Psalmet 119:89-96

Përgjithmonë, o ZOT, fjala jote qëndron në qiej. Besnikëria jote është brez pas brezi, ti e themelove tokën e ajo mbahet fort. Me urdhrin tënd qëndrojnë deri më sot, se gjithçka është në shërbimin tënd. Po të mos ishte ligji yt kënaqësia ime, do të kisha humbur në mjerim. Porositë e tua nuk do t'i harroj kurrë, se përmes tyre më ke mbajtur gjallë. Yti jam unë, shpëtomë, se porositë e tua i kërkoj. Të paudhët presin të më shkatërrojnë, por unë përsiat dëshmitë e tua. Çdo përsosmërie ia kam parë cakun, por urdhërimi yt është i gjerë pa fund.