Zbulesa 5:11-14
Zbulesa 5:11-14 Bibla Shqip "Së bashku" 2020 (me DK) (AL1)
Pastaj pashë përsëri dhe dëgjova zërin e shumë engjëjve që kishin rrethuar fronin, gjallesat dhe pleqtë. Numri i tyre ishte me mijëra, me dhjetëra mijëra. Ata thoshin me zë të lartë: «I denjë është Qengji i therur për të marrë pushtetin, pasurinë, urtinë, fuqinë, nderin, lavdinë e bekimin». Pastaj dëgjova çdo krijesë në qiell, mbi tokë, nën tokë, në det, gjithë krijesat e gjithësisë, që thoshin: «Atij, që rri ulur në fron, dhe Qengjit u qoftë bekimi, nderi, lavdia e pushteti, në shekuj të shekujve». Katër gjallesat thanë: «Amen!», ndërsa pleqtë ranë përmbys dhe adhuruan.
Zbulesa 5:11-14 Bibla Shqip 1994 (ALBB)
Pastaj pashë, dhe dëgjova zërin e shumë engjëjve përqark fronit, qenieve të gjalla dhe pleqve; dhe numri i tyre ishte dhjetë mijëra dhjetë mijërash dhe mijëra mijërash, që thoshin me zë të madh: ''I denjë është Qengji që u ther, të marrë fuqinë, dhe pasurinë, dhe diturinë, dhe forcën, dhe nderin, dhe lavdinë, dhe bekimin''. Edhe dëgjova çdo krijesë që është në qiell, mbi dhe, nën dhe dhe ato që janë në det dhe gjitha gjërat sa janë në to, që thoshin: ''Atij që rri ulur mbi fron dhe Qengjit i qofshin bekimi, nderi, lavdia dhe forca në shekuj të shekujve''. Dhe të katër qeniet e gjalla thoshin: ''Amen!''. Dhe të njëzet e katër pleq ranë përmbys dhe adhuruan atë që rron në shekuj të shekujve.