Kumira naMwari munguva yekuyedzwa nematambudziko

Humwechete

Kutonga KwaMwari kwakarurama

Tsee: Kuona upenyu nomuono wokusingaperi

Munamato waTenzi

Hunhu weuMwari

Sarudzo dzine huMwari

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s1">Jesu Anoporesa Munhu Akanga Akafa Mitezo</div><div class="p"> 1Jesu akapinda mugwa akayambuka ndokusvika kuguta rokwake. 2Vamwe varume vakauya nomunhu akanga akafa mitezo, avete pabonde. Jesu akati aona kutenda kwavo akati kumunhu uya akafa mitezo, &#8220;Tsunga mwoyo, mwana, zvivi zvako zvaregererwa.&#8221;</div><div class="p"> 3Vachinzwa izvi, vamwe vadzidzisi vemirayiro vakati mumwoyo yavo, &#8220;Munhu uyu ari kumhura Mwari!&#8221;</div><div class="p"> 4Achiziva pfungwa dzavo Jesu akati, &#8220;Sei muchifunga zvakaipa mumwoyo yenyu? 5Ndezvipi zvakareruka, kuti, &#8216;Zvivi zvako waregererwa,&#8217; kana kuti, &#8216;Simuka ufambe&#8217;? 6Asi kuti mugoziva kuti Mwanakomana woMunhu ane simba panyika rokuregerera zvivi.&#8221; Ipapo akati kumunhu uya akanga akafa mitezo, &#8220;Simuka, tora bonde rako uende kumba.&#8221; 7Uye murume uya akasimuka akaenda kumba kwake. 8Vanhu vazhinji pavakazviona, vakazadzwa nokutya uye vakarumbidza Mwari uyo akanga apa simba rakadai kuvanhu.</div><div class="s1">Kudanwa kwaMateo</div><div class="p"> 9Jesu akati achipfuurira mberi achibva ikoko, akaona mumwe murume ainzi Mateo agere pahofisi yomuteresi. Akati kwaari, &#8220;Nditevere,&#8221; uye Mateo akasimuka akamutevera.</div><div class="p"> 10Jesu akati agere mumba maMateo vachidya kudya kwamanheru, vateresi vazhinji navatadzi vakauya vakadya naye navadzidzi vake. 11VaFarisi vakati vaona izvi, vakabvunza vadzidzi vake vachiti, &#8220;Sei mudzidzisi wenyu achidya navateresi navatadzi?&#8221;</div><div class="p"> 12Achinzwa izvi, Jesu akati, &#8220;Vasingarwari havatsvagi chiremba, asi vanorwara. 13Asi endai munodzidza kuti izvi zvinorevei zvinoti, &#8216;Ndinoda ngoni, kwete chibayiro.&#8217; Nokuti handina kuuya kuzodana vakarurama, asi vatadzi.&#8221;</div><div class="s1">Jesu Anobvunzwa neZvokutsanya</div><div class="p"> 14Vadzidzi vaJohani vakauya kuzomubvunza vachiti, &#8220;Ko, sei isu navaFarisi tichitsanya asi vadzidzi venyu vasingatsanyi.&#8221;</div><div class="p"> 15Jesu akapindura achiti, &#8220;Zvingaitawo here kuti shamwari dzechikomba dzicheme iye achiinavo? Nguva ichasvika iyo chikomba chichabviswa kwavari, ipapo vachatsanya.</div><div class="p"> 16&#8220;Hapana munhu anosonera chigamba chitsva panguo tsaru, nokuti chigamba chichabvarura nguo iya, buri racho richizobva ranyanya. 17Uye vanhu havangadiri waini itsva muhombodo tsaru. Kana vakadaro, hombodo dzichaputika, waini ichateuka uye hombodo dzichaparara. Kwete, vanodira waini itsva muhombodo itsva uye zvose zviri zviviri zvinochengetedzeka.&#8221;</div><div class="s1">Jesu Anomutsa Musikana Akanga Afa Uye Anoporesa Mukadzi Airwara</div><div class="p"> 18Akati achiri kutaura izvi, mumwe mutongi akauya akasvikomupfugamira uye akati, &#8220;Mwanasikana wangu afa izvozvi. Asi uyai muzoisa ruoko rwenyu paari agorarama.&#8221; 19Jesu akasimuka akaenda naye pamwe chete navadzidzi vake.</div><div class="p"> 20Pakarepo mumwewo mudzimai aitambudzwa nechirwere chokubuda ropa kwamakore gumi namaviri akauya shure kwake akasvikobata mupendero wenguo yake. 21Akati nechomumwoyo, &#8220;Ndikangobata chete nguo yake, ndichaporeswa.&#8221;</div><div class="p"> 22Jesu akatendeuka akamuona ndokubva ati kwaari, &#8220;Tsunga mwoyo mwanasikana, kutenda kwako kwakuporesa.&#8221; Mudzimai uyu akabva aporeswa pakarepo.</div><div class="p"> 23Jesu akati apinda mumba momutongi uya, akawana varidzi venyere navazhinji vaiita mheremhere 24akati, &#8220;Budai panze. Mwanasikana uyu haana kufa asi avete.&#8221; Asi vakamuseka. 25Mushure mokunge vanhu vazhinji ava vabudiswa panze, akapinda akasvikobata mwanasikana uya ruoko achibva amuka. 26Nhau dzezvakaitika izvi, dzakapararira nedunhu rose.</div><div class="s1">Jesu Anoporesa Mapofu Maviri neMbeveve</div><div class="p"> 27Jesu akati achibvapo, akateverwa navarume vaviri vakanga vari mapofu, vaishevedzera vachiti, &#8220;Mwanakomana waDhavhidhi, tinzwireiwo ngoni!&#8221;</div><div class="p"> 28Akati apinda mumba, mapofu aya akauya kwaari, uye Jesu akavabvunza achiti, &#8220;Munotenda here kuti ndinogona kukuitirai izvi?&#8221;</div><div class="p">Vakapindura vakati, &#8220;Hongu, Ishe.&#8221;</div><div class="p"> 29Ipapo akabata meso avo uye akati, &#8220;Maererano nokutenda kwenyu, ngazviitwe kwamuri.&#8221; 30Uye meso avo akabva asvinudzwa. Jesu akavayambira chaizvo achiti, &#8220;Onai kuti hapana achazviziva izvi.&#8221; 31Asi ivo vakaenda vakataura nezvake mudunhu rose iri.</div><div class="p"> 32Vakati vachibuda, mumwe murume akanga ari mbeveve uye akabatwa nedhimoni akauyiswa kuna Jesu. 33Dhimoni rakati radzingwa, munhu uya akanga ari mbeveve akataura. Vanhu vazhinji vakashamiswa uye vakati, &#8220;Zvakadai hazvisati zvamboonekwa muIsraeri.&#8221;</div><div class="p"> 34Asi vaFarisi vakati, &#8220;Anodzinga madhimoni nomukuru wamadhimoni.&#8221;</div><div class="s1">Vashandi Vashoma</div><div class="p"> 35Jesu akafamba nomumaguta ose nemisha yose, achidzidzisa mumasinagoge avo achiparidza nhau dzakanaka dzoumambo uye achiporesa zvirwere zvose nehosha dzose. 36Akati achiona vanhu vazhinji, akavanzwira tsitsi nokuti vaishushwa uye vakanga vasina simba, vakaita samakwai asina mufudzi. 37Ipapo akati kuvadzidzi vake, &#8220;Kukohwa kukuru asi vashandi vashoma. 38Naizvozvo kumbirai kuna Ishe wokukohwa kuti atumire vashandi mukukohwa kwake.&#8221;</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

BibleProject | GospelsChikamu

Rugwaro

Zvinechekuita neHurongwa uhu