Vargje biblike të njohura nga Luka 3

Ndaje

Pa kupwisha bantu bonse kubatizhiwa, ne Yesu naye byo abatizhilwe ne kulomba, ne jiulu ja shinkukile, ne Mupashi Wazhila wa mwikijile mu musango wa mubiji wa bunkunda; ne jiwi jafumine mwiulu amba “Obewa yobe Mwanami ye natemwa, monamwena lusekelo.”

Ponkapo Yoano wibakumbwile bonse amba, “Amiwa kine nemubatizha na mema, pakuba wankila bulume ubena kwiya. Mikanda ya makwabilo anji amiwa kechi nafikilamo kwiikasulula ne. Aye ukemubatizha na Mupashi Wazhila ne na mujilo.

Byonkabyo pangai bipangwa byafwainwa lulapilo. Kabiji kechi mulanguluke mu michima yenu amba, ‘Tuji na shetu Abulahama ne.’ Pakuba amiwa nemwambila namba, Lesa wakonsha kwalula ao mabwe ke baana ba Abulahama.

Kabiji ne pano kapasa bekakungika kala ku mizhazhi ya bichi. Onkao mambo bichi byonse bibula kupanga bipangwa byawama bebitema ne kwibitaya mu mujilo.”

Byonka byo kyanembwa mu buku wa ngauzhi Isaya amba, “Jiwi ja umo ubijika mungye amba, nengezhezhai jimo jishinda ja Nkambo; ololai mashinda anji! Bimpachiko byonse bikazhiikwa, tutumbatumba tonse ne mitumba bikakululwa panshi. Ne pakonkomana napo pakoloka, ne mashinda a bituntuju nao akalamba. Ne bantu bonse bakamona lupulukilo lwa Lesa!”