१ थेसलोनिकि परिचय
परिचय
थेसलोनिकि चाहिँ रोमिहान्इ राज्ये गर्लो ठउँ माकेडोनिया इलाकाको राजधानि रहिक्। इ चिट्ठि पावलइ लगभग इस्बि सम्बत् ५० मा कोरिन्थिभि लेखिकनि पठालो हो। तर आज इ उत्तर गिरिस इलाकामा बाटि। पावल आफ्नो दोस्रो पल्टको प्रचारको यात्रामा सिलाससिन थेसलोनिकि सहरमा पुग्वाइ। उनहान्इ उथि नाम्रो खबर सुनाइ सक्लोपाछु धेरे मानिसहान्इ येसु खिरिस्टमा बिस्वास गर्वाइ।
पावल यहुदिहान्को बिरोधको कारनइ तुरुन्ते जाए परिक। उसिगर्ते उ थेसलोनिकिमा केइ हप्ता मात्रे बिसे पाइक। उथि येसुमा बिस्वास गर्लो बिस्वासिहानमा दुख र सतावट आइक। पावलइ उनहान्के साहारा र सिछा देहेके लागि इ चिट्ठि लेख्लो हो।
ओत्का मात्र नाहो, थेसलोनिकिमा पावलको दुस्मनहान यहुदि र अरु जातहान पनि रहाइ। उनहान्इ खिरिस्टको नाम्रो खबरको बिरोध गरेके लागि पावलके बदनाम र घिडा गरे लाग्वाइ। एइ कुराभि थेसलोनिकिमा होख्लो नयाँ बिस्वासिहानको बिस्वास कमजोर होख्ताइ कहिकनि पावलके डर लागिक पावलइ इ चिट्ठि थेसलोनिकिमा होख्लो बिस्वासिहान्के आफ्नो बिस्वासमा बलियो बनाएके लागि र खिरिस्ट फेरि दोस्रो पल्ट आउलार दिनको आस देहेके लागि लेखिक्।
पावलइ मन्डलिहान्के लेख्लो अरु चिट्ठिहानमध्ये थेसलोनिकिहान्के लेख्लो इ दुइ ओटा चिट्ठि ओख्रो पुरानो चिट्ठि हो।
बिसय तालिका
परिचय १:१
धन्येबाद र पर्सम्सा १:२—३:१३
खिरिस्टियन चालचलनको लागि अर्ति ४:१-१२
खिरिस्ट फेरि आउलार बारेमा अर्ति ४:१३—५:११
अन्तिम अर्ति ५:१२-२२
अन्तिम बिन्ति ५:२३-२८
Aktualisht i përzgjedhur:
१ थेसलोनिकि परिचय: BOTE
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2024 (Active), Mother Tongue Translators Society and Wycliffe Bible Translators, Inc. All rights reserved.