Ligji i Përtërirë 6:20-25
Ligji i Përtërirë 6:20-25 Bibla Shqip "Së bashku" 2020 (me DK) (AL1)
Kur, në të ardhmen, të të pyesë yt bir: “Çfarë kuptimi kanë dëshmitë, rregullat e vendimet që ju urdhëroi ZOTI, Perëndia ynë?”, atëherë do t'i thuash: “Ne ishim skllevër të faraonit në Egjipt dhe ZOTI na nxori nga Egjipti me dorë të fuqishme. Ai bëri para syve tanë shenja e mrekulli të mëdha e të tmerrshme kundër Egjiptit, kundër faraonit e kundër gjithë shtëpisë së tij. Na nxori prej andej, që të na sillte e të na jepte tokën për të cilën iu betua etërve tanë. ZOTI na urdhëroi t'i zbatojmë të gjitha këto rregulla e ta druajmë ZOTIN, Perëndinë tonë, që të na shkojë mbarë jeta e të na mbajë gjallë, sikurse jemi sot. Nëse e zbatojmë me kujdes tërë këtë ligj para ZOTIT, Perëndisë tonë, ashtu siç na urdhëroi, atëherë do të jemi të drejtë”».
Ligji i Përtërirë 6:20-25 Bibla Shqip 1994 (ALBB)
Kur në të ardhmen biri yt do të të pyesë: "Çfarë kuptimi kanë këto rregulla, statute dhe dekrete, që Zoti, Perëndia ynë, ju ka urdhëruar?", ti do t'i përgjigjesh birit tënd: "Ishim skllevër të Faraonit në Egjipt dhe Zoti na nxori nga Egjipti me një dorë të fuqishme Përveç kësaj Zoti veproi para syve tona, kreu mrekulli të mëdha dhe të tmerrshme kundër Egjiptit, Faraonit dhe gjithë shtëpisë së tij. Dhe na nxori që andej për të na çuar në vendin që u ishte betuar t'u jepte etërve tanë. Kështu Zoti na urdhëroi të zbatonim në praktikë të gjitha këto statute duke pasur frikë nga Zoti, Perëndia ynë, që të kemi gjithnjë mirëqenie dhe që ai të na mbante të gjallë, siç po ndodh tani. Dhe kjo do të jetë drejtësia jonë në rast se kujdesemi të zbatojmë në praktikë tërë urdhërimet e Zotit, Perëndisë tonë, ashtu siç na ka urdhëruar"".