मरकुस 15
15
पीलातुस को पुढा यीसु
(मत्ती 27:1,2,11-14; लूका 23:1-5; योहन 18:28-38)
1पहट होतो मुखिया याजक, सयाना अना मोसे को नियम को गुरू ना अना सप्पा यहुदी गीन को मोठो सभा ना न्याय करके यीसु ला बंधवायो, अना ओला धरके ना पीलातुस को हात मा दे देइन।
2पीलातुस ना ओको लक पुसिस, “का तु यहूदी गीन को राजा आस?” ओना ओला जवाब देइस “असो तु खुदच कव्हासेस।”
3मुखिया याजक गीन ओको पर गजब लान-छान लगावत होतीन। 4पीलातुस ना ओला कहीस “का तु काही जवाब नही देस? चोव यो तोरो पर केतरी गोस्टी लक लानछान लगावसेत?”
5यीसु ना मंग जवाब नही देइस, यहान तकन की पीलातुस ला मोठो अचंभा भयो।
यीसु की मिरतु सजा को हुकूम
(मत्ती 27:15-26; लूका 23:13-25; योहन 8:39—19:16)
6पीलातुस वोनो तिहार मा कोनी एक बन्दी ला जेनला वय लोकगीन चाहवत होत्यो उनको लाई छोड़ देवत होतो। 7बरब्बा नाव को एक मानूस होतो, उ जेल मा होत्यो उ सासन को खिलाफ खुनी लडाई मा लोक गीन को संगी होतो उ रकत कियो होतो। अना बन्दी होतो। 8अना भीड़ वरता जायके वोको लक पिराथना करन लगीन, का जसो तुमी रिती-रिवाज को लक करता आइसेस, वसोच करो। 9पीलातुस न उनला जवाब देईस, “का तुमी चाव्हासेव का मी तुमरो लाई यहूदी गीन को राजा ला छोड़ देऊ?” 10काहेकि पीलातुस जानत होतो की मुखिया याजक गीन ना ओला जरनोठी लक धराय होतीन।
11पर मुखिया याजक गीन ना लोक गीन ला उकसाईन का पिलातुस लक यीसु को जघा बरब्बा ला उनको लाई छोड़न को माग करे। 12यो आयक के पीलातुस ना उनलक मंग पुसिस, “ता जेनला तुमी यहूदी गीन को राजा कसो, ओको सँग मि का करू? तुमी काजक चाव्हसो?”
13वय मंग चिल्लाइन, “ओला कूरूस मा चघाव!”
14पीलातुस ना उनलक कहीस, “काहे येने काजक जुरुम करीसेस?”
पर वय अखीन जोर लक चिल्लाईन, “ओला कूरूस मा चघा!”
15तबा पीलातुस ना भीड़ ला खुस करन की मनसा लक, बरब्बा ला उनको लाई छोड़ देइस। अना यीसु ला कोड़ा लगवाय के सुपरुत कर देइस की कूरूस मा चघायो जाहे।
सिपाही को कन लक यीसु को बेइज्जती
(मत्ती 27:27-31; योहन 19:2,3)
16सिपाही ओला सरकारी मोठो किला को भीतरी आँगन मा ले गईन, अना सप्पा पलटन ला हाकल लेइन। 17तबा उनना ओला बैजनी रँग को कपरा घालिन अना काँटा को डगाली को मुकुट बनायके ओको डोस्का पर राखिन। 18यो कहके ओला नमस्ते करन लगीन, “हे यहूदी गीन को राजा, अमर रव्ह!” अना वोको मजाक उडावन लगीन 19वय ओको डोस्का मा घागरा काड़ी मारके ओको पर थुकिन अना टोंगरा टिकाय के ओला नमस्कार करतो रहीन। 20जबा वय ओको मजाक कर लेइन, ता ओला ओकोच बैजनी रँग को कपरा उतारके ओनाच पर डाकिन; तबा ओला कूरूस मा चघान को लाई बाहेर ले गईन।
यीसु ला कूरूस मा चघावनो
(मत्ती 27:32-44; लूका 23:26-43; योहन 19:17-27)
21जब यीसु ला कूरूस पर लटकान लेय जावत होतिन त रस्ता मा एक मानूस लक भेंटीन, जोनको नाव सिमोन होतो।#रोमियो 16:21 (वा सिकन्दर अना रुफुस को बाबूजी होतो) उ कुरेनी मानूस गाँव लक आय रहयो होतो; उनना ओला बेगार मा धर लेईन की यीसु को कूरूस ला उचल चलेह। 22वय यीसु ला गुलगुता नाव की जघा मजे कवटी नाव की जघा मा आनीन। 23वहान ओला दरद नासक दवा मिलयो अंगूर को रस देवन लगीन पर ओना नही लेइस। 24तबा उनना ओला कूरूस मा चघा इन अना कपरा पर चिठ्ठी डाकिन की कोन ला काजक मिलेह, ओला बाट लेईन। 25अना सक्कारी नौ बजे को बेरा होतो। जबा उनना ओला कूरूस मा चघा इन होतीन। 26अना ओको दोस पतर पर यो लिख देईन की “यहूदिगीन को राजा।” 27उनना ओको सँग दुई डाकु ला भी कूरूस मा चघाव गयो, एक उज्जो कन अना एक डाखियो कन। दुही ला कूरूस मा चघाइन 28तबा पवीतर गिरंथ को उ गोस्टी की उ दोसीगीन को संग गिनो जाहे, पूरो भयो। #15:28 यो पद जूनो दस्तावेज मा नहात।
29अना रास्ता लक कटन वारा डोस्का हला-हलाय के असो कव्हके ओकी निन्दा करत होतीन, “वाह! मंदिर को नास करनवालो अना तीन दिवस मा बनावन वालो!#मरकुस 14:58; योहन 2:19 30कूरूस पर लक उतर के आपरो आपच ला बचाव लेव।”
31येने रिती लक मुखिया याजक मोसे को नियम को गुरू सकट, आपस मा मजाक लक कव्हत होतीन, येने अउर लोकगीन ला सूटकारा देइस पर आपरो आप ला नही बचाय सकयो।
32इसरायल को राजा, मसीह अता कूरूस मा लक उतर, आव अखीन, “आमी चोवबिन अना भरोसा करबिन।” अखीन जोन ओको सँग कूरूस मा चघायो गईन होतीन, वय भी ओकी निन्दा करत होतीन।
यीसु को जियान छोड़नो
(मत्ती 27:45-56; लूका 23:44-49; योहन 19:28-30)
33दुफारी होवनो पर सप्पा देस मा अँधारो छाय गयो। अना महातनी बेरा तीन बजे तकन रहयो। 34महातनी बेरा यीसु ना मोठो आवाज लक चिल्लाय के कहीस, “इलोई-इलोई लमा सबक्तनी?” जेनको मजे, “हे मोरो परमेस्वर, हे मोरो परमेस्वर, तु ना मोला कायलाई छोड़ दियोस?”
35जो जवर उभा होतीन, उनमा लक काही ना आयक के कहिन, “आयको, उ एलिय्याह ला हाकलासे।” 36एक सिपाही ना धावके स्पंज ला सिरका मा डुबाइस अना घागरा काड़ी मा राखके ओला चखाइस अना कहीस, “रुको, देखबिन, एलिय्याह ओला सूलि लक उतारन लाई आवासे का नही।”
37तबा यीसु ना लगत जोर लक चिल्लाय के जियान छोड़ देइस।
38अना मंदिर को पड़दा वरता लक खाल्या तकन फटके दुई भई गयो।
39 # 15:39 काही जूनो हात को लिखयो दस्तवेज मा “यीसु जोर लक चिल्लायो अना जीव सोड़ दियो असो लिखयो से।” जोन दरोगा (वोको हात को खालया 100 सिपाई होतिन) कूरूस को पुढा उभा होतो, जबा ओला येने रिती लक चिलावत अना जियान छोड़ता चोवीस, ता ओना कहीस, “खरो से यो मानूस परमेस्वर को टूरा होतो!”
40 #
लूका 8:2-3
लगतसी बायको भी दुहुर लक चोय रही होतीन। उनमा मरियम मगदलीनी, नहानो याकूब अना योसेस की माय मरियम, अना सलोमी होतिन। 41वा बायकागिन, जबा यीसु गलील मा होतो, वोकी सेवा करत होतिन। अना लगतसा बायका ओको मंघा येरुसलेम आई होतीन।
यीसु ला गड़ायो जानो
(मत्ती 27:57-61; लूका 23:50-56; योहन 19:38-42)
42जबा झुलाखाली भय गई ता सब्त#15:42यहूदि गिनको अराम दिवस को एक दिवस पुढ़ा को दिवस होतो अना तैय्यारी को दिवस होतो। 43अरिमितिया को रव्हनवालो यूसुफ आयो, जो मोठीसभा को मेम्बर हो तो अना खुदच परमेस्वर को राज की रास्ता चोवत होतो। उ हिम्मत करके पीलातुस जवर गयो अना यीसु को लास ला माँगिस। 44यो आयक के पीलातुस ला अचंभा भयो की उ एतरो जल्दी मर गयो। अना 100 सिपाही को अधिकारी ला हाकलके पुसिस, “का ओला मरन ला देर भई?” 45वोना अधिकारी को जवाब आयक के पीलातुस ना लास ला यूसुफ ला दे देइस। 46तबा ओना मलमल को एक कपरा खरिद लेइस, अना लास ला उतारके ओला चादर मा लपटिस, अना एक मरघटी मा जो चट्टान मा खोदी गई होती राखिस। अना मरघट्टी मा धसन को जघा पर एक गोटा अड़ा देइस। 47मरियम मगदलीनी अना योसेस की माय मरियम चोवत होतीन की ओको लास कहाँन राखयो गयो से?
Aktualisht i përzgjedhur:
मरकुस 15: NTPSP23
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
The New Testament in Powari Language © The Word for the World International and Powari Madhya Pradesh, 2023.