Jeremia 18:1-6

Fjala që ZOTI i drejtoi Jeremisë e i tha: «Çohu e zbrit te shtëpia e poçarit e atje do të dëgjosh fjalët e mia». Atëherë zbrita te shtëpia e poçarit dhe, ja, po punonte në çark. Ena që po bënte prej balte u prish në dorë të poçarit, por ai ia nisi sërish e bëri një tjetër enë, siç ia pati ënda ta bënte. Atëherë m'u drejtua fjala e ZOTIT e më tha: «A nuk mund të veproj me ju porsi ky poçar, o shtëpia e Izraelit, kumton ZOTI? Ja, porsi balta në dorë të poçarit, kështu jeni ju në dorën time, o shtëpia e Izraelit.