Vargje biblike të njohura nga Kuvendari 12

Ndaje

Si përfundim, pasi u dëgjuan të gjitha, druaje Perëndinë e zbato urdhërimet e tij, se kjo është gjithçka për njeriun.

Se Perëndia do të gjykojë çdo vepër e çdo të fshehtë, të mirë apo të keqe.

Kujtohu për krijuesin tënd në ditët e rinisë sate, ende pa ardhur ditët e liga, vitet për të cilat do të thuash: «Nuk më japin asnjë kënaqësi!», pa u errur dielli, drita, hëna e yjet, pa u kthyer retë pas shiut

para se të këputet litari i argjendtë e të thërrmohet kupa e artë, para se të thyhet shtamba te burimi e të copëtohet çikriku në sternë, para se të kthehet pluhuri në tokë, siç kishte qenë, e shpirti të kthehet te Perëndia që e kishte dhuruar.

Tymnajë e kaluar tymnajës, thotë kuvendari, gjithçka është tymnajë.