Maak I Buk Ke Baare Meñ
I Buk Ke Baare Meñ
Nawa ruuls ke pahila chaar buk meñ se i sab se chhoṭa buk hei. Isman Prabhu Yeeshu Maseeh ke jeewan aur uske ṭeeching ke baare meñ bataawa jaay hei, aur i buk uske sewa se bhara hei. Aapan parchaar ke suru se Yeeshu Maseeh ketna jaada chamatkaar karis raha. Pahila chaar chela log ke chune ke baad (1.16-20), u ketna changaai ke chamatkaar karis raha. Jon changa bhais raha, ulog meñ se ek dushṭ aatma (bhuut) se bhara admi raha (1.21-28), Saayman ke saas (1.30,31), bimaar log ke bheeṛ rahin (1.32-34), aur ek koṛhi (1.40-45). Dohraay dohraay ke Maak bataay hei ki Yeeshu keise log ke changa karis raha, aur sab dafe u i rakam bataay hei ki sab chamatkaar u Parmeshwar ke mahima se kare hei.
Dharam ke guru log uske nai apnaais. Aur yahi kaaran museebat khaṛa hoy gay (2.2–3.6) jiske kaaran log ṭaaim khoje lagin ke kab Yeeshu ke maara jaay (11.18). Lekin saitaan Yeeshu ke taagat ke dekhis, aur jaan gais ki u Parmeshwar ke laṛka hei, lekin Yeeshu sab ke chetaaoni dees ki i baat koi se nai bataawa jaay.
I buk meñ chamatkaar waala baat bhara paṛa hei, jisse sab chela log aur bheeṛ hairaan rahe jaat rahin. Lekin Maak ke mutaabik, Yeeshu ke sab se baṛa chamatkaar uske dukh aur maut hei. Sab se pahila admi jon uske chamatkaar ke samjhis raha, u ek Romi saulja raha, jon Yeeshu ke kros pe marte dekhis raha, aur bolis, “Sachche ke i admi Parmeshwar ke laṛka raha!” (15.39)
I maana jaay hei ki i buk sab se pahile likhaan raha. Isman Yahuudi log ke reeti riwaaj aur bahut se Aramik words ke samjhaaya gais hei ki keise Maak geir Yahuudi aur Maseehi Yahuudi log ke khaatir i buk likhis hei. Maak, Yeeshu ke baare meñ bataay ke sab ke hausla baṛhaais ki jisse sab Yeeshu ke taagat pe biswaas kare sake, jon ulog ke saitaan, bimaari aur maut se bachaais. U i bhi yaad karaais ki jon biswaas kare hei, uske jeewan eezi nai hei, aur sab koi ke Yeeshu ke pichchhe chale ke chaahi aur sab ke sewa kare ke chaahi, aur saja bhukte ke khaatir hardam taiyaar rahe ke chaahi
Yeeshu ke pichchhe sab se pahile u teen aurat chalin, jon kabar ke khaali paay rahin, aur ainjal se baat kare rahin:
Hairaan nai ho! Tum Naasrat ke Yeeshu jon ke kros pe chaṛhaawa gais raha, uske khojta hei! Parmeshwar uske jinda kar dees hei, aur u ab hiañ nai hei (16.6).
I Buk Pe Ek Najar
Yuhanna baptisma de waala ke sandesa (1.1-8)
Yeeshu ke baptisma aur ṭesṭ (1.9-13)
Galeel meñ Yeeshu (1.14–9.50)
Galeel se Yarushalam tak
Yeeshu ke jaana (10.1-52)
Yeeshu ke aakhri hapta: Uske ṭesṭ aur maut (11.1-15.47)
Yeeshu jinda hei (16.1-8)
Yeeshu aapan chela log ke dekhaay hei (16.9-20)
Aktualisht i përzgjedhur:
Maak I Buk Ke Baare Meñ: FRHNT
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Fiji Romanised Hindi © Bible Society of South Pacific, 2016.