VaRoma

2 Vakorinde

1 & 2 Timoti

1 Vakorinde

1 & 2 VaTesaronika

VaHebheru

Vagaratiya

Vaefeso

Vakorose

1, 2, uye 3 Johani

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkACT">
 <div class="chapter ch7" data-usfm="ACT.7">
 <div class="label">7</div><div class="s1">Sitefani anotaura kuDare Guru</div><div class="p"> 1Ipapo muprista mukuru akamubvunza akati, &#8220;Izvi zvauri kupomerwa ndezvechokwadi here?&#8221;</div><div class="p"> 2Iye akapindura achiti, &#8220;Hama dzangu nemi madzibaba, nditeererei! Mwari wokubwinya akazviratidza kuna baba vedu Abhurahama paakanga achiri kuMesopotamia, asati agara muHarani. 3Mwari akati kwaari, &#8216;Ibva munyika yako nokuhama dzako, uende kunyika yandichakuratidza.&#8217;</div><div class="p"> 4&#8220;Saka akabva munyika yavaKaradhea akandogara muHarani. Shure kwokufa kwababa vake, Mwari akamutuma munyika ino yamugere zvino. 5Haana kumupa nhaka imomo, kunyange paangatsika norutsoka rwake. Asi Mwari akamuvimbisa kuti iye nezvizvarwa zvake zvaimutevera vaizotora nyika ino, kunyange panguva iyoyo Abhurahama akanga asina mwana. 6Mwari akataura naye achiti, &#8216;Zvizvarwa zvako zvichava vatorwa munyika isiri yavo, uye vachaitwa varanda vagotambudzwa kwamakore mazana mana. 7Asi ndicharanga rudzi rwavachashandira senhapwa,&#8217; ndizvo zvakataurwa naMwari, &#8216;uye shure kwaizvozvo vachabuda munyika iyoyo vagondishumira panzvimbo ino.&#8217; 8Ipapo akapa Abhurahama sungano yokudzingiswa. Abhurahama akabereka Isaka akamudzingisa zuva rorusere shure kwokuberekwa kwake. Shure kwaizvozvo Isaka akabereka Jakobho, uye Jakobho akabereka madzitateguru ane gumi navaviri.</div><div class="p"> 9&#8220;Nokuti madzitateguru akaitira godo Josefa, vakamutengesa senhapwa kuIjipiti. Asi Mwari akanga anaye 10akamununura kubva pamatambudziko ake ose. Akapa Josefa uchenjeri uye akaita kuti adikanwe naFaro mambo weIjipiti; saka akamuita mutongi weIjipiti nomuzinda wake wose.</div><div class="p"> 11&#8220;Zvino nzara yakasvika muIjipiti yose neKenani, kukava nokutambudzika kukuru, uye madzibaba edu akashayiwa zvokudya. 12Jakobho akati anzwa kuti kuIjipiti kwaiva nezviyo, akatuma madzibaba edu parwendo rwavo rwokutanga. 13Parwendo rwavo rwechipiri, Josefa akaudza madzikoma ake kuti iye aiva ani uye Faro akanzwa nezvemhuri yaJosefa. 14Shure kwaizvozvo, Josefa akatuma shoko kuti baba vake Jakobho, nemhuri yavo yose, vanhu makumi manomwe navashanu pamwe chete, vauye. 15Ipapo Jakobho akaburuka akaenda kuIjipiti, uko kwaakandofira iye namadzibaba edu. 16Mitumbi yavo yakatakurwa ikaendeswa kuShekemu vakavigwa muguva rakanga ratengwa naAbhurahama kubva kuvanakomana vaHamori, paShekemu, nomutengo wemari yakati kuti.</div><div class="p"> 17&#8220;Nguva yakati yaswedera yokuti Mwari azadzise chipikirwa chake kuna Abhurahama, uwandu hwavanhu vedu muIjipiti hwakawedzerwa zvikuru. 18Ipapo mumwe mambo, akanga asingazivi nezvaJosefa, akava mutongi weIjipiti. 19Akabata vanhu vedu zvakaipa akadzvinyirira madzitateguru edu achivamanikidza kuti varase vana vachangoberekwa kuitira kuti vagofa.</div><div class="p"> 20&#8220;Panguva iyoyo Mozisi akaberekwa, uye akanga asiri mwanawo zvake. Akachengetwa mumba mababa vake kwemwedzi mitatu. 21Paakasiyiwa kunze, mwanasikana waFaro akamutora akamurera somwanakomana wake. 22Mozisi akadzidziswa uchenjeri hwose hweIjipiti uye aigona kwazvo kutaura nokuita zvinhu.</div><div class="p"> 23&#8220;Mozisi paakanga ava namakore makumi mana okuberekwa, akafunga zvokundoshanyira hama dzake ivo vaIsraeri. 24Akaona mumwe wavo achitambudzwa nomuIjipita, saka akasvika akamurwira akatsiva nokuuraya muIjipita uya. 25Mozisi akafunga kuti vanhu vake vachaziva kuti Mwari ainge achimushandisa kuti avanunure, asi ivo havana kuzviziva. 26Fume mangwana Mozisi akasvikowana vaIsraeri vaviri vachirwa. Akaedza kuvayananisa achiti, &#8216;Varume, muri hama imi; munodireiko kukuvadzana?&#8217;</div><div class="p"> 27&#8220;Asi murume uya akanga achitambudza mumwe akasundidzira Mozisi padivi akati, &#8216;Ndianiko akakuita mubati nomutongi wedu? 28Unoda kundiuraya sokuuraya kwawakaita muIjipita nezuro?&#8217; 29Mozisi paakanzwa izvozvo, akatiza akaenda kuMidhiani, uko kwaakandogara ari mutorwa uye akabereka vanakomana vaviri.</div><div class="p"> 30&#8220;Makore makumi mana akati apfuura, mutumwa akazviratidza kuna Mozisi ari mumurazvo womoto mugwenzi, mugwenga raiva pedyo neGomo reSinai. 31Paakaona chinhu ichi, akashamiswa nezvaakaona. Akati achiswedera kuti anyatsoona, akanzwa inzwi raIshe richiti, 32&#8216;Ndini Mwari wamadzibaba ako, Mwari waAbhurahama, Isaka naJakobho.&#8217; Mozisi akadedera nokutya akatadza kana kutarisa.</div><div class="p"> 33&#8220;Ipapo Jehovha akati kwaari, &#8216;Bvisa shangu dzako; nokuti nzvimbo yaumire pairi itsvene. 34Zvirokwazvo ndaona kudzvinyirirwa kwavanhu vangu muIjipiti. Ndanzwa kugomera kwavo, saka ndaburuka kuti ndizovasunungura. Zvino uya, ndinoda kukutuma udzokere kuIjipiti.&#8217;</div><div class="p"> 35&#8220;Ndiye Mozisi uya wavakanga varamba namashoko okuti, &#8216;Ndianiko akakuita mubati nomutongi wedu?&#8217; Ndiye akatumwa naMwari pachake kuti ave mubati nomusununguri wavo, kubudikidza nomutumwa akazviratidza kwaari mugwenzi. 36Ndiye akavabudisa muIjipiti uye akaita zvishamiso nezviratidzo muIjipiti, paGungwa Dzvuku uye kwamakore makumi mana murenje.</div><div class="p"> 37&#8220;Ndiye Mozisi uya akaudza vaIsraeri kuti, &#8216;Mwari achakutumirai muprofita akaita seni anobva muvanhu venyu chaivo.&#8217; 38Akanga ari muungano yaiva murenje, pamwe chete nomutumwa akataura kwaari paGomo reSinai, uye namadzibaba edu; uye akagamuchira mashoko mapenyu kuti azoasvitsa kwatiri.</div><div class="p"> 39&#8220;Asi madzibaba edu akaramba kumuteerera. Vakamuramba uye mumwoyo yavo vakadzokerazve kuIjipiti. 40Vakati kuna Aroni, &#8216;Tiitire vamwari vachatitungamirira. Kana ari Mozisi uyu akatibudisa muIjipiti, hatizivi zvakamuwira! 41Ndiyo nguva yavakaumba chifananidzo chakaita semhuru. Vakauya nezvibayiro kwachiri vakachipemberera vachikudza chinhu chakaitwa namaoko avo. 42Asi Mwari akavafuratira akavasiya kuti vanamate hondo dzokudenga, sezvazvakanyorwa mubhuku ravaprofita zvichinzi:</div><div class="q1">&#8220;&#8198;&#8216;Makandivigira zvibayiro nezvipo</div><div class="q2">makore makumi mana murenje here, imi imba yaIsraeri?</div><div class="q1"> 43Makatakura tabhenakeri yaMoreki</div><div class="q2">nenyeredzi yamwari wenyu Refani,</div><div class="q2">zvifananidzo zvamakaita kuti muzvinamate.</div><div class="q1">Naizvozvo ndichakuendesai kuutapwa&#8217; mberi kweBhabhironi.</div><div class="p"> 44&#8220;Madzitateguru edu akanga ane tabhenakeri yeChipupuriro pakati pavo murenje. Yakanga yakagadzirwa sokurayirwa kwakanga kwaitwa Mozisi naMwari, maererano nomufananidzo waakanga aona. 45Vakagamuchira tabhenakeri, vachitungamirirwa naJoshua, madzibaba edu akauya pamwe chete nayo paya pavakatora nyika kubva kundudzi dzakanga dzadzingwa pamberi pavo naMwari. Tabhenakeri yakagara munyika iyo kusvikira panguva yaDhavhidhi, 46uyo akaitirwa zvakanaka naMwari uye akakumbira kuti avakire Mwari waJakobho nzvimbo yokugara. 47Asi Soromoni ndiye akazomuvakira imba.</div><div class="p"> 48&#8220;Kunyange zvakadaro, Wokumusoro-soro haagari mudzimba dzakavakwa navanhu. Sezvinorehwa nomuprofita achiti:</div><div class="q1"> 49&#8220;&#8198;&#8216;Denga ndicho chigaro changu choushe</div><div class="q2">uye nyika ndiyo chitsiko chetsoka dzangu.</div><div class="q1">Ko, muchandivakira imba yakaita sei?</div><div class="q4">ndizvo zvinotaura Ishe.</div><div class="q2">Kana kuti nzvimbo yangu yokuzorora ichava kupiko?</div><div class="q1"> 50Ko, ruoko rwangu haruna kuita izvozvi zvose here?&#8217;</div><div class="p"> 51&#8220;Imi vanhu vemitsipa mikukutu, vane mwoyo nenzeve dzisina kudzingiswa! Makangoita samadzibaba enyu: Munogara muchidzivisa Mweya Mutsvene! 52Kwakambova nomuprofita asina kutambudzwa namadzibaba enyu here? Vakauraya kunyange vaya vakaprofita kuuya kwaIye Oga Akarurama. Uye zvino makamupandukira mukamuuraya, 53iyemi makagamuchira murayiro wamakapiwa kubudikidza navatumwa, asi mukasauteerera.&#8221;</div><div class="s1">Kutakwa kwaSitefani namabwe</div><div class="p"> 54Vakati vanzwa izvi, vakashatirwa zvikuru uye vakamurumanyira meno avo. 55Asi Sitefani, azere noMweya Mutsvene, akatarisa kudenga akaona kubwinya kwaMwari, uye Jesu amire kuruoko rworudyi rwaMwari. 56Akati, &#8220;Tarirai, ndinoona denga razaruka uye Mwanakomana woMunhu amire kuruoko rworudyi rwaMwari.&#8221;</div><div class="p"> 57Pavakanzwa izvi vakadzivira nzeve dzavo vakamhanyira kwaari vose, vachidanidzira namanzwi ari pamusoro-soro, 58vakamuzvuzvurudzira kunze kweguta vakatanga kumutaka namabwe. Uye, vaya vaiva zvapupu vakandoisa nguo dzavo patsoka dzejaya rainzi Sauro.</div><div class="p"> 59Vachiri kumutaka namabwe, Sitefani akanyengetera, akati, &#8220;Ishe Jesu, gamuchirai mweya wangu.&#8221; 60Ipapo akapfugama namabvi ake akadanidzira achiti, &#8220;Ishe, musavapa mhosva yechivi ichi.&#8221; Akati ataura izvi, akavata.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkACT">
 <div class="chapter ch8" data-usfm="ACT.8">
 <div class="label">8</div><div class="p"> 1Uye Sauro akanga aripo achibvumirana nokufa kwake.</div><div class="s1">Kereke inotambudzwa uye inoparadzirwa</div><div class="p">Nomusi uyo kutambudzwa kukuru kwakatanga pakereke yepaJerusarema, uye vose vakaparadzirwa muJudhea rose nomuSamaria, kukasara vapostori chete. 2Varume vaitya Mwari vakaviga Sitefani uye vakamuchema zvikuru. 3Asi Sauro akatanga kuparadza kereke. Achipinda muimba neimba, akazvuzvurudza varume navakadzi achivaisa mutorongo.</div><div class="s1">Firipi anoparidza muSamaria</div><div class="p"> 4Vaya vakanga vaparadzirwa vakaparidza shoko kwose kwose kwavaienda. 5Firipi akaburuka akaenda kuguta raiva muSamaria akaparidza Kristu ikoko. 6Vanhu vazhinji vakati vanzwa Firipi uye vakaona zviratidzo zvaakaita, vose vakanyatsoteerera kune zvaaitaura. 7Nokuti mweya yetsvina yakabuda muvanhu ichidanidzira nenzwi guru, uye vazhinji vakanga vakaoma mitezo navakanga vakaremara vakaporeswa. 8Nokudaro kwakava nomufaro mukuru muguta iro.</div><div class="s1">Simoni N&#700;anga</div><div class="p"> 9Zvino kwechinguva mumwe murume ainzi Simoni akanga aita un&#700;anga muguta uye akashamisa vanhu vose veSamaria. Aizvirumbidza achiti iye akanga ari munhu mukuru, 10uye vanhu vose kubva kuna vakakwirira kusvikira kuna vari pasi pasi, vaimuteerera vachiti, &#8220;Munhu uyu ndiye simba guru raMwari.&#8221; 11Vaimutevera nokuti akanga avashamisa kwenguva refu namashiripiti ake. 12Asi vakati vatenda Firipi sezvo aiparidza vhangeri roumambo hwaMwari nezita raJesu Kristu, vakabhabhatidzwa, vose varume navakadzi. 13Simoni pachake akatenda uye akabhabhatidzwa. Uye akatevera Firipi kwose kwose, achikatyamadzwa nezviratidzo zvikuru zvaakaona.</div><div class="p"> 14Vapostori vaiva muJerusarema vakati vanzwa kuti vaSamaria vagamuchira shoko raMwari, vakatumira Petro naJohani kwavari. 15Vakati vasvika, vakavanyengeterera kuti vagamuchire Mweya Mutsvene, 16nokuti Mweya Mutsvene akanga asati auya pamusoro paani zvake wavo; vakanga vangobhabhatidzwa muzita raIshe Jesu. 17Ipapo Petro naJohani vakaisa maoko pamusoro pavo, vakagamuchira Mweya Mutsvene.</div><div class="p"> 18Simoni akati aona kuti Mweya Mutsvene waipiwa nokuiswa kwamaoko avapostori, akavapa mari 19akati, &#8220;Ndipeiwo simba iri kuti munhu wose wandichaisa maoko pamusoro agamuchire Mweya Mutsvene.&#8221;</div><div class="p"> 20Petro akapindura akati, &#8220;Mari yako ngaiparare pamwe chete newe, nokuti wafunga kuti ungatenga chipo chaMwari nemari! 21Iwe hauna chikamu kana mugove muushumiri uhu, nokuti mwoyo wako hauna kunaka pamberi paMwari. 22Tendeuka ubve pakuipa uku uye unyengetere kuna She. Zvimwe achakukanganwira pakuva nepfungwa yakadai mumwoyo mako. 23Nokuti ndinoona kuti iwe uzere nduru inovava uye wakasungwa nechivi.&#8221;</div><div class="p"> 24Ipapo Simoni akapindura akati, &#8220;Ndinyengetererei kuna She kuti zvose zvamataura zvirege kuitika kwandiri.&#8221;</div><div class="p"> 25Vakati vapupura uye vakaparidza shoko raShe, Petro naJohani vakadzokera kuJerusarema, vachiparidza vhangeri mumisha yakawanda yomuSamaria.</div><div class="s1">Firipi nomuEtiopia</div><div class="p"> 26Zvino mutumwa waShe akati kuna Firipi, &#8220;Buruka uende zasi kumugwagwa, wokugwenga, unoburuka uchibva kuJerusarema uchienda kuGaza.&#8221; 27Saka akasimuka akapinda munzira uye akasangana nomuyunaki wechiEtiopia, muchinda mukuru aichengeta pfuma yaKandase, mambokadzi weEtiopia. Murume uyu akanga aenda kundonamata kuJerusarema, 28uye pakudzoka kwake kumusha akanga agere mungoro achiverenga bhuku raIsaya muprofita. 29Mweya Mutsvene akati kuna Firipi, &#8220;Enda kungoro iyo, uswedere pedyo nayo.&#8221;</div><div class="p"> 30Ipapo Firipi akamhanya achienda kungoro akanzwa murume uya achiverenga kubva kuna Isaya muprofita. Firipi akati kwaari, &#8220;Uri kunzwisisa zvauri kuverenga here?&#8221;</div><div class="p"> 31Iye akati, &#8220;Ndinganzwisisa seiko kana pasina munhu anonditsanangurira?&#8221; Saka akadana Firipi kuti akwire mungoro agare nayemo.</div><div class="p"> 32Muyunaki uyu aiverenga chitsauko ichi choRugwaro:</div><div class="q1">&#8220;Akatungamirirwa segwai raindobayiwa,</div><div class="q2">uye segwayana rinyerere pamberi pomuveuri,</div><div class="q2">saka haana kushamisa muromo wake.</div><div class="q1"> 33Mukuninipiswa kwake akashayiwa kururamisirwa.</div><div class="q2">Ndianiko angataura nezvezvizvarwa zvake?</div><div class="q2">Nokuti upenyu hwake hwakabviswa panyika.&#8221;</div><div class="p"> 34Muyunaki uyu akabvunza Firipi akati, &#8220;Ndapota, ndiudze, muprofita ari kutaura pamusoro paaniko, anozvireva iye kana mumwe munhuwo?&#8221; 35Ipapo Firipi akatanga nechitsauko ichocho choRugwaro akamuparidzira vhangeri raJesu.</div><div class="p"> 36Zvavakanga vachifamba nomugwagwa, vakasvika pakanga pane mvura saka muyunaki akati, &#8220;Tarirai, heino mvura. Chingandikonesa kubhabhatidzwa chiiko?&#8221; 37Uye Firipi akati, &#8220;Kana uchitenda nomwoyo wako wose, zvinogoneka.&#8221; Iye akapindura akati, &#8220;Ndinotenda kuti Jesu Kristu ndiye Mwanakomana waMwari.&#8221; 38Akarayira kuti ngoro imiswe. Ipapo vose vari vaviri, Firipi nomuyunaki vakapinda mumvura, Firipi akamubhabhatidza. 39Vakati vabuda mumvura, Mweya waShe wakatora Firipi pakarepo, uye muyunaki haana kuzomuonazve, asi akafamba munzira yake achifara kwazvo. 40Zvakadaro hazvo, Firipi akazoonekwa paAzotasi uye akafamba achiparidza vhangeri mumaguta ose kusvikira asvika kuKesaria.</div>
 </div>
 </div>
</div>

Mabasa AvapositoriChikamu

Rugwaro

Zvinechekuita neHurongwa uhu

Zvirongwa zvakada kufanana neichi