai te enabolo maiabo dwagi yai po wi salio. Magi yaliwe, aya, te nago enabolo maiabo po te gasa me deli sisi yai elalubewe?”

Tialima, Aisakgo agabolo te po wai, “Te nago bulu dwai tǫ te wiegi yai ili yai tǫ digibulu elaluaibao. Tama hulide te siginibo wę te nago giba me tulalugobeo. Tama nage te bugagia bidiyu, te nai tuabo pesage gegeyu, te nago bainat hwą gego hwįyu, tama yaibao. Tama nage te nago amago sę ebo bidi bidaibao. Tiali goli, nosali nago hagela homu eyu, tama agai po sela sąbaso, tama agai nage ma tola sogobeo,” wali.

Tiali goli, Isogo bomonama, aga ayabolo hanaludubadi geani, “Aya, nago te dwagi yai po deli naga elaluai dawe? Aya, nage enabolo me te Yawego ena dali dwagi yai sę emainao po mao,” wali. Isogo te po olama, tama aga moni genuai gela ma wai.