KAHBHAO 11
11
Babel Shangdü
1Shaang kahdoknyü kemeilei shahlem hük hatü shahjük aihük mü nyu. 2Jom heong lemei daishingkü jomi Shinarlei kahji hük heü, hatü halei nyu. 3Jom hüki hük kü, “Kei, jeni itayaong lingei meishi jakshah” shei etei. Jomi yaong nangjei itayaong ling hatü cement, bhih hatü yung nangjei müh yahteke. 4Hapheikü jomi, “Kei, jeni jen shing chingnyü longpü hük lingshah hatü shangdü hük vangsho thahshi lingshah, shejüang jenei men nyuhen hatü jen kahdoknyü bahiyang kü neyandai-i nyuhen” shei etei.
5Hahepak kü Shembüpai hapa chingnyü, hatü shennyakthüi vepü shangdü kü veihen yiüteke. 6Shembüpai, “Aihük shennyakthü aihük shah etü hapakei dükjema, jomi tempü meheyao neaokpeih shei nenyu-ükhih. 7Kei, jen yiüei hüki epü hüki nedanhen mü jomei shah buktükshah” shei e.
8Hanangkü Shembüpai kahdoknyü bahiyang peü lemei jom yantük hatü chingnyü nelingi tuhphong. 9Hanangkü hapa kü Babel#Babel lappü, “Shah nepongpaüi vuktükpü shing” shei ehen aok. shei nyük; mehenangkü halei Shembüpai kahdoknyü peüei shah nepongpaüi buktük, hatü Shembüpai kahdok shak peülei jom yantük.
10Hathüyü Shemei hühihathü: Shem bong 100 nyushi bünghiyang pheikü Arpakhshad bühteke, 11hatü büpai Arpakhshad bühpheikü bong 500 nyu, hatü lebü yiükha yeshangthü bühteke.
12Arpakhshad bong 35 nyushi Shelah büh, 13hatü Shelah bühpheikü büpa bong 403 nyu, hatü lebü yiükha yeshangthü büh.
14Shelah bong 30 nyushi Eber büh, 15hatü Eber bühpheikü büpa bong 403 nyu, hatü lebü yiükha yeshangthü büh.
16Eber bong 34 nyushi Peleg büh, 17hatü Peleg bühpheikü büpa bong 430 nyu, hatü lebü yiükha yeshangthü büh.
18Peleg bong 30 nyushi Reu büh, 19Peleg bühpheikü büpa bong 209 nyu, hatü lebü yiükha yeshangthü büh.
20Reu bong 32 nyushi Serug büh, 21hatü Serug bühpheikü büpa bong 207 nyu, hatü lebü yiükha yeshangthü büh.
22Serug bong 30 nyushi Nahor büh, 23hatü Nahor bühpheikü büpa bong 200 nyu, hatü lebü yiükha yeshangthü büh.
24Nahor bong 29 nyushi Terah büh, 25hatü Terah bühpheikü büpa bong 119 nyu, hatü lebü yiükha yeshangthü büh.
26Terah bong 70 nyushi Abram, Nahor hatü Haran hathü bühteke.
Terahlei Hühihathü
27Hathüyü Terahlei hühihathü: Terah-ü Abram, Nahor hatü Haran hathülei chepa nyu, hatü Haranü Lotei chepa nyu. 28Haranü büpa bühpü Babylonia kahdok Ur chingei nyushi chepa shekü didai. 29Abram hi Nahor nyi-i nyüha yah; Abramei nyühayü Sarai, hatü Nahorlei nyühayü Milkah nyu. Pinnyü-ü Milkah hi Iskah nyilei chepa Haranei yiükha nyu. 30Shaang Saraiyü nyülan leidaitü hapeü neshiüi nyu.
31Terah-i cheha Abram, chehü Lot, Haranei cheha, hatü cheha Abramei nyüha Sarai müei Babylonia kahdok Ur ching tuhtü Kanan kahdokei layaongei dai, shejao jomphong Haranei nyu. 32Terah bong 205 nyutü büpa Haranei didai.
Aktualisht i përzgjedhur:
KAHBHAO 11: PHOMBSI
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.