Vendimi më i madh i jetës suaj!Shembull

"Zoti të krijoi me përjetësinë në mendje"

Kur Zoti na krijoi, Ai kishte shumë më tepër se një plan 70 ose 80 vjeçar për ekzistencën tonë. Ai ka një qëllim specifik për secilën prej jetëve tona. Plani i tij përfshin si jetën tonë tokësore, ashtu edhe atë qiellore (ose të përjetshme). Jakobi 4:14 përshkruan ndryshimin midis këtyre dy aspekteve të ekzistencës sonë. Ai thotë,

"Cila është jeta juaj (tokësore)? Ashtë një mjegull që shfaqet për një moment dhe pastaj zhduket." Jakobi 4:14

Ju keni dëgjuar thënien, "Jeta është e shkurtër." Në dritën e përjetësisë, është! Bibla thotë,

"... njeriu është i destinuar të vdesë një herë, dhe pas kësaj të përballet me gjykimin." Hebrenjve 9:27

Të gjithë ne i nënshtrohemi një vdekjeje fizike. Por vdekja fizike është vetëm përfundimi i trupit tonë fizik, jo i shpirtit tonë. Shpirti ynë, ose ekzistenca jonë e ndërgjegjshme që jeton brenda trupit tonë, është e përjetshme. Shpirti ynë do ta kalojë tërë përjetësinë në një nga dy vendet pas vdekjes sonë fizike: Parajsë ose Ferr.

Parajsa është vendi i përjetshëm, ku Zoti jeton.

Ferri është ndarje e plotë nga Zoti.

Lindja jonë e natyrshme në këtë botë nuk ishte vetëm fillimi i jetës sonë të përkohshme, fizike në tokë, por edhe jeta jonë shpirtërore këtu dhe më tej përgjatë gjithë përjetësisë. Pra, në dritën e përjetësisë, disa mund ta shohin jetën tonë tokësore si të parëndësishme, por kjo thjesht nuk është e vërtetë. Fati juaj i përjetshëm përcaktohet në të vërtetë nga vendimet që merrni gjatë kohës tuaj këtu në tokë; më e rëndësishmja, vendimi për ta bërë Jezus Krishtin Zotin e jetës suaj. Shpëtimi është i disponueshëm për të gjithë ne përmes Jezu Krishtit, dhe vetëm përmes Tij mund të ndryshojmë fatin tonë nga kalimi i përjetësisë i ndarë nga Zoti, në kalimin e përjetësisë me Perëndinë në Qiell. Jezusi tha:

"Unë jam rruga, e vërteta dhe jeta. Askush nuk vjen tek Ati përveçse përmes meje.” Gjoni 14: 6

Vendimet që marrim në jetën tonë tokësore janë gjithashtu të rëndësishme edhe për arsye të tjera. Mënyra se si jetojmë si besimtarë mund të ketë një efekt në fatin e përjetshëm të të tjerëve që nuk e njohin ende Jezu Krishtin si Shpëtimtarin e tyre. Çdo ditë, ata rreth nesh po shohin shembullin tonë të të të jetuarit për Krishtin. Si të krishterë, Zoti përdor secilin prej nesh për të sjellë parajsë tek ata rreth nesh që nuk e njohin akoma Atë. Jezusi tha:

"Ju jeni drita e botës... drita juaj le të shkëlqejë para njerëzve, që ata të shohin veprat tuaja të mira dhe të lëvdojnë Atin tuaj në parajsë." Mateu 5:14-16