1 Mose 11
11
(Kw. 1 Kron. 1,24-27.)
1Ni šikpoṅ mũ le̱ fẽ ye̱ nābu kome, ni ame̱wieo̱ wiemo̱ kome.
2Ni eba mli ake̱, beni ame̱fã gbe̱ ke̱-te bokãgbe̱ le̱, ame̱yana ṅā kplenẽ ko ye̱ Šinear šikpoṅ le̱ no̱, ni ame̱hī dše̱i.
3Ni ame̱ké̱kē̱ ame̱be ake̱: Yiē̱, nyehãa wofea ntayāi, ni we̱ke̱ la ašãa! Ni ame̱ke̱ ntayāi fe te̱i, ni ame̱ke̱ amãte̱ hũ fe sũ.
4Ni ame̱kē̱: Yiē̱, nyehãa wo̱toa maṅ wo̱hãa wo̱he, ni wo̱mãa mõ ni eyiteṅ ayaši ṅwei, ni wo̱ke̱-he gbe̱i, koni wo̱-kaſã šikpoṅ mü le̱ fẽ no̱.
5Ni Iehowa *kpleke ši ke̱-ha, ni ebakwe̱ maṅ ke̱ mõ ní gbomei abii le̱ mãa le̱. *18,21. Lal. 18,10; 14,2.
6Ni Iehowa kē̱: Na, maṅ kome ni, ni ame̱fẽ ame̱ye̱ nābu kome; ni ene̱ ame̱-bõi femo̱ ne̱; ni agbe̱ne̱ le̱, noni ame̱susu ake̱ ame̱afe le̱ atšĩṅame̱ ekoeko gbe̱.
7Nyebãa wo̱kplekea ši ni wo̱yatõtõa ame̱nã ye̱ dše̱i, koni moko akanu enanyo wiemo̱ doṅṅ!
8Ke̱ke̱ ni Iehowa gbe̱ame̱ eſã ke̱-dše dše̱i ke̱-te šikpoṅ le̱ fẽ no̱, ni ame̱fõ maṅ le̱ tō. Luk. 1,51.
9Nohewo̱ le̱ atšé̱o̱ egbe̱i ake̱ Babel, edšake̱ dše̱i Iehowa tõtõ šikpoṅ le̱ fẽ nā ye̱, ni dše̱i Iehowa dše̱ egbe̱ame̱ eſã šikpoṅ le̱ fẽ no̱.
10Šem sešihii ne̱: Šem eye afii oha, ni eſo̱ Arpakšad ye̱ nu afua le̱ ge̱ afii enyo̱. 10,22. Luk. 3,36.
11Ni beni Šem fo̱ Arpakšad se̱ le̱, eye afii ohai-enumo̱, ni efo̱ bihĩĩ ke̱ biyei.
12Ni Arpakšad eye afii nyoṅmai-etẽ ke̱ enumo̱, ni efo̱ Šela.
13Ni beni Arpakšad fo̱ Šela se̱ le̱, eye afii ohai-edfe̱ ke̱ etẽ, ni efo̱ bihĩĩ ke̱ biyei.
14Ni Šela eye afii nyoṅmai-etẽ, ni efo̱ Eber.
15Ni beni Šela fo̱ Eber se̱ le̱, eye afii ohai-edſe̱ ke̱ etẽ, ni efo̱ bihĩĩ ke̱ biyei.
16Ni Eber eye afli nyoṅmai-etẽ ke̱ edſe̱, ni efo̱ Peleg.
17Ni beni Eber fo̱ Peleg se̱ le̱, eye afii ohai-edſe̱ ke̱ nyoṅmai-etẽ, ni efo̱ bihĩĩ ke̱ biyei.
18Ni Peleg eye afii nyoṅmai-etẽ, ni efo̱ Reu.
19Ni beni Peleg fo̱ Reu se̱ le̱, eye afii ohai-enyo̱ ke̱ ne̱hũ, ni efo̱ bihĩĩ ke̱ biyei.
20Ni Reu eye afii nyoṅmai-etẽ ke̱ enyo̱, ni efo̱ Serug.
21Ni heni Reu fo̱ Serug se̱ le̱, eye afii ohai-enyo̱ ke̱ kpawo, ni efo̱ bihĩĩ ke̱ biyei.
22Ni Serug eye afii nyoṅmai-etẽ, ni efo̱ Nahor.
23Ni beni Serug fo̱ Nahor se̱ le̱, eye afii ohai-enyo̱, ni efo̱ bihĩĩ ke̱ biyei.
24Ni Nahor eye afii nyoṅmai-enyo̱ ke̱ ne̱hũ, ni efo̱ Tera.
25Ni heni Nahor fo̱ Tera se̱ le̱, eye afii oha ke̱ nyoṅma ke̱ ne̱hũ, ni efo̱ bihĩĩ ke̱ biyei.
26Ni Tera eye afii nyoṅmai-kpawo, ni efo̱ Abram ke̱ Nahor ke̱ Haran,
27Ni Tera sešibii ne̱: Tera fo̱ Abram ke̱ Nahor ke̱ Haran; ni Haran fo̱ Lot.
28Ni Haran gbo ye̱ etše̱ Tera hĩe, ye̱ šikpoṅ ṅo̱ beni afo̱ le̱ ye̱ ni dši Ur ye̱ Kaldea le̱.
29Ni Abram ke̱ Nahor kpé yei; Abram ṅã le̱ gbe̱i dši Sarai, ni Nabor ṅã le̱ gbe̱i dši *Milka ní dši Haran, Milka tše̱ ke̱ Iska tše̱ le̱, biyō le̱. *22,20.
30Ni Sarai fe kene ni ebe̱ bi.
31Ni Tera ṅõ ebi Abram ke̱ Haran bi Lot, ni dši enãbi le̱, ke̱ ešāyõ Sarai, ni dši ebi Abram ṅã le̱, ni ame̱ke̱ame̱ dše *Ur ye̱ Kaldea, ni ame̱baya Kanaan šikpoṅ le̱ ne̱; ši beni ame̱ba Haran le̱, ame̱bahĩ dše̱i. *Ios. 24,2. Neh. 9,7.
32Ni Tera gbĩĩ le̱ dši afii ohai-enye̱ ke̱ enumo̱; ni Tera gbo ye̱ Haran.
Aktualisht i përzgjedhur:
1 Mose 11: GBV96
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
The Bible in Ga © Bible Society of Ghana, 1896, 1992.