Vargje biblike të njohura nga Isaia 25

Ndaje

O ZOT, ti je Perëndia im, ty të madhëroj, emrin tënd përlëvdoj, se i përmbushe qëllimet e tua të mrekullueshme, që nga lashtësia ato janë fort të besueshme.

Përgjithmonë do ta zhdukë vdekjen, ZOTI Perëndi do t'i thajë lotët nga çdo fytyrë, do t'ia heqë qortimin popullit të tij në mbarë tokën, se kështu ka thënë ZOTI.

«Ja, ky është Perëndia ynë!», do të thuhet atë ditë. «Tek ai kemi shpresuar e ai na shpëtoi. Ky është ZOTI, tek i cili kemi shpresuar, le të gëzojmë e të ngazëllejmë për shpëtimin e tij».

Mbi këtë mal do ta shqyejë velin, që fytyrën e gjithë popujve mbulonte, velin e shtrirë mbi të gjitha kombet.

ZOTI i ushtrive do të bëjë mbi këtë mal një gosti me mish të majmë për të gjithë popujt, një gosti me verëra të vjetra, plot me mish të majmë e me palcë, me verëra të vjetra e të zgjedhura.