Psalmet 82

1Psalm i Asafit.

Perëndia u ngrit në kuvendin hyjnor

e në mes të perëndive shpall gjykim:

2«Deri kur do të gjykoni padrejtësisht

e anën e të paudhëve do të mbani? selah

3Jepini të drejtën të mjerit e jetimit,

bëjini drejtësi të vuajturit e skamnorit.

4Çlirojeni të mjerin e nevojtarin,

prej dorës së të paudhëve shpëtojini.

5As dinë e as kuptojnë, nëpër terr enden;

tranden gjithë themelet e tokës».

6E unë thashë: «Jeni perëndi,

të gjithë jeni bij të të Tejlartit.

7Por do të vdisni si çdo njeri,

si çdo prijës do të bini».

8Ngrihu, o Perëndi, gjyko tokën,

se ti do të trashëgosh tërë kombet.

Aktualisht i përzgjedhur:

Psalmet 82: AL1

Thekso

Ndaje

Copy

A doni që theksimet tuaja të jenë të ruajtura në të gjitha pajisjet që keni? Regjistrohu ose hyr

Vargje biblike të njohura nga
Psalmet 82