Psalmet 2

1Përse vlojnë kombet

dhe popujt pëshpëritin kotësi?

2Mbretërit e tokës po ngrihen

dhe prijësit po mblidhen bashkë

kundër Zotit e kundër të vajosurit#2.2 he. Mesisë të tij.

3«T'i këputim vargonjtë e tyre,

litarët e tyre t'i hedhim tej».

4Ai që rri në qiell qesh,

Zoti tallet me ta.

5Atëherë, u flet me turfullimë,

me zemërimin e vet i tmerron:

6«Mbretin tim e vura#2.6 ose: shugurova në Sion,

në malin tim të shenjtë».

7Do të shpall vendimin e Zotit.

Ai më tha: «Ti je biri im, sot të kam lindur.

8Kërkomë e do të t'i jap kombet si trashëgim,

tokën mbarë, që ta kesh nën zotërim.

9Me skeptër hekuri do t'i thyesh,

si enë poçari do t'i copëtosh».

10Prandaj, silluni me urti, o mbretër,

vini mend, o gjyqtarë të tokës.

11Shërbejini Zotit me drojë,

me dridhma gëzohuni;

12nderoni birin e tij#2.12 të tjerë: bëni siç kërkon ai,

që Zoti të mos zemërohet

e ju të mos birreni udhës,

se zemërimi i tij është i shpejtë.

Lum të gjithë ata që tek ai strehohen.

Aktualisht i përzgjedhur:

Psalmet 2: AL1

Thekso

Ndaje

Copy

A doni që theksimet tuaja të jenë të ruajtura në të gjitha pajisjet që keni? Regjistrohu ose hyr

Vargje biblike të njohura nga
Psalmet 2