KARARIADI 3
3
Taumata nul᷊umawang Mawu Ruata
1 #
Kl᷊h. 12:9, 20:2 Katoang ko binatang kal᷊eokange bou patiku binatang ko nikoa u Mawu Ruata. Katoang e'e nakina su kowawine e'e, “Apa Mawu Ruata tinga-tingari nularang si kumu kumang manga wua ngu patiku kau su taman i'i?”
2“I kami botonge kumang bou wua ngu apang kau su l᷊al᷊ung u taman i'i,” sasimbahi kowawine e'e, 3“kitang bou kau ko su tal᷊oara u taman. Mawu Ruata nularang si kami kumang wua ngu kau e'e arako l᷊ai manuhung; boko i kami mukoa e'e, i kami sarung mate.”
4Katoang e'e nusumimbahi, “E'e ko tul᷊ong; i kumu ta sarung mate. 5Mawu Ruata nuhabari e'e ual᷊ing I Sie matitong boko i kumu mukumang wua e'e, sipirang i kumu sarung mawuka; i kumu sarung makoa kere Mawu Ruata #3:5: Mawu Ruata arako manga mahang mawu. dang matitong apang ko mapia l᷊au apang ko dal᷊ai.” #3:5: matitong apang ko mapia l᷊au apang ko dal᷊ai; arako matitong apang hal᷊i.
6Ko wawine e'e nakawua himoneu kau e'e masidada, dang wua nge tuhungang matemang kanengang. Dang i sie nusipiri wal᷊inge gampang kapiange boko i sie makoa ko pande. Watu'u e'e i sie nanipo wua ngu kau e'e, mbuhue nikange, dang nangonggo l᷊ai su kawinge, dang kawinge l᷊ai nukumang wua e'e. 7Ta nal᷊iwue bou nukumang wua e'e, sipirang i sire nawuka dang i sire nakahingang himoneu i sire ko tintal᷊ang. Watu'u e'e i sire nanaka badang i sire dingang u raung u ara ko seng niputatawi ngi sire.
8Wawul᷊aeng e'e i sire nakaringihi Mawu Ruata kal᷊al᷊enge su l᷊al᷊ung u taman, inau i sire rua nukumbuni su tal᷊oara u manga kau tadeau ta ikawua ngu Mawu. 9Kateho Mawu Ruata nunggo su tau ko ese e'e, “Ko su apa i kau?”
10Ko ese e'e nusumimbahi, “Ia nakaringihi I Kau su taman; ia nataku, inau ia nukumbuni watu'u ko tintal᷊ang.”
11“I sai nangul᷊i si kau ko i kau ko tintal᷊ang?” Mawu Ruata nakina. “Apa i kau nukumang wua ko Daku nilarang kanengangu e'e?”
12Ko ese e'e nusumimbahi, “Ko wawine ko nionggo-U tadeau panumbal᷊i si sia, seng nangonggo wua e'e si sia, bou e'e daku nikang.”
13 #
2Kor. 11:3; 1Tim. 2:14 Mawu Ruata nakina su kowawine e'e, “Nakurawe i kau nukoa e'e?”
Sasimbahie, “Ia niakal᷊eng u katoang, hakiu ia nukumang wua e'e.”
Hukumang u Mawu Ruata
14Bou e'e Mawu Ruata nuhengetang su katoang e'e, “I kau sarung ihukung ual᷊ingu kakanoa u e'e; bou patiku binatang kitang i kau sisanengu ko mambeng manarima kutoki i'i: Manita bou orasi i'i, i kau sarung tumondo dingang tiangu, dang kumang awu su kanandu puwawiahiu. 15#Kl᷊h. 12:17I kau dingang kowawine e'e sarung mubinsi simbau dingang u ko wal᷊inge, hintounge l᷊au hintou ngu sarung sintinia muraroka. Hintounge sarung mupakal᷊ul᷊e ngu timbou, dang i kau sarung mangiki pakeli sire.”
16Bou e'e angkung u Mawu su kowawine e'e, “Ia sarung manamba turu'u su tempo ngi kau kapumbawae kal᷊uwaeng dang su tempo ngi kau mahinding. Kateho maneng kere'e i kau tatapi pia kao u ghisi su kawingu, kateho i kau sarung musumulung si sie.”
17 #
Ibr. 6:8 Bou e'e angkung u Mawu su ko ese e'e, “I kau nundaringihi wisara ngu kawingu bou e'e nukumang wua ko seng Daku nilarang kanengangu. Ual᷊ingu kakanoa u e'e, tana nikutoki. I kau mambeng muhal᷊i kahingang su kanandu u puwawiahiu tadeau l᷊uang u tana i'i botonge makasuku puwawiahiu. 18Onasi l᷊au wul᷊anta sarung tumuwo guna ngu, dang manga sasuang onasi sarung makoa kangu. 19I kau sarung muhal᷊i mabuha dang mul᷊iagha tadeau makakoa tana i'i mangonggo u ghisinge sarang i kau musul᷊e kapia sarang tana, watu'u bou tana i kau nihunsuri. I kau niriadi bou tana, dang sarung musul᷊e sau sarang tana.”
20I Adam#3:20: Adam: Areng i'i su l᷊al᷊ung u wahasa ngu Ibrani mangal᷊enge “umati taumata”. nusigho areng u kawinge i Hawa,#3:20: Hawa: Areng i'i su l᷊al᷊ung u wahasa ngu Ibrani raringihang kere didato ko mangal᷊enge “puwawiahi”. ual᷊ingu kowawine e'e nakoa i mama ngu kaul᷊i u taumata. 21Kuteu Mawu Ruata nukoa l᷊aku bou pisi ngu binatang guna ngi Adam l᷊au kawinge, bou e'e nil᷊ohoe si sire rua.
I Adam sire rua ngi Hawa niuseri bou taman Eden
22 #
Kl᷊h. 22:14
Mawu Ruata nuhengetang, “Su orasi i'i taumata seng nakoa kere I Kite dang pia titonge hal᷊i u ko mapia l᷊au ko dal᷊ai. Inau mambeng diagateng i sie kumang wua ngu kau ko mangonggo u puwawiahi, tadeau i sie kumbahang muwiahi sarang kal᷊iwuenge.” 23Kuteu Mawu Ruata nanguseri taumata bou taman Eden dang nangoro pakihal᷊ike tana ko nakoa asal᷊ie e'e. 24Bou e'e su simbuka ngu raki bou taman e'e su tingo ngu tukari sasukang, Mawu Ruata namilo manga kerub,#3:24: kerub: Malaikati ko nisul᷊ung kere ko niriadi pia tatilae dang mul᷊ahe sasongo Mawu Ruata dingang u kal᷊ahamaghi-E. dang pera simbau karilie katiringe tamai-namai, mundiaga l᷊al᷊eng sarang kau ko mangonggo puwawiahi e'e. Dingang kere'e takoae sarang singkatau ko makasu dang makasandighi kau e'e.
Aktualisht i përzgjedhur:
KARARIADI 3: PLT
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr