Largoje FrikënShembull

A ke qenë ndonjëherë në një aeroplan në mes të turbulencave të forta? Avioni mund të jetë dukur për pak kohë jashtë kontrollit, dhe ndoshta je nervozuar pak. Nëse rripi yt i sigurimit ishte i lidhur tashmë, mund ta kesh shtrënguar atë. Ndoshta e ke mbajtur mbështetësen e krahut pak më fort. Mund të jesh ndjerë paksa i shqetësuar sepse ke mbetur pezull në ajër. Ndoshta ke filluar të lexosh të njëjtin rresht në librin tënd pa pushim, sepse je destabilizuar nga turbulencat.

Por më pas kapiteni ndoshta bëri një njoftim: "Kemi hasur në disa turbulenca, kështu që do të rregullojmë lartësinë tonë dhe do të përpiqemi të gjejmë pak ajër më të qetë." Tani, problemi yt nuk u zhduk. Turbulenca ishte ende aty. Por ndoshta ke marrë frymë thellë, je relaksuar, i je rikthyer leximit dhe në përgjithësi je ndjerë shumë më i qetë, sepse nuk u përqëndrove më tek turbulencat dhe në vend të kësaj u fokusove në njoftimin e pilotit.

Kur e largon përqëndrimin tënd nga ajo që ke frikë dhe e ridrejton atë te Zoti - ai që piloton jetën tonë me siguri - do të ndjesh që frika jote të zbehet.

Zot i mëshirshëm, kur kam frikë, dua të kem besim tek ti. A do të më japësh, të lutem, gjithçka që kam nevojë—mendimet, të vërtetën, dhe inkurajimin—për ta bërë këtë? Ti nuk je një Perëndi konfuzioni, por më tepër një Perëndi i paqes. Kur nuk ndiej paqe, jam distancuar nga prania jote. Më fuqizo që të qëndroj në Ty, fjalët e tua do të qëndrojnë në mua dhe unë mund të përjetoj plotësisht paqen Tënde. Në emër të Krishtit. Amen.

A të pëlqyen këto lexime dhe lutje të përditshme? Ne duam të të inkurajojmë me një dhuratë me tre shkarkime predikimesh në format mp3 nga Tony Evans në këtë link, që shkojnë më thellë në atë që u diskutua sot. Vetëm vizito linkun këtu.