Investimi yt më i mirë!Shembull

“Zgjero njohuritë e tua”

Zhvillimi i të kuptuarit të Fjalës së Perëndisë është një përpjekje e përjetshme. Nuk do të ndodhë brenda natës. Por ka disa qasje, të cilat mund të ushqejnë një të kuptuar më gjithëpërfshirës. Ja disa mendime:

1 - Siguro disa mjete. Janë të disponueshme disa lloje ndihmash studimore, të cilat mund të të ndihmojnë të kuptosh më mirë atë që po lexon. Për shembull, ka Bibla Studimi, konkordanca dhe udhëzues studimi tematik, si në internet, ashtu edhe kopje fizike.

2 - Përfshihu në një skuadër, ose grup të vogël studimi të Biblës për të bashkëvepruar me të krishterë të tjerë dhe për të vëzhguar se si të tjerët po e zbatojnë në jetën e tyre Fjalën e Perëndisë.

3 – Bëj një plan. Për ata që janë shumë ambiciozë në kohën e leximit të tyre personal, ka disa plane të disponueshme për të të drejtuar përgjatë gjithë Biblës. Shumë prej tyre mund të të ndihmojnë ta lexosh brenda vitit të gjithë Biblën - dhe kjo mund të thuhet se është një arritje e rëndësishme!

Sa më tepër kohë kalon në Fjalën e Tij, aq më mirë do ta kuptosh. Ndërsa vepron kështu, do të zbulosh po ashtu se Perëndia do të të ndihmojë të kuptosh pikërisht atë që duhet të dish për periudhën e jetës ku ndodhesh.