Akisiakinet 6
6
Aronis a ngitunga
1Na alalakearotor ngitunga anakwap sodi touriunae ngapesur, 2kingolikis talokookeng a ngakujo#6:2 talokookeng a ngakujo; kori ngiborei lukationok; kori talokookeng a Akuj. atamar eraakasi tanakookeng a ngitunga nakebuseak. Sodi toliworos kesi iusete daang na cha asakete akuut. 3Tolim Ekapolon Akuj tama, “Nyibooyi Etau kang anitwaan nakajik, kainyo etoaneene itwaan. Napei tokona jik, eliworosi ngirwa keng ngikaru amiat apei ka ngitomwon-arei.” 4#Yob 1:6; 2:1 Ngirwa ngulu ka ekisidi a ngirwa kangulu, ayakasi ngitunga lulangir-kooyak noi nakwap. Araakasi kesi ngide lu auriunete talokookeng a ngakujo#6:4 talokookeng a ngakujo; kingolik 6:2. na euseta tanakookeng a ngitunga. Araakasi ngitunga ngulu ngikiliok lukolong ekilenikinit, nabo ayenikinitae.
5Kingolik Ekapolon Akuj atamar alalaar akisech a itwaan anakwap, nabo erubakinito ngakiro na itami ngesi eroko jik. 6Toronik Ekapolon Akuj nikolong asubunea ngesi itwaan anakwap. Sodi kialolong Ekapolon Akuj noi. 7Tolim tama, “Amunyari ngitunga lukolong asubuni tongopiyasi anakwap. Amunyari ngitunga ka ngitieng, ka ngiborei lu eliato, ta ngikieny, kainyo karonikis ayong ngakiro nakolong asubunea kesi.” 8#Mat 24:37; Luk 17:26; 1 Pet 3:20 Nakaneni tojoik Ekapolon Akuj Noa.
Noa
9Eraakasi nugu ngalesea a Noa. Arai Noa itwaan ni atenoono eboyor, ni amam ibore asechit ngirwa lu ayarea. Arukito Noa ka Akuj. 10Touriu Noa ngide lusapa nguuni lu anyaritae Chem, ka Ham, ta Yapes. 11Kinyasun akwap alongaren Akuj, kilelebun ekurikur. 12#2 Pet 2:5 Kingolik Akuj akwap toyen atamar aroner, kainyo arono eboyor a ngitunga kadaang.
13Tolimok Akuj Noa tama, “Asaki ayong amunyar ngitunga daang, kainyo eleleba kesi ekurikur nakwap. Enyasuni ayong kesi ka akwap aapei. 14Tosub atubwa naapolon alokitoe aloajokon. Todukok ngakais tooma natubwa ngina sodi kilalak elaam tooma ka nikalapatan a atubwa. 15Ikokini iyong isubakini nege, eliwor awoyau na alokwap ngamitae amiat apei ka ngatomwon-uni ka nguuni. Eliwor aurianut ngamitae ngatomwon-arei ka ngaarei. Eliwor awoyau na alokidiama ngamitae ngatomon ka ngauni. 16Tobur ewae lo alokidiama a atubwa sodi kimiek ngasentimitae ngatomwon-omwon ka ngoomwon anakidingos a ewae alo alokidiama#6:16 ewae alo alokidiama; kori epuke. ka ngikwaasea. Todukok ngiwaitin nguuni tooma atubwa, ewae lo alokwap, ka loa alokiding, ta loa alokidiama. Ani erumor, todukok ekidor lokwaas. 17Kingolik a, ameuni ayong akaale nakwap tomunya ibore ni eyari daang. Etoani ibore daang ni eyei nakwap. 18Nakaneni eyakasi ngakiro nakichamakin ayong ka iyong. Ilomarete iyong ka aberu kon, ka talokookon, ta ngaberu a talokookon tooma natubwa. 19Aloborei kadaang alu eyarete, kilomak tooma natubwa, nikile ka niberu, sodi toyareta. 20Kilomak ngikieny ngigelagelae, ka ngitieng ngigelagelae, ta ngiborei lu eliato ngigelagelae natubwa, sodi toyara. Anauk a apei, toliworos ngiarei make elomarete. 21Tolema tani ngamuja daang na enyamio sodi kiwaak natubwa, toliworos kesi inyamete esi ka ngiborei ngulu.” 22#Ebura 11:7 Tosubak Noa daang na adungokinit Akuj.
Aktualisht i përzgjedhur:
Akisiakinet 6: ABIBILIA
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
BIBLE SOCIETY OF KENYA (c) 1999