MATHAIIN 5
5
Puma Isua Tangsipa Chongril
(5.1—7.29)
1Mi tampa a muna tangsipa a kala ansut sua le a zolai ngai ha a koma hong u. 2Hava han a mur a malonga hangai ha a manchu.
Raisanna Dik
(Lk 6.20-23)
3“Ratha sika anriang ngai chu,
achanasa u vanram a ta u keng!
4Lunghang achul ngai chu achanasa u #Isa 61.2
phukdaina laman unti!
5Annuai ngai chu achanasa u ram la lua unti! #Sam 37.11
6Om anzik ranga ancham anral ngai #Isa 55.1-2
chu achanasa u la khop unti!
7Lungkham anei ngai chu achanasa u
Lungkham la man unti!
8Malung anthiang ngai chu #Sam 24.3-4
achanasa u Pathian la mu unti!
9Minngoi ngai chu achanasa u
Pathian sanai lan ti unti!
10Dikna sika pengsom atong ngai chu #1 Pit 3.14
achanasa u vanram chu a ta u keng!
11“Min ka sika ana matira ana rahoka hatuka, milak athona na chung u na chong asiat tin aril u ten na chanasa u. 12Na raimansan u ro na ak mathui u ro asik chu vana na ratpak u rang atam asik chu na man u na Deari ngai ha hantin han ei rahok u. #2 Kr 36.16; Kts 7.52
Machi le Ra-ang
(Mk 9.50; Lk 14.34-35)
13“Nangni hi phila machi, machi ei al ahek ten hontinmo ei man al sir rang hatika chu itena amang samak nei peia min eia thin mai rang keng.
14“Nangni hi ramuala ra-ang, mual chunga khua anthup thei mak. #Jn 8.12; 9.5 15Hatuka min lem bela razai thuaia remak tenchu lem chuangna chunga ke ei re hanke ina mi dora ei el. #Mk 4.21; Lk 8.16; 11.33 16Hava anga na ra-ang u mi makunga el rase hanke asa nei tho ei mu u na vana na pa u ei manpak u rang. #1 Pit 2.12
Vanram Riti
17“Na riti le deari chong ngai ansiata hong na iam u no ro ansiata hong ni makung ankhip ranga hong ke ka ni. 18Asik chu ataka kei na ti ni u zei anvan le phil anpei man chu na riti Dan aher matinhang rual ngal anpei no ni chuk kiar inti. #Lk 16.17 19Hantin han chongpek asin khit ngai bila angkhat ngal akhel ten hatuka hantin han a manchu ten vanrama asin khit anti inti ten hava ngai azi le anchu tak chu ha mi ha vanrama alian ni inti. 20Kei na ti ni u zei minchupu le Pharisi ngai neka nei anzik u na atam nok ten vanrama lut pial u no ta ni.
Takasi rui Anchuna
(Lk 12.57-59)
21“Nei lei riat u mana mi ngai koma nei lei man u ‘Mi that no ro mi that tak chu choina nei inti.’#Ant 20.13; Dan 5.17 22Tenchu kei na ti ni u zei a parual a takansi tak chu a rui anril inti. Hatuka a parual rang amo ati tak chu ruirilna anchunna muna choina man inti, ‘achang’ ati chu moi phenengna muna chul inti. 23Hantin han maichama dali na va dar tik hava mana nang na sika na parual khat chong a om na malung achui ten. 24Hava muna maicham kola na dali matan se ro na parual le van ngoi bak ro, hava suale na dali va dar ro.
25“Anan ngoi puinok mi le lampuia nan lop tik anrapa anngoi pui ro hano ruirilpu kuta ana peka aman raimol anlek ngai kuta na pe inti hatuka lungina na khum inti. 26Ataka kei na ti ani zei holte khat ngal na thuan zit nok maseng pei havan ata suak thei no ta ni.
Uiare ruia Anchuna
27“ ‘Uire ngai makme,’ nei lei riat u. #Ant 20.14; Dan 5.18 28Tenchu kei na ti ni u zei rualnei ena nupang tiang a en tak chu hava han a malunga uiare ke ani zei. 29Hatuka na chang mitin ana manba ten hava ha kela alana pei ro asik chu na pum dora anphenengna muna achul nek ten na bang khat ansam rang asa. #Mt 18.9; Mk 9.47 30Hatuka na chang kutin ana manba ten hava ha tana alana pei ro na pum dora anphenengna muna ase nek ten na bang khat ansam rang asa. #Mt 18.8; Mk 9.43
Ansenna ruia Anchuna
(Mt 19.9; Mk 10.11-12; Lk 16.18)
31“Hatuka nei lei riat u, ‘A nungak amak ten makna lekha pe rase.’ “ #Dan 24.1-4; Mt 19.7; Mk 10.4 32Tenchu kei na ti ni u zei uire luia asik ateia a nungak a mak tak chu ui ei man re hatuka anmak nu alak tak chu amam uiare keng. #Dan 24.1-4; Mt 19.7; Mk 10.4
Khomak Ansam rui
33“Hanuk mana mi ngai kom nei lei riat u, ‘Milak khomak ansam u no ro tenchu Puma sika na khomak ansam u len u ro.’ #Lev 19.12; Mip 30.2; Dan 23.21 34Tenchu kei na ti ani u zei khomak reng ansam u no ro vanram le ansam u no ro asik chu hava ha Pathian a chomphang keng, hanuk phil le khomak ansam u no ro asik chu hava ha ama a kepha siakna keng. #Jak 5.12; Isa 66.1; Mt 23.22 35Hatuka Jerusalem le khomak ansam u no ro asik chu hava ha Reng lian khopui keng. #Isa 66.1; Sam 48.2 36Hatuka na lu le khomak ansam u no ro asik chu na sam sang khat ngal manngui manhang thei u mak che. 37Tenchu na chong u ha ‘mang ha mang’ ni rase.
Phuba Lak rui
(Lk 6.29-30)
38“Mana nei lei riat u, ‘Mit thuanna mit, ha thuanna ha.’ #Ant 21.24; Lev 24.20; Dan 19.21 39Tenchu kei na ti ni u zei asiat ngai dui u no ro hanek ten na chang maikhang ana ben ten na voi maikhang do u ro. 40Hatuka nang lehan ruirilna mun tenpei anan sual puia na zani lak zot ten na kultai pe sa ro. 41Mel khat na se pui ro tia anan ziai tak chu mel anni se pui ro. 42Ana zong tak chu ama ha pe ro, apuk ana zong tak chu ama ranga na mai manzing no ro.
Raldui Ngai Anditna
(Lk 6.27-28,32-36)
43“Mana nei lei riat u, ‘Na in kol mi adit u tan ananmumak ngai hela ro.’ #Lev 19.18 44Tenchu kei na ti ni u zei anan mumak u ngai adit u ro anan rahok ngai rang borzong pe u ro. 45Hanke na Pa u vana mi a nai nei ni u rang asik chu aman asiat asa mi ngai chunga ani a masuak minzik le minzik nok ngai chunga rua a masul. 46Asik chu anan dit ngai duai nei adit u na imo phamman nei man u rang? Lei ansuang ngaiin um hava chu atho do. 47Na parual ngai chip na pham un imo aliak na sin tho u Jentail ngaiin um hava ang chu ei tho ni u mak mo? 48Hantin han vana na Pa u ei dik anga nang nim dik u ro! #Lev 19.2; Dan 18.13
Aktualisht i përzgjedhur:
MATHAIIN 5: RANGBSI
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.