Vargje biblike të njohura nga Génesis 32

Ndaje

Ö̦jö däjä, —Jacobo wa wa̦fa nia jilamou co̦daaimi. Wa nö wa̦lojama yalo, Isaeli wa wa̦fa nia cuo nomöjöo. Wa wabäo ja, Yai Bada tä ma cui nija, yanowamö täbä ma cui nija, wa nö wa̦loblaliyoma yalo, Isaeli wa wa̦fa nia cuo.

Ö̦jö däjä, tä lä waloqueno wei tä lä cui, tä a̦ fama. —Bei. Fei däjä wale da jujeblalö. Tä mö jalua lä cuimi —a cuma ma cui, Jacobo a wa̦ läoma. —Ma. Wale bayeliblamabä, wa wa̦ nö wäo showao mlao däjä, bäfä nia jujeblaimi —a cuma.

Jacobo a yami cuo juobä ja, ai tä waloa jequema. Ö̦jö tä sho, Jacobo sho cäcöbö shäyäjayou fe jaludima.

Inaja tä fa cublalunö, Jacobonö tä a̦fa ulifi jilaa showaquema. “Yai Bada tä sho yafäcö ma möyolufe, ¡ya nofi demi showawä yai!”, a cuma yalo, tä a̦fa ulifi Benueli jilaquema.

Cäcöbö shäyäjayobä ja, tä lä waloqueno wei tä lä cuinö, Jacobo nija tä nö wa̦lojaö dablou mlao däjä, bei mosifeböcö shäquema. Ö̦jö tä fa shäcönö, cäcöbö lä shäyäjayono wei, Jacobo mosifeböcö jocäblaliyoma.

Jacobo a wa̦fa wa̦lima. —¿Wedi wa wa̦fa cua cule? —Jacobo —a cuma.

Inaja tä cuu ja, abinaja Jacobo a cuma. —Cafä a wa̦fa wämoa showadaa mö da fedubo, ¿ö̦jö tawä? —a ma cuno wei ma cui, —¿Wedi tabä wale a̦fa li wa̦lii dicoo? —a fa cunö, Jacobo a nia lä bayeliblamou wei tä a̦ wäquema.

Showadi wale nofimabä, ya ma mlai ma cui, showadi wale bayeliblabä, ya ma mlai ma cui, wa wa̦ cadidoma. Cafä wa nosie juamobä ya lä cui, showadi wale bayeliblaö fe yadioma, wa wa̦ nö wäo ja, wa lä cuno weinaja showawä. Ei Jodana u jamö, ya yami jaba lä bucaduqueno wei däjä, fii ya defi shino malä bono wei. Fei däjä yamacö bluca. Bolacabö yamacö cuo mö feduobä, iba ya bä malä sheleleblamalöfe —Jacobo a cuma.

Inaja tä jaba fa cublalunö, fei däjä ma cui, Isaeli ebä lä cuinö yalo bä mosifeböcö yamananai waö malä mlajei. Ö̦jamö lä showawä, Jacobo bei mosifeböcö shäquema yalo, ö̦jö tä yamananai waimije.

Yai Bada nija Jacobo a wa̦ ca̦i faa showalayoma. —Yai Bada wa lä cui, a̦iwä Ablaamö a ma cui, fayä Isaacö a ma cui, ö̦jö cäcöbö nija wa lä bufiblamou wei wa. Camiyä ma cui nija, wa wa̦ lä fano wei wa Jeobaa. Abinaja cafänö wale nowa tama. “Afä tä yai ulifi jamö, afä bä mashi lä bälöle jamö, a co̦jamö da co̦o. Ö̦jamö wa lä co̦ole däjä, dodijidawä wa cuobä, bäfä nia nowamaö”, cafänö wale nowa tama. ¿Ö̦jö tawä?

—A̦iwä Esau a lä cuinö yale shäö mlaobä, yale noshi da umabo —a cuu co̦oma—. Suwä bä ma cui, ijilu bä ma cui, “Yamalecö bluca shäö da mlatawä”, ya bufi fa cunö, ya malä quilii wei.