METIU 13
13
Amni: Pidncdok Kvkan Do:yvng
(Mark 4.1-9; Lu:k 8.4-8)
1Odo longgv:do Jisubv okumdokkc gvlento odokkc siycng ru:yido tedto. 2Odokkc Bvk dungkodo bottaru:nc tani: kcrcngko yadkumsukang, cdcmpila Bv ollungkolo a:to odokkc odo tedtu:to; odokkc siycng ru:yido cdc tani: kcrcng appv:dc dagla dungkang.
3Odokkc Bv kvkannam do:yvngkokki bojcrungko agomcm bulum lubito, scmpc lula: “Amni:pidnc tani: akonc pidkapc gvlenkang. 4Odokkc bv pidtoncm, ake ammokvdv:dv:dc lambc ru:yido dc:yi:kang, odokkc pcttangkvdv:dc dcnga:to odokkc cdcmbulum pala dopagamto. 5Ake amni:kvdv:dc vlvngkanc amo:lo dc:yingkang, okolo bojcko among kamangaji, odokkc lomdanna cdcbulu sangkangai, cdcbulu bi:sampc among kama:la. 6Ckvdaggom cdcbulu do:nyi ka:namki sanpakkang; odokkc odokbulukkc appvr kama:la:yam sanangamkang. 7Ake ammokvdv:dc ta:ng alcgkvdv:do dcngangkang, odokkc ta:ngkvdv:dc jarsangkang odokkc cdcmbulum sa:rumla mokkeyamto. 8Ake ammokvdv:dc ainc amo:lo dc:yikang odokkc a:yc engkang; akke lvngko, akke yingkeko, akke yingumko.
9“Sc:kokc yerung du:nc, bv tadtoka.”
Kvkanna kvbinam Do:yv:dok Mc:nam
(Mark 4.10-12; Lu:k 8.9-10)
10Odo agom tadjvgla gvmvnnc tani:kvdv:dc gva:la Bvm tauto, “Kapila no bulum kvkanbinam do:yvngki agomcm ludon?”
11Odokkc Bv bulum lubito, “Nolukkcpc taycng amo:tok migom mo:pvdok lc:sula lc:nam agom kindopc lubitagbong, ckvdaggom bulum cdcm bima:da. 12Kapila:nc sckkc du:nc bvm bojcyangko biyc, odokkc pv:namrungkopc pa:yc; ckvdaggom sckkc kama:nc bvkkc okodc du:nc cdcmsinci la:pakycku. 13Cdcmpila:na ngo bulum kvkanbinam do:yvngki agomcm lubidonc, kapila:nc bulu ka:tu:la:sin ka:begmang, odokkc tadtu:la:sin tadbegmang, bulu okodcmsin mcngkinsinmang. 14Bulukkolo aropakpc okod cm Isaia:bv luno:la lutagnc cdcmpc ikang:
‘Nolu aropakpc tadyc
ckvdaggom cdvlosin tadkinma:yc,
odokkc nolu aropakpc ka:yc
ckvdaggom cdvlosin mcngkinma:yc,
15kapila:nc sc tani:kvdv:sok asinkvdv:sc buttumkang,
odokkc buluk yerungkvdv:dc tadpc ru:bedag,
odokkc buluk amikkvdv:dcm bulu migjcmamto,
ckvma:mvlo bulu
amikkvdv:dokki bulu ka:begpcnamai,
odokkc buluk yerungkvdv:dokki tadbegpcnamai,
odokkc buluk asinkvdv:dokki tadkin pcnamai,
odokkc bulum csa:modokupc ngokkolo:pc gvlatyangkupc.’
16“Ckvdaggom noluk amik kvdv:dc aipai pa:nc, kapcnc cdcbulu ka:dag odokkc noluk yerungkvdv:dc, kapcnc cdcbulu taddag. 17Aroru:pc, ngo nolum lubidung, bojcrungko agom luno:nc odokkc dormokanc taniyc nolu okodcm ka:dunc ka:lv:dagai, odokkc cdcm ka:begtomang, odokkc okodcm nolu taddu:nc cdcm tadlv:dagai, odokkc cdcm tadbegtomang.
Jisubv Amni: pidnam Kvkanbila kvnamdcm Lulen Lua:la Lubinam
(Mark 4.13-20; Lu:k 8.11-15)
18“Amni: pidncdok kvkanbila kvnam do:yv:dcm tattok. 19Cdvloi sc:koi akonc migom dungko mo:pvdok agomcm tadycnc odokkc cdcm mcngkinma:ycnc, cdc aima:ncdc gva:dag odokkc bvk asinbo okodcm pidlvgtaganc cdcm scppakla bompakdag; cdcna lambcru:yidok okodcm pittungaji cdc. 20Okodcm vlvngkanc amodo pittunganc odok agomdc, cdc scmpc sc:kobv agomdcm lomdanna taddonc odokkc lomdanna cdcm mc:po:pc torvgsudag. 21Cmpidaggom bvkkc avkc appvrdu:suma:la, ckvdaggom asudowko sagrasula du:do, odokkc cdvlo asin mc:dvrmc:songc cdcmanggom ipusire:yc lensa:ycji agom tadnam lcgangc, lomdanna bv sanpakdag. 22Ta:ng alcgdok pidnamdok agomdc, cdc bv sc:ko agomdcm taddagnc ckvdaggom mo:pvsok agomcm mc:la odokkc mircmcm mc:bola agom dcm ncrkela, odokkc cdc a:yc e:ma:namdcm lcngkandag. 23Ainc amo:do okodcm pittunganc odok agomdc, cdc scmpc sc:ko agomdcm taddaganc odokkc cdcm mcngkindag; bv aropakpc a:ycm e:dag, odokkc lenmodag, abangkolo lvngkoko, akonkol yvngkekopc, odokkc akonkolo yvngumkopc.”
Binoi V:ngdok kvkanbila kvnam do:yvng
24Kvkanna kvbinam do:yvng abangkoda bulum Bv kvbito, scmpc lula, “Taycng among migom mo:pvdok do:yv:dcm tani: akonc ainc amni:ycm bvk arvglo pidnamkokki luyv:sula:ycpc; 25Cmpige:la tani:kvdv:dc yubla du:dodcm, bvk mirudc gva:to odokkc binoi v:ng kvdv:dcm gewu a:m arangkvdv:do pidgo:lvgto, odokkc gvpakkangku. 26Cdcmpila cdvlo a:mdc sa:la owudka:ji odokkc a:yc engka:ji, odo v:ngkvdv:dc:sin lenapkang. 27Odokkc okumru:tumdok ager gerya:nc kvdv:dc gva:la bvm luto, ‘Ru:tuma nok arvgolo ainc amni:ycm pidmangalang?’ Cmpcmvlo odo kapc binoi v:ngc sa:du:nc? 28Bv bulum luto, ‘miru akonc cdcm ito.’ Pagbokvdv:dc bvm luto, ‘cmpcmvlo no ngolu olopc gvla odokkc busangkumta:ka cmna mc:dagnci?’ 29Cmpige:la Bv luto, ‘Ma; nolu v:ngkvdv:dcm busa:dodcm kapcjila a:mkvdv:dcmsin busa:ycpc. 30Anyipakdcm sa:po:motok lckopc a:m gaddvdo:pc; odokkc a:m gaddo ayirdo ngo a:m gannckvdv:dcm luyc, v:ngkvdv:dcm gadkumsupo:tok gada:danna odokkc cdcmbulum rompakpc jv:rvg jv:rvgpc rvgkumsutok, cmpige:la Gewua:mkvdv:dcm ngok kumsu:pc jonga:tok.’ ”
Pctu Amni:dok kvkanbila kvnamdo:yvng
(Mark 4.30-32; Lu:k 13.18-19)
31Kvkanbila kvnam do:yvng akoda Bv bulum kvbito, scmpc lula, “Taycng among migomkc du:tcng mo:pvdc tani:akonc pctu amni:ko langge:la bvk arvglo pidlvgnammcmpc idag. 32Cdc appvng ammomyam adji:ya:nc, cmpige:la cdc cdvlo sa:ycnc aglub ge:la etednc vsv:lok bottarya:ncp odokkc vsvng amvngkopc idag, odo mvlo do:mvrtok pcttangkvdv:dc dcnga:dag odokkc rcngke:kvdv:do asubcm modag.”
Go:sa:bonc Komira:dok Kvkanbila Kvnam Do:yvng
(Lu:k 13.20-21)
33Bv kvkanbila kvnam do:yvng akoda bulum kvbito. “Taycng among migomkc du:tcng mo:pvdc go:sa:bonc komirangcmpc idag okodcm nc:ng akonc la:to odokkc du:n pvwumko vdupnam pitang ara:lo kulupla lc:to, cdc go:sangamma:sisscm.”
Jisukc Kvkanbila Kvnam do:yvng
(Mark 4.33-34)
34Sc appv:scm kvkanbila kvnam do:yvngkokki Jisubv tani:kvdv:dcm kvbito; aropakpc kvkanbila kvnam do:yvngkokkima:pc bv okkomsin luttoimang. 35Cdc luno:la agom lunckvdv:dok lunamdcmpci ipcnamdcai:
“Ngo nappangcm kosa:la kvkanbila kvnam
do:yvngkokki kvbiyc,
Mo:pvscm ru:lendokkcbong okodcm lc:sula lc:tagaji cdcm ngo lulenyc:”
Binoi-v:ng kvkan do:yvdcm Jisubv Lulen Lua:la Lubinam
36Odo Bv yadkumsunc tani:kvdv:dcm mcto odokkc okum ara:do:pc gva:to. Odokkc Bvk agom tadjvgla gvmvnnc tani:kvdv:dc bvkkolo:pc gva:to, scmpc lula, “Arvglok v:ngdok kvkanbila kvnam do:yv:dcm ngolum kvlenkva:la kvtei.”
37Bv lubito, “Sc:kobv ainc amni:dcm pittonc Bv tani:kc Awodc; 38arvgdc mo:pvcidc:bong, odokkc ainc amni:kvdv:dc migom dungko mongkvdog ommangkvdv:dc; v:ngkvdv:dc aima:ncdok ommangkvdv:dc, 39odokkc mirudc sc:ko cdcmbulum pittonc cdc Satandc; arvg gaddvdc mo:pvsok gvngap aninnam, odokkc arvg gadnckvdv:dc Ru:nckc lutad lunckvdv:dc. 40V:ngkvdv:dcm gingkumsuge:la vmvkokki rompagamnamdcmpc, cdcmv:pc mo:pvsok gvngapdagdo:sin iyc. 41Tani: Awodc Ru:nckc lutad lunckvdv:dcm mclvgyc, odokkc bulu Bvk migom mo:pv appvng du:tc:lokkcm appvng imur lcgangcm odokkc aima:nc ager gernckvdv:dcm langkumsuyc, 42odokkc bulum bottapakpc romnam vmvlo cra:lvgycku; odo tani:kvdv:dc kabyc odokkc buluk a:yckvdv:dc dokcrcpsuyc. 43Odo dormokancdc Buluk Abukc migomdungko mo:pvdo do:nycmpc unyc. Sckkc yerung du:nc, bv tadtoka!
Lc:sula Lc:nam Murkong kvkanbila Kvnam do:yvng
44“Taycng among migom mo:pv dungkodc arvgdo lc:sila lc:nam murkongcmpc idag, okodcm tani:akonc pa:tonc odokkc lc:sila lc:to odokkc bv mc:pola gvdag odokkc bvkkc appvng okko dunganc cdc appv:dcm kopakdange:la cdc arvgdcm rcpakdag.
Kvkanna Kvnam Dognc do:yvng
45“Lckoda, Taycng among migom mo:pv dungkodc aipaknc dognc manc mitcmircmnc tani:koncmpc idag, 46sc:kobv, aipakpc arc kanc dognc apirko pa:la, bvkkc okko dungaji cdc appv:dcm kopakto odokkc cdcm rcto.
Csabdok kvkanna kvnam do:yvng
47“Lckoda, taycng among migom mo:pvdc siycng asikolo soryi:ge:la angu angunc onggom tvgsangkunam csab sonamcmpc idag, 48cdvlo cdc bi:ycnc, tani:kvdv:dc ru:yido:pc tvga:toku odokkc tedtungto odokkc ainc ongokvdv:dcm tu:li:do lvkkumto cmpige:la aima:nckvdv:dcm yoppagamto. 49Cdcmv:pc mo:pvsok gvngapdo anindo iyc. Ru:nckc taycng agom lutad lunc tani:kvdv:dc gviyc odokkc dormokanc kvdv:dokkcm aima:nc tani:kvdv:dcm languyc; 50odokkc bulu bottapakpc dordopc parnam vmvlo cra:lvgycku; odo tani:kvdv:dc kabtagsuyc odokkc buluk a:yckvdv:dcm dokcrcpsuyc.
Anuclang Aku Arro
51“Nolu sc appv:scm tadkinamton?” Bulu Bvm luto, “C:” 52Odokkc Bv bulum lubito, “Cdcmpidag porainc appv:dc sc:kom taycng among migomdok mo:pv lcga:pc luyir-gvyirtagnc bv okum ru:tum akoncmpc innc sc:ko bvk murkongkvdv:ngcm annomsin odokkc akkomsin bomnendag. Odokkc Bv bulum lubito, sc:ko okumru:tumdc avkc kumsu:dokkcm annomlang aku attarcm la:lendagnc, cdcmpc taycng among migom mo:pvdok ri:tomnam tani:pc inc porainc appv:dc idag.”
Jisumc Najaretdo Lupaknam
(Mark 6.1-6; Lu:k 4.16-30)
53Odokkc Jisubv cdc kvkanbila kvnam do:yvngkvdv:dcm cdvlo kvngaptonc, Bv odokkc gvpakkang, 54Odokkc Bvk avkc dungko mo:di:do:pc gvlangkula buluk kumko okum kvdv:do bulum luyirto, odoyam bulu tadla tadngaksukang, odokkc luto, “Okolok sc tani:sc sc ainc agomscm pa:toncm? 55Sc vsvng attar moncdok awodc:ma:lang? Bvk ancdcm Meri: cmma:lang? Odokkc Bvk bvrrangkvdv:dc Jakob, Jusep, Simon odokkc Juda:bv:ma:lang? 56Odokkc Bvk bvrmang appv:dc ngoluk lcdulo du:mvndung? Okolok cmpcmvlo sc tani:sc sc appv:scm pa:ton?” 57Odokkc bulu bvkkolo aima:pc mc:namko pa:to.
Ckvdaggom Jisubv bulum luto, “Ru:nckc agom lungornc tani:dc avkc mo:di:dok odokkc bvk avkc okumdo:ma:mvlo mcnggcsunam pa:ma:pc imang.” 58Odokkc Bv bottaru:nc agercm odo gertomang, buluk mc:jvgma:namkokki.
Aktualisht i përzgjedhur:
METIU 13: MISIBSI
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
