Mutendeko Maronje
Maronje
Buku la Mutendeko likuchemeka na zina ili chifukwa likuphara umo vinthu vikambira, umo charu chikalengekera, umo munthu wakalengekera, umo kwananga na visuzgo vikambira mu charu ndiposo na umo Chiuta wakuchitira na ŵanthu. Buku la Mutendeko lingagaŵika mu vigaŵa vikuruvikuru viŵiri.
(1) Vipaturo 1—11 Mudauko uwo ukuphara umo charu chikalengekera na umo mtundu wa ŵanthu ukambira. Mudauko uwu ukuphara vya Adamu na Eva, Kayini na Abelu, Nowa na chigumura, ndipo na chigongwe cha ku Babuloni.
(2) Vipaturo 12—50 Mudauko uwu ukuphara za jando la ŵawiskewokuru ŵa ŵaIsraele. Sekuru wakudanga ndi Abrahamu, mweneuyo wakamanyikwa chifukwa cha chipulikano chakhe na umo iyo wakapulikira Chiuta. Pamanyuma pa ichi mudauko ukuyowoya za Yisake, mwana wakhe, ndiposo na za Yakhobe, muzukuru wakhe (mweneuyo pamanyuma wakiza kathyika Israele). Ukupharaso za ŵana ŵa Yakhobe 12 ŵeneawo ndi lufura lwa mafuko 12 gha Israele. Mu mudauko uwu muliso makani ghakuzirwa gha Yosefe uyo wakaŵa yumoza wa ŵana ŵa Yakhobe na ivyo vikachitika kuti Yakhobe na ŵana ŵakhe ŵanyakhe pamoza na mbumba zawo ŵakakhare ku Eguputo.
Nangauli mu buku ili muli makani ghakukhwaska ŵanthu, likuphara chomene za ivyo Chiuta wali kuchita. Likwamba na kupanikizga kuti Chiuta wakalenga charu chose. Ndipo likumara na phangano lakuti Chiuta warutilirenge kurongora chisungusungu chakhe pa ŵanthu ŵakhe. Mu buku lose ili makani ghanandi ghakukhwaska Chiuta mweneuyo wakweruzga na kulanga awo ŵakuchita uheni, kweni wakovwira ŵanthu ŵakhe, ndipo wakunozga mudauko wawo. Buku ili nda mwaka chomene ndipo likalembeka kuti lisunge makani gha chipulikano icho ŵanthu ŵakaŵa nacho, na kovwira ŵanthu kuti ŵasungilire chipulikano chawo.
Ndondomeko ya vya mukati
Kulengeka kwa charu chose na mtundu wa ŵanthu 1.1—2.25
Jando la kwananga na visuzgo 3.1-24
Kufuma pa Adamu mpaka pa Nowa 4.1—5.32
Nowa na chigumura 6.1—10.32
Chigongwe cha Babuloni 11.1-9
Kufuma pa Shemu mpaka pa Abramu 11.10-32
Ŵasekuru: Abrahamu, Yisake, Yakhobe 12.1—35.29
Ŵa mphapu ya Esau 36.1-43
Yosefe na ŵabali ŵakhe 37.1—45.28
ŴaIsraele mu Eguputo 46.1—50.26
Aktualisht i përzgjedhur:
Mutendeko Maronje: Tumbuka
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Bible Society of Malawi