Psalteri 116

116

1Gëzohem, se Zoti ndigjoi zanin’ e lutëjesë s’eme,

2se uli veshin’ e vet tek unë, edhe për gjithë ditt e jetësë s’eme kam me thërritunë mb’ate.

3Më qarkuenë të dhimptuna vdeke, edhe më gjetnë shtrëngime vorri, hasa shtrëngim e të dhimptunë.

4Edhe thërrita mb’emënit të Zotit: O Zot, shpëto shpirtinë t’em.

5Zoti asht’ i përdëllyeshim e i dreitë, edhe Perëndia ynë ashtë zemërë-dhimpshim.

6Zoti ruen të mitunitë; u përvuna, edhe më shpëtoi.

7Këthehu ndë të praitunit tand, o shpirti em, se Zoti të bani mirë.

8Se shpëtove shpirtinë t’em prei vdeket, syt’ e mi prei lotsh, kambët e mia prei të rëshqitunit.

9Kam me ecunë përpara Zotit ndë dhe të gjallëvet.

10Besova, përandai fola, un’ u përvuna fort,

11unë thashë ndë tëmerimt t’em: Ç’do njeri ashtë rrenës.

12Çë shpagim t’i ap Zotit, për gjith’ ato të miratqi më bani?

13Kam me marrë potirin’ e shpëtimit, edhe kam me thirrunë mb’emënit të Zotit.

14Kam me i dhanë Zotit uratat’ e mia, tashti përpara gjithë popullit ati.

15Vdeka e të dreitëvet ati ashtë shum’ e ndershime përpara Zotit.

16O Zot, unë jam shërbëtori yt, edhe i biri shërbëtoresë s’ate, ti sgjidhe të lidhunat’e mia.

17Ty kam me të bamë kurban lavdurimi, edhe kam me thirrë mb’emënit të Zotit.

18Kam me i dhanë Zotit uratat’ e mia, tashti përpara gjithë popullit ati,

19nd’oborre të shtëpisë Zotit, ndë miedis teje, o Ierusalemë. Alleluia.

Aktualisht i përzgjedhur:

Psalteri 116: PSGEKK1872

Thekso

Ndaje

Copy

A doni që theksimet tuaja të jenë të ruajtura në të gjitha pajisjet që keni? Regjistrohu ose hyr

The text is an open source, but the transliteration and digitalisation is a copyright of IBSA

Vargje biblike të njohura nga
Psalteri 116