Më mirë së bashkuShembull

Mëso se si të jesh i ndjeshëm

Ju kurrë nuk do të jetoni në harmoni me bashkëshorten, burrin tuaj, miqtë tuaj, ose cilindo tjetër pa ndjeshmëri. Ju nuk mund të keni një ekip pa qenë i vetëdijshëm për atë që ndodh në jetën e njëri-tjetrit. Kjo është arsyeja pse kur njerëzit punojnë së bashku në një zyrë, ata mund të punojnë së bashku, por ata nuk janë ekip nëse nuk e dinë se çfarë po ndodh në jetën e njëri-tjetrit.

Ndjeshmëria është shumë e rëndësishme, sepse plotëson dy nga nevojat tona më të thella: nevojën themelore për t'u kuptuar dhe një nevojë e thellë për të vërtetuar ndjenjat tona.

Nëse po ndërton një ekip miqsh ose në punë ose në grup të vogël, ju duhet të ndërtoni ndjeshmëri në strukturë. Atëherë, si bëhesh një njeri i ndjeshëm?

1. Ngadalëso. Për shkak se kultura jonë na mëson të lëvizim shpejt, ne rrëshqasim në marrëdhënie. Kjo do të thotë që jeni duke goditur pikat e larta dhe duke humbur të gjitha llojet e detajeve në jetën e njerëzve që ju interesojnë më së shumti. Jakobi 1:19 thotë: “Çdo njeri të jetë i shpejtë në të dëgjuar, i ngadalshëm në të folur dhe i ngadalshëm në zemërim”.

2. Bëni pyetje. Fjalët e Urta 20: 5 thotë: “Këshilla në zemrën e njeriut është si uji i thellë, por njeriu me mend do të dijë të mbushë nga ai ujë”. Shumica e njerëzve i mbajnë emocionet e tyre brenda dhe nuk ndajnë me të tjerët se si ndihen. “Jam mirë” është përgjigja standarde, por kjo nuk na tregon me të vërtetë se si ndjehen.

Nëse pyet: “Si po ia kalon?” dhe personi tjetër thotë “Jam mirë”, ja se si mund të bëni një pyetje më të thellë: Mësoni ta bëni pyetjen dy herë. Kjo është se si zhvilloni ndjeshmërinë. Pushoni pak dhe thoni: “Jo. Si po ia kaloni me të vërtetë?”

Gjëja tjetër që duhet të bëni është të mësoni të guxoni. Kjo do të thotë të mos keni frikë nga heshtja. Vetëm prisni në këtë moment, bëni pyetjen dhe mos kini frikë të uleni dhe të prisni. Mos nxitoni menjëherë të ecni sipas programit tuaj. Vetëm dëgjoni dhe mësoni.

3. Tregoni emocionet. Bibla thotë te Romakëve 12:15: “Gëzohuni me ata që gëzohen, dhe qani me ata që qajnë”. Ndjeshmëria është më shumë se të thuash: “Më vjen keq që je i lënduar”. Por është të thuash: “Jam i lënduar bashkë me ty”. Ju jeni të gatshëm të qani me ta dhe jeni të gatshëm të gëzoheni me ta.

Ka vetëm një mënyrë që ju të jeni të ndjeshëm — qëndroni të mbushur me Perëndinë. Nëse serbatori juaj është i pambushur me Zotin, nuk do të jeni të ndjeshëm fare. Ju duhet të qëndroni të mbushur me Perëndinë.

”Dhe më në fund jini të gjithë të një mendjeje, të dhembshur, plot dashuri vëllazërore, të mëshirshëm dhe dashamirës” (1 Pjetrit 3: 8).

Dëgjoni mësimin e sotëm audio nga pastori Rik >>