Luke 2
2
1အင်းမာအချိန်ကာလလည် ရောမဘုရင်ကြီးaဩဂုတ္တုကော ရောမအင်ပါယာ အုပ်ချုပ်သောပါအာ လင်းငါးကာတီတ်ဆာတိုင်း သန်းခေါင်စာရင်း ကောက်သောထော်ပ်ကား ငေါကဲ့အယ် အမိန့်ထုတ်ပြန်နီမာ့။ 2အင်းကာညယ် ပထမဦးဆုံး သန်းခေါင်စာရင်း စားလောကဲ့အယ် ကောက်သောကား အချိန်နယ် ကုရေနိကော ဆီးရီးယားပြည်လည် အုပ်ချုပ်သောမာ့။ 3အင်းသယ် တီတ်ဆာတိုင်းရီး ဟီမ်နာပ်ဘိုးဘေးလာပ်ကာ မြို့ပါအာ သန်ခေါင်စာရင်း ဆာမ်တီမ် လာမ်ဟာမ်းဟီးမာ့။ 4ယောသပ်ရီး ဘုရင်ဒါဝိဒ်ကာမျိုးရိုးပါအာအယ် ဆာပ်လီကားဟီမ်ဟော်ဝါထာကယ်မာ့ ဂါလိလဲပြည် နာဇရက်မြို့ပါအာအယ် ပူရီကဲ့အယ် ဘုရင်ဒါဝိဒ်ဟဲရီကာမြို့ ထာကာကာ့ ယုဒပြည် ဗက်လင်မြို့ပါအာ လာမ်မာ့။ 5ယောသပ်ကော သန်းခေါင်စာရင်းဆာမ်တီမ် အင်းမာနေရား လာမ်စန်းနော ဟီမ်နောက်တူတူ နာမ်ဖါတ်သာမ်ပေးကဲ့အယ် ပူစ်ကာမ်ကဲ့အယ် လင်းငါးကာ မာရိနောက် လာမ်မောက်မာ့။ 6ဟီမ်နာပ်ကယ်ဟောစလုံး ဗက်လင်မြို့ဝါး ငါကဲ့အယ် လင်းငါးချိန်နယ် မာရိကော ဆာဟဲတီမ်အချိန်ထုတ်အီမာ့။ 7အင်းသယ် မာရိကော အရာမ်ဆုံး ဟော်လောဝါ ဆာဟော်ဝါလည် ဟဲရီမာ့။ အင်းမာချိန်နယ် ဟီမ်နာပ်ခနန်း လင်းတီမ် အခန်းလွတ်သောကား နေရာအပေါ်စော်မန်သယ်မာ့ ဟီမ်ငေါဆဟာလည် ပဇယ်ကမ်းနောက်ပတ်သောကဲ့အယ် မုတ်စာခေါင်းငါး ပီန်းအက်ပေထော်မာ့။ 8အင်းမာ နာန်ကြည်လည် သိုးပေါ်ကားကာ တီတ်ဆာကြအာကော ဟီမ်နာပ်ကာ သိုးဖူမ်နယ် ဗက်လင်မြို့နောက် ထံငါးကာ့ လက်ပါးကွင်းဖူမ်ပါအာ ထက်ကဲ့အယ် လင်းဟီးမာ့။ 9အင်းမာချိန်နယ် ဘုရားရှင်ငါ ဟမန်းဟော်ဝါကော ဟီမ်နာပ်ကာမန်းနား ရုတ်တရာပ် ပေါ်လီကယ်အယ် ဘုရားရှင်ပါအာမာ့ ဘုန်းတန်ခိုးတော်bဖူမ်ငေါ ဟီမ်နာပ်ကာ့ ပတ်ပတ်လည်ပါအာ တောက်ပါး လောကဲ့အယ် လင်းကယ်မာ့ သိုးပေါ်ကားကာ့ တီတ်ဆာဖူမ်ငေါ ကစာပ်တင်ကယ်အယ် လင်းဟီးဟူမ်မာန်မာ့။ 10အင်းညယ်ငေါဝမ်ရီ ဟမန်းငေါ ဟီမ်နာပ်သယ် “ကစာပ်ချီရာ့၊ မဟာအောမ်ကယ်လိုးငေါနော ငါကော တီတ်ဆာလာပ်အားလုံးဟနန် ပျော်လောမီးတင်းငါးကာ သတင်းကလန်နယ် နီမ်ပါအာ လာရီကားထာမာ့။ 11အင်းကာနာန်ကြည်လည် အရှင်မေရှိယc ထာကာကာ့ ကယ်တင်ရှင်ငေါ ဘုရင်ဒါဝိဒ်ကာမြို့ထာကာကာ့ ဗက်လင်မြို့ပါအာ ဟဲရီရာမ်။ 12နီမ်ငေါ အင်းမာဆဟာလည် မညယ်မီမ်းဟော်ရင်ဟနာပ်d ငေါကားလည် ငါဆောမ်းဟနာပ်။ နီမ်ငေါ ပဇယ်ကမ်းနောက်ပတ်သောကဲ့အယ် မုန်စာခေါင်းငါး ပီန်းအက်ပေကာဆဟာလည် သမ်ကဲ့အယ် ယူပ်မူကားအချိန်နယ် ဟီမ်နယ် မီမ်းဟော်ဟီနာပ်” ရယ် ငေါမာ့။ 13ရုတ်တရာပ်ရယ် ရွှေမြို့တော်eပါအာမာ့ အခြားဟမန်းနာပ်ကော် အင်းမာဟမန်းနောက်တူတူ ပေါ်လီကယ်အယ် ဘုရားရှင်ကို 14“စုတ်ခန်ဆုံး ရွှေမြို့တော်ပါအာ ငါကားကာ့ ဘုရားရှင်နယ် ချီးမွမ်းနောမာ့။ အင်းကာ ကမ္ဘာပါအာ ငါကားကာ ဘုရားရှင် နှစ်သက်သောကား တီတ်ဆာအားလုံး ငြီမ်းချမ်းသာယာမှု ငါစန်ညုပ်” ငေါကဲ့အယ် ချီးမွမ်းနောဟီးမာ့။ 15ဟမန်းနာပ်ကော် ရွှေမြို့တော်ပါအာ လာမ်ဟာမ်းစီးရာမ်စန်နော် သိုးပေါ်ကားကာ့ တီတ်ဆာလာပ်ကော “အလေလည် ဟမန်းပါအာအယ် ဘုရားရှင် ဆောမ်းနီကာကာ့ အဖြစ်ပျက်ဖူမ်နယ် ယူဝါတီမ် ဗက်လင်မြို့ဝါးလာမ်ဟီးမယ်” ငေါကဲ့အယ် အချန်းချန်းငေါဟီးမာ့။ 16အင်းသယ် ဟီမ်နာပ်ကော အင်းမာနေရာပါအာ ကစက်ကစက်လာမ်ဟီးစန်းနော ယောသပ်၊ မာရိလာပ်နောက်တူတူ မုတ်စာခေါင်းငါး အက်တလေးကဲ့အယ် လင်းငါးကာ့ ဆဟာလည် သမ်ကဲ့အယ် ဟောပ်တောဟီးရီမာ့။ 17သိုးပေါ်ကားကာ့ တီတ်ဆာလာပ်ကော ဆဟာလည် ယူပ်မူဝမ်စန်းနော ဟမန်းဆောမ်းငါးကာ့ ဆဟာကာ အကြောင်းဖူမ်နယ် တီတ်ဆာလာပ်အားလုံးနယ် ဆောမ်းဟာမ်းဟီးမာ့။ 18သိုးပေါ်ကားကာ့ တီတ်ဆာလာပ် ဆောမ်းငါးကာ့ အကြောင်းဖူမ်နယ် သပ်မူကာကာ့ တီတ်ဆာဖူမ်ရီး အန်းနောဟီးရာမ်မာ့။ 19အင်းညယ်ငေါဝမ်ရီ မာရိကော ထာရီကား အကြောင်းအရာအားလုံးနယ် ဟီမ်ငါစိတ်နားဟာ ပေးကဲ့အယ် အင်းမာအကြောင်းအရာကော် မဟာလည် ငေါကာပ်ကာသယ် ငေါကဲ့အယ် အမြဲတမ်း တွေးလောကဲ့အယ် လင်းမာ့။ 20သိုးပေါ်ကားဟီမ်နာပ်ရီး ဘုရားရှင်နယ် ရိုရိုသေသေရယ် ချီးမွမ်းနောစာပ်ရယ် ဟီမ်နာပ်ကာ သိုးငါကားနေရား လာမ်ဟာမ်းဟီးမာ့။ မဟာအောမ်ကယ်လိုးငေါနော ဟီမ်နာပ်သပ်မူကယ်အယ် ယူပ်မူရီကားဖူမ်အားလုံးငေါ ဟီမ်နာပ်သယ် ဟမန်းငေါရီကယ်ညယ် အမှန်တကယ် ထာရီကယ် ထာမာ့။
21အင်းမာစီးရာပ်သော် ဆဟာဟဲစီးကဲ့အယ် ရှစ်ရက် မာန်းရာပ်သယ် ဆဟာလည် အရေဖျားလှီးမင်္ဂလာ အောမ်ကဲ့အယ်အီတီမ် အချိန်ထုတ်အီကယ်မာ့ ယောသပ်နောက် မာရိကော ဆဟာလည် ယေရှုရယ် နံမယ်အီရာမ်မာ့။ မဟာအောမ်ကယ်လိုးငေါနော မာရိ ပူစ်အကာမ်ဟော်ပ်မာ့အယ် ဟမန်းငေါ ဆဟာလည် အင်းမာနံမယ်အီထော်ပ်ကား ငေါကဲ့အယ် ဆာမ်နောပေးရီကယ်ထာမာ့။ 22မောရှေကာ့ ပညတ်ကျမ်းfပါအာ ရေးလောပေးကားအတိုင်း မာရိကော သန့်စင်နော်ကာမင်္ဂလာ gအောမ်စီးရာမ်စန်နော် ယောသပ်နောက် မာရိကော ဆဟာယေရှုလည် ဘုရားရှင်ပါအာ အပ်သောတီမ် ဂျေရုဆလင်မြို့ဝါ ကော်ဟီးရီမာ့။ 23ဟီမ်နာပ် ဗိမာန်တော်ပါအာ လီထော်ကားကော မောရှေကာ့ ပညတ်ကျမ်းပါအာ ရေးလောပေးကားအတိုင်း “ဆာတုန်းတိုင်းငေါ ဘုရားရှင်ပါအာ ဆက်ကပ်သောထော်ပ်ကားကာနောက် 24တကူးကူးနူစ်နူကယ်မာ အင်းညယ်အဟီပ်ရီ ခိုနူစ်နူကယ်မာနောက် ပူဇော်လောထော်ပ်ကား” ငေါကဲ့အယ် ငေါပေးကယ် ထာမာ့။ 25အင်းမာချိန်နယ် ဂျေရုဆလင်မြို့ဝါးလင်းငါးကာ ရှုမောင်ရယ် ကော်ကားကာ တီတ်ဆာဟော်ဝါငါမာ့။ ဟီမ်ငေါ ဖြောင့်မတ်သောကဲ့အယ် ဘုရားရှင်နယ် ယုံကြည်လောကားဟီမ်ရီး ထာမာ့။ ဟီမ်ငေါ အစ္စရေးလူမျိုးလာပ်သယ် ကယ်တင်နောတီမ် ဘုရားရှင် သာပ်လီကားကာ ကယ်တင်ရှင်မေရှိယလည် လေးကဲ့အယ် လင်းငါးကာဟီမ်ဟော်ဝါထာကယ်အယ် ဉာဏ်အလင်းတော်ရီ ဟီမ်နောက်တူတူ ငါကဲ့အယ်လင်းမာ့။ 26ဉာဏ်အလင်းတော်ကော် ဟီမ်နယ် “နာန်ငေါ ကယ်တင်ရှင် မေရှိယလည် အယူပ်မူရယ်အဖူးလောမူဟော်ပ်ရယ်ကော ရှီးမုကားယို” ငေါကဲ့အယ် အရင်နာ မိန့်နီမာ့။ 27ယောသပ်နောက် မာရိလာပ်ကော် ဆဟာယေရှုလည် မောရှေကာ့ ပညတ်ကျမ်းအတိုင်းညယ် ဘုရားရှင်ပါအာ အပ်သောတီမ် ဗိမာန်တော်ဝါမ်းငါး ကော်ရီကားကာအချိန်နယ် ဉာဏ်အလင်းတော်ကော် ရှုမောင်နယ် ဗိမာန်တော်ဝါမ်းငါး ဆာမ်တီမ် လမ်းပြလောရီမာ့။ 28အင်းမာနောက်သယ် ရှုမောင်ငေါ်ဆဟာယေရှုလည် ဟီမ်ငါထော်နောက် ဖင်ကဲ့အယ် ဘုရားရှင်နယ် 29“ဘုရားရှင်၊ နာန်ဆွမ်း အီပေးရီကာ ကတိတော်ကော် အမှန်တကယ် ထာရီကားသယ်မာ့
ဘုရားရှင်ငါ အစေခံနယ်ထာကာကာ့ ငါဆူလည် ရာငြီမ်းငြီမ်းချမ်းချမ်းရယ် ရှီးကားကာအခွင့်နယ် အီစာ့ဆွမ်။ 30မဟာအောမ်ကယ်လိုးငေါနော ကမ္ဘာပေါ်ဝါးမာ့ လူမျိုးအားလုံးနယ် ကယ်လောတီမ် ဘုရားရှင် သာပ်လီကားကာ အရှင်နယ် ငါဆူကိုယ်တိုင် ဖူးလောမူဝါပ် ထာမာ့။
31အင်းမာပြာန်နယ် ကမ္ဘာပေါ်ဝါးမာ့ လူမျိုးအားလုံးရီး ဟီမ်နာပ်ခနန်း ဘုရားရှင်ပြင်ဆင်နောကဲ့အီပေးကားကာ အင်းကာဟီမ်နယ် ယူပ်မူဟီးမုကား ထာမာ့။ 31တီတ်ဆာလာပ်ခနန်း နာန်ဆွမ်း ပြင်ဆင်နောကဲ့ အီပေးကားကာ့ 32အင်းမာအရှင်ငေါ် ဘုရားရှင်နယ် ဂျူးလူမျိုးအဟီပ်ကာဟီမ်နာပ်ပါ မီမ်းဟော်ကွန်နယ် ပြလောပ်ကာကာ့ အလင်းရောင် ထာကယ်အယ်
ဘုရားရှင်ငါ လူမျိုး ထာကာကာ့ အစ္စရေးလူမျိုးလာပ် လေးစားလောကား ခံနောထော်တီမ်ရီး အောမ်ကဲ့အယ် အိကား” ငေါကဲ့အယ် ချီးမွမ်းနောမာ့။ 33ယောသပ်နောက် မာရိလာပ်ရီ ရှုမောင် ဆောမ်းငါးကာ ဆဟာယေရှုကာ့အကြောင်းနယ် သာပ်မူကဲ့အယ် အန်းနောတင်းဟီးရာမ်မာ့။ 34အင်းမာနောက်သယ် ရှုမောင်ငေါ် ဟီမ်နာပ်သယ် ကလန်ငါကာ စကားဖူမ်နယ် ငေါကဲ့အီစီးကဲ့အယ် မာရိလည် “ဘုရားရှင်ငေါ် နာန်ငါ ဆာလည် အစ္စရေးလူမျိုးလာပ်ကာ့ကြာပ်ကြား ဘုရားရှင်ငါ အပြစ်အိကားလည် ခံနောထော်ပ်ကား တီတ်ဆာဖူမ်နောက် အခြားနံတင်းငါးကာ ကယ်တင်နောကား ခံနောထော်ပ်ကားတီတ်ဆာဖူမ်နယ် ခွဲခြားလောတီမ် ရွေးချယ်လီကာ ထာမာ့။ မာ့ ဆဟာကော ဘုရားရှင်ပါအာမာ့ နိမိတ်လက္ခာဏာကြအာ ထာရီပ်ကားငေါရီး တီတ်ဆာလာပ်ကော ဟီမ်နယ် ပယ်လောဟိကာ ထာမာ့။ 35အင်းသယ် အင်းကာဆဟာကော တီတ်ဆာလာပ်ကာ့ စိတ်နားမာ့ အကြံအစည်ဖူမ် ပေါ်လီကွန်နယ် အောမ်ကဲ့အီကဲ့အယ် နာန်ရီး နာန်ငါ နှလုံးသားပါအာ ချွန်နောကဲ့အယ် ဟာမ်းတင်းငါးကာ့ တာမ်ခပ်လာပ် တော်ပ်ဆာမ်ငါမ်ကယ်ညယ် ကနာတင်ကယ်အယ် ခံစားလောထော်ပ်ကား” ငေါကဲ့အယ် ငေါဝါမ်မာ့။ 36အင်းမာနေရား အောက်ဆော်တင်းငါးကာ အာရှာမျိုးနွယ်ဝင် ဖနွေလကာ့ရှိတ် ပရောဖက်hယာပ်ရှီဟော်ဝါ ထာကာကာ့ အန္နရီး ငါကဲ့အယ် လင်းမီမာ့။ ဟီမ်ငေါ ကျေးမီစ်စေါက်စီးကဲ့အယ် ဟီမ်ငါဟလားနောက်တူတူ ခုနစ်နှစ်နိုက်ချာ လင်းမောက်အီမူမာ့။ အင်းမာနောက်သယ် ဟီမ်ငါ ဟလားကော ရှီးပေးရာမ်မာ့။ 37ရာ ဟီမ်ငေါ မုဆိုးမဟော်ဝါထာရီကဲ့အယ် အသက် ရှစ်ဆယ့်လေးနှစ်i ငါဝါပ် ထာမာ့။ ဟီမ်ငေါ ဗိမာန်တော်ဝါမ်းငါး အမြဲတမ်း လင်းဟာမာ့။ ဟီမ်ငေါ နီတ်ခူတိုင်း နာန်ကြည်တိုင်း ဘုရားရှင်နယ် ဝယ်လော်ကာ၊ ဆုစိမ်ငါး၊ တစ်ခါတစ်လေငေါက်သော် ရောက်ကားရှောင်နောကဲ့အယ် အူန်းပူစ်စောင့်နောကားဖူမ် အောမ်ငါးကာဟီမ်ရီးထာမာ့။ 38ရှုမောင်ငေါ် ယောသပ်နောက် မာရိလည် သပေါက်ကဲ့လင်းငါးချိန်နယ် ပုရောဖက် အန္နရီး အင်းမာနေရား ထုတ်အာပ်အီကယ်အယ် ဘုရားရှင်နယ် စားလောကဲ့အယ် ချီးမွမ်းနောမာ့။ အင်းမာနောက်သယ် ဟီမ်ငေါ ဂျေရုဆလင်မြို့ဝါးမာ့ တီတ်ဆာဖူမ်နောက် အခြားအစ္စရေးလူမျိုးလာပ်သယ် ကယ်တင်နောပ်ကာကာ့ ကယ်တင်ရှင်မေရှိယလည် ထက်ကဲ့လင်းဟီးကားကာ တီတ်ဆာတိုင်းနယ် ဆဟာယေရှုကာ့ အကြောင်းနယ် လိုက်သောကဲ့အယ် ဆောမ်းဟူမ်မာန်မာ့။ 39အင်းမာစီးရာပ်သော် ယောသပ်နောက် မာရိကော မောရှေကာ့ ပညတ်ကျမ်းဖူမ်ပါအာ ရေးလောပေးကားအတိုင်းညယ် အောမ်တီမ်ငါကားဖူမ်အားလုံး အောမ်စီးရာမ်စန်နော် ဟီမ်နာပ် လင်းငါးကာ ဂါလိလဲပြည် နာဇရက်မြို့ဝါ လာမ်ဟာမ်းဟီးမာ့။ 40ဆဟာယေရှုရီး တုန်းရီစန်နော် ဟီမ်ငါ ခန္ဓာကိုယ်ကော ဇလားကဲ့အယ် သန်မာလောကားနောက် ဉာဏ်ပညာနောက်ရီး ပြည့်စုံနော်ကယ်အယ် ဘုရားရှင် မီပ်မန်းအီကားလည်ရား ခံစားလောမူမာ့။ 41ပီးတိုင်းပီးတိုင်း ယောသပ်နောက် မာရိကော ပသခါပွဲတော်jနန်း ဂျေရုဆလင်မြို့ဝါး လာမ်လီးဟာမာ့။ 42ဆဟာယေရှု အသက်ဆယ့်နှစ်နှစ်အရွယ်လည် ဟီမ်နာပ်အားလုံးငေါ ပသခါပွဲတော်နန်း ဂျေရုဆလင်မြို့ဝါး ဟီမ်နာပ် လာမ်နေကျအတိုင်း လာမ်ဟီးမာ့။ 43ပသခါပွဲတော်မာန်းရာပ်ဖူမ်စီးရာမ်စန်နော် ဆဟာယေရှုကော ဂျေရုဆလင်မြို့ဝါး လင်းပေးရီကာလည် ယောသပ်နောက် မာရိကော အမီမ်းဟော်ဟီရယ် ဟီမ်နာပ်ကာ ကျဉ်းမာ လီဟာမ်းဟီးမာ့။ 44ဆဟာယေရှုကော ဟီမ်နာပ်နောက်တူတူ ခရီး လာမ်ဟီးကားကာ တီတ်ဆာလာပ်ကာ ကြာပ်ကြား ငါမာရယ် မသာပ်ချီးမာ့။ အင်းသယ် ဟီမ်နာပ်ကော ရာပ်အာလော်ဝါ ခရီးလာမ်ဟီးစီးရာပ်သော် ဆဟာယေရှုလည် ဆွေမျိုးဖူမ်နောက် မိတ်ဆွေလာပ်ကာ့ ကြာပ်ကြား စားလောကဲ့အယ် သမ်ညာပ်ချီမာ့။ 45အင်းညယ်ငေါဝမ်ရီ ဟီမ်နာပ်ကော ဆဟာယေရှုလည် သမ်ကဲ့အလူရယ်လင်းကယ် ဂျေရုဆလင်မြို့ဝါ သမ်တီမ် လီဟာမ်းဟီးမာ့။ 46ဆွန်းရာပ်မာပ်အာမ်စန်းနော ဟီမ်နာပ်ကော ဆဟာယေရှုလည် ဗိမာန်တော်ဝါမ်းငါး ဂျူးဘာသာရေး ဆရာလာပ်ကာ့ ကြာပ်ကြား ထောင်းကဲ့အယ် လင်းငါးလည် ယူပ်မူဟီးမာ့။ ဟီမ်ငေါ ဂျူးဘာသာရေး ဆရာလာပ် ဆောမ်နောကားဖူမ်နယ် သပ်ကဲ့အယ် ဟီမ်နာပ်သယ် မေးခွန်းဖူမ် စီမ်ညူကဲ့အယ် လင်းမီမာ့။ 47ဆဟာယေရှု သပေါက်ကားလည် သာပ်မူဟီးကားကာ တီတ်ဆာတိုင်းငေါ ဟီမ်နားလည်လော်ရင်ငါဖူမ်နောက် ဂျူးဘာသာရေးဆရာလာပ် စီမ်ညူကားဖူမ်နယ် ဖြေလောဟာမ်းဟာကာဖူမ်နယ် အန်းနောကဲ့လင်းဟီးမာ့။ 48ယောသပ်နောက် မာရိလာပ်ရီ ဆဟာယေရှုလည် ယူပ်မူဟီးရာမ်စန်နော် အန်းနောဟီးကဲ့အယ် မာရိကော “ငါဆာ၊ မဟာအောမ်ကယ် အလေလည် အင်းကာညယ် အောမ်ထော်ကားသယ်။ ငါနောက် နာန်ငါအဝါကော စိုးရိမ်နော်တင်ကယ်အယ် နာန်နယ် သမ်ညာပ်ချီထော်ကာ” ငေါကဲ့အယ် ငေါရီမာ့။ 49အင်းမာချိန်နယ် ဆဟာယေရှုကော “မဟာအောမ်ကယ် ငါလည် သမ်ညာပ်ချီကာသယ်။ ငါကော ငါကာ အဝါkကာ့ ကျဥ်းမားဟာ ငါကဲ့လင်းထော်ပ်ကားလည် အမီမ်းဟော်ဟီကာလေး” ငေါကဲ့အယ် ဖြေလောဟာမ်းမာ့။ 50အင်းညယ်ငေါဝမ်ညီ ဟီမ်နာပ်ကော ဆဟာယေရှု ငေါကာပ်ကာ အဓိပ္ပာယ်လည် နားလည်လော်ဟီရီယို။ 51အင်းမာစီးရာပ်သော် ဆဟာယေရှုကော ယောသပ်နောက် မာရိလာပ်နောက်တူတူ နာဇရက်မြို့ဝါ လာပ်ထာမ်းကဲ့အယ် ဟီမ်နာပ်သပေါက်ကားလည် ဆက်သောကဲ့အယ် သပ်ကဲ့အယ် လင်းမီမာ့။ အင်းညယ်ငေါဝမ်ရီ ဟီမ်ငါအမေကော ထာရီကားကာ အကြောင်းအရာဖူမ်အားလုံးနယ် ဟီမ်ငါစိတ်နားဟာ ပေးကဲ့အယ် တွေးလောကဲ့အယ် လင်းမာ့။ 52စီးရာပ်သော် ကိုယ်တော်ယေရှုကော တုန်းရီစန်နော် ဉာဏ်ပညာနောက် ပြည့်စုံနော်ကယ်အယ် ဟီမ်ငါ ခန္ဓာကိုယ်ရီး တုန်းတင်းနီကယ်အယ် ဇလားကဲ့အယ် ဘုရားရှင်နောက် တီတ်ဆာလာပ် မီပ်မန်းအီကာလည်ရား ခံနောထော်မာ့။
Aktualisht i përzgjedhur:
Luke 2: ktpv-rv
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
This translation of the Kanan Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.