Ekisodha 6
6
1 Pfhumu Nungungulu a di embela Mosi, khuye: “Olu u na wona iso nyi na girago ga Faro; kholu khu gyandza gyangu nya tshivba a na va diga va hongola, khu gyandza gyangu nya tshivba, a na va tutumisa tigoni gwaye.”
Nungungulu a ngu tumbisa gutshudzisa Israyeli
(Ekisodha 3:1-20)
2Nungungulu a di engedza a embela Mosi, khuye: “Eni kheni Pfhumu Nungungulu.” 3#Wona gambe: Eks 3:13-15. Nyi dzi wonegiside ga Abrahama, ga Isaki ni ga Jakobe, kha nga Nungungulu nya Tshivba Yatshavbo, aholu, khu lina langu nya Pfhumu Nungungulu kha nya tidwa gwadi. 4Gambe nyi giride nago gidzumeledzwano gyangu, gasi gu va ninga litigo la Khanani, litigo va nga vbanyago umo kha nga valuveli. 5Gambe nyi pwide gulila ga sanana sa Israyeli, esi Vagipiti va nga si khozisago va si gira dzikhumbi. Nyi alakanyide gidzumeledzwano gyangu.
6Khu guralo, embela sanana sa Israyeli, khuwe: Eni kheni Pfhumu Nungungulu, nyi na mi dusani vbavbatshi nya rwalo nya gulemele wa Egipito, nyi na mi tshulani wugumbini gwawe, nyi na thawuludza libogo langu nya tshivba nyi mi dzegisa ni gu mi phodzela. 7Nyi na mi dzegani mu khala vathu vangu, Eni nyi na khala Nungungulu wanu, mu na dzitini nya gukhenu eni kheni Pfhumu Nungungulu wanu, nyi mi dusago vbavbatshi nya mirwalo ya Vagipiti. 8“Nyi na mi yisani nyi ya mi bedza ga litigo lile nyi nga sambanyago gukheni nyi na ninga Abrahama, Isaki ni Jakobe. Nyi na mi ningani gasi li khale thomba yanu. Eni kheni Pfhumu Nungungulu.”
9Khu magirelo yaya, Mosi a diya ganela esi ga sanana sa Israyeli, aholu iso kha sa mu yingela khu kotani nya gusaniseke gwawe ni wugumbi wawe.
10 Pfhumu Nungungulu a di ganela gambe ga Mosi, khuye: 11“Indra u ya embela Faro, mufumeli wa Egipito, a dige sanana sa Israyeli si duge tigoni gwaye.”
12Aholu Mosi a di ganela ga Pfhumu Nungungulu, khuye: “Wona gukhuwe sanana sa Israyeli kha si nyi yingisi. A na nyi yingisa kharini Faro, olu eni nyi si kodzigo gu ganela?”
13Khu guralo, Pfhumu Nungungulu a di ganela ga Mosi ni Aroni, a gu va ninga sileletelo nya guye embela sanana sa Israyeli ni Faro, mufumeli wa Egipito, gasi gu dusa sanana sa Israyeli khu tigoni ga Egipito.
Linyangwa la Mosi ni Aroni
14Ava khu vathangeli nya dzinyumba dza vababe vawe:
Sanana sa Rubheni, matiwula ya Israyeli Khesi:
Enoki, Palu, Heziromi ni Karimi.
Edzi khu dzi nyumba dza Rubheni.
15Sanana sa Simiyoni, khesi: Jemuweli,
Jamimi, Owadhi, Jakimi, Zowari ni Sawule,
gyanana nya guvelege ni nyamayi nya mukhanani;
eli khu linyangwa la Simiyoni.
16Aya khu malina nya sanana sa Levhi,
gukhedza khu mimelana yawe:
Gerisoni, Khowati ni Merari; myaga nya guvbanye gwa
Levhi, lizana ni magumararu ni livbandre na mivili.
17Sanana sa Gerisoni, Khesi; Libini ni Simeyi,
gukhedza khu lihundzu lawe.
18Sanana sa Khowati, khesi: Aniramo, Isari,
Hebroni ni Uziyeli.
Myaga nya guvbanye ga Khowati, lizana ni magumararu na miraru.
19 # Wona gambe: 1 Dzik 6:16-19. Sanana sa Merari, khesi: Mali ni Musi.
Eli khu linyangwa la Levhi gu khedza khu mimelana yawe.
20Anirami a di dzega hane waye Jokebedhi,
a gu velega naye Aroni ni Mosi, myaga nya guvbanye
ya Anirami yi diri lizana ni magumararu na livbandre na mivili.
21Sanana sa Isari, khesi: Kora, Nefege ni Zikiri.
22Sanana sa Uziyeli, khesi: Misayeli, Elizafani ni Sitiri.
23Aroni a di dzegana ni Eliseba, nyamahegyane wa Aminadhabhi,
ndruye wa Nahasomi, a velega naye Nadhabhi,
Abhiyu, Eleyazari ni Itamari.
24Sanana sa Kora, khesi: Aseri, Elikana ni Abhiyasafi.
Eli khu linyumba la na Kore.
25Eleyazari, mwamana wa Aroni,
a di dzega nyamayi moyo nya vanyamahegyane va Putiyeli.
A di velega naye Fineya.
Khavo ava vathangeli nya sanana sa Levhi,
gukhedza khu lihundzu lawe.
26Aroni ni Mosi khavo Pfhumu Nungungulu a nga va embelago, khuye:
“Dusani sanana sa Israyeli khu tigoni ga Egipito,
gulandra khu mabutho yawe.” 27Khavo ava Mosi ni Aroni,
va nga ya ganela ni Faro, mufumeli wa Egipito,
gasi a duse khu tigoni ga Egipito, sanana sa Israyeli.
Mosi a ngu ya ganela nyaluphye ni Faro
(Ekisodha 3:1-20; 6:2-13)
28Litshigu Pfhumu Nungungulu a ganedego ga Mosi tigoni ga Egipito, 29Pfhumu Nungungulu a di embela Mosi, khuye: “Eni kheni Pfhumu Nungungulu; embela Faro, mufumeli wa Egipito satshavbo nyi gu embelago.”
30Khavbo avbo, Mosi a di hakha Pfhumu Nungungulu, khuye: “Wona nya gukhuwe eni kha nyi kodzi gu ganela; a na nyi yingisa kharini Faro?”
Aktualisht i përzgjedhur:
Ekisodha 6: BGE2014
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
A Bíblia em Gitonga © Bible Society in Mozambique, 2014.