Kuwana Makomborero Nekuda Kwekuteerera

Sarudzo dzine huMwari

Tsee: Kuona upenyu nomuono wokusingaperi

Munamato waTenzi

Hunhu weuMwari

Kumira naMwari munguva yekuyedzwa nematambudziko

Fara Ugowa Nekutenda

Kuropafadzwa Kwakapfuurisa

Humwechete

Kutonga KwaMwari kwakarurama

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkMRK">
 <div class="chapter ch5" data-usfm="MRK.5">
 <div class="label">5</div><div class="s1">Kuporeswa kwoMurume Akanga Akabatwa naMadhimoni</div><div class="p"> 1Vakayambuka mhiri kwegungwa kunyika yavaGerase. 2Jesu akati abuda mugwa, mumwe murume akanga ano mweya wakaipa akauya achibva kumakuva kuti azosangana naye. 3Murume uyu aigara kumakuva, uye kwakanga kusisina munhu aigona kumusungazve, kunyange kana nengetani. 4Nokuti kazhinji aisungwa maoko namakumbo, asi aidambura ngetani napakati uye achivhuna simbi dzaiva pamakumbo ake. Hakuna munhu aiva nesimba rokumukunda. 5Usiku namasikati aingochema uye achizvicheka-cheka namabwe ari pakati pamakuva uye nomuzvikomo.</div><div class="p"> 6Akati aona Jesu achiri chinhambwe, akamhanya akandowira namabvi ake mberi kwake. 7Akadanidzira nenzwi riri pamusoro achiti, &#8220;Munodeiko kwandiri, Jesu, Mwanakomana waMwari Wokumusoro-soro? Pikai kuna Mwari kuti hamuzonditambudzi!&#8221; 8Nokuti Jesu akanga ati kwaari, &#8220;Buda mumunhu uyu, iwe mweya wakaipa!&#8221;</div><div class="p"> 9Ipapo Jesu akamubvunza akati, &#8220;Zita rako ndiwe ani?&#8221;</div><div class="p">Akapindura akati, &#8220;Zita rangu ndiRegioni, nokuti tiri vazhinji.&#8221; 10Uye akakumbira akumbirazve kuna Jesu kuti arege kuidzinga kubva munyika iyo.</div><div class="p"> 11Boka guru renguruve raifura riri pazvikomo zvaiva pedyo nenzvimbo iyi. 12Madhimoni akakumbirisa kuna Jesu akati, &#8220;Titumei henyu pakati penguruve, titenderei henyu kuti tinopinda madziri.&#8221; 13Akaatendera, uye mweya yakaipa yakabuda ikaenda ikandopinda munguruve. Boka rinenge zviuru zviviri pakuwanda, rakamhanya richiburukira kumawere rikapinda mugungwa uye rikanyuramo.</div><div class="p"> 14Vaya vakanga vachifudza nguruve vakatiza vakandozivisa izvi muguta nomumaruwa, uye vanhu vakabuda kuti vandoona zvakanga zvaitika. 15Vakati vasvika kuna Jesu, vakaona murume uya akanga akabatwa neRegioni ramadhimoni, agere ipapo, akapfeka uye ava munhu kwaye; uye vakatya. 16Vaya vakanga vazviona vakavaudza zvakanga zvaitika kumunhu akanga ambobatwa namadhimoni, uye vakataura nezvenguruvewo. 17Ipapo vanhu vakatanga kukumbira Jesu kuti abve munyika yavo.</div><div class="p"> 18Jesu paakanga opinda mugwa, munhu akanga akabatwa namadhimoni akakumbira zvikuru kuti aende naye. 19Jesu haana kumutendera, asi akati kwaari, &#8220;Chienda kumba kumhuri yako undovaudza zvawaitirwa naShe, uye kuti akunzwira ngoni sei.&#8221; 20Saka murume uyu akabva akaenda uye akatanga kutaura muDhekapori zvinhu zvikuru zvaakanga aitirwa naJesu. Uye vanhu vose vakashamiswa.</div><div class="s1">Musikana Akanga Afa, noMukadzi Airwara</div><div class="p"> 21Jesu akati ayambukazve mhiri negwa kuno rumwe rutivi rwegungwa, vazhinji zhinji vakaungana vakamukomberedza paakanga ari pagungwa. 22Ipapo mumwe wavabati vomusinagoge, ainzi Jairosi, akasvikapo. Paakaona Jesu akawira patsoka dzake 23uye akamukumbirisa zvikuru achiti, &#8220;Mwanasikana wangu mudiki ava kufa. Ndapota uyai muise maoko enyu pamusoro pake kuti agoporeswa uye ararame.&#8221; 24Saka Jesu akaenda naye.</div><div class="p">Vazhinji zhinji vakatevera vachimanikidzirana. 25Uye pakanga pano mukadzi aiva nechirwere chokubuda ropa kwamakore gumi namaviri. 26Akanga atambudzika zvikuru uye achirapwa navanachiremba vazhinji uye akanga apedza zvose zvaaiva nazvo, asi pachinzvimbo chokuva nani akatonyanyisa kurwara. 27Akati anzwa nezvaJesu, akauya mushure make mukati mavazhinji uye akabata nguo yake, 28nokuti akati mumwoyo make, &#8220;Kana ndikangobata nguo dzake, ndichaporeswa.&#8221; 29Pakarepo tsime reropa rake rakapwa uye akanzwa mumuviri wake kuti akanga asunungurwa kubva pakutambudzika kwake.</div><div class="p"> 30Pakarepo Jesu akanzwa kuti simba rakanga rabuda maari. Akatendeukira kuruzhinji rwavanhu akabvunza achiti, &#8220;Ndianiko abata nguo dzangu?&#8221;</div><div class="p"> 31Vadzidzi vake vakati, &#8220;Muri kuona vanhu vachikutsimbirirai, zvino moti, &#8216;Ndianiko andibata?&#8217;&#8198;&#8221;</div><div class="p"> 32Asi Jesu akaramba achitarisa-tarisa kuti aone kuti ndiani akanga aita izvozvo. 33Ipapo mukadzi, achiziva zvakanga zvaitika kwaari, akauya akawira patsoka dzake, uye achidedera nokutya, akamuudza chokwadi chose. 34Iye akati kwaari, &#8220;Mwanasikana, kutenda kwako kwakuporesa. Enda norugare uye usunungurwe pakutambudzika kwako.&#8221;</div><div class="p"> 35Jesu achiri kutaura, vamwe varume vakauya vachibva kumba kwaJairosi, mukuru wesinagoge. Vakati, &#8220;Mwanasikana wenyu afa. Muchanetsereiko mudzidzisi?&#8221;</div><div class="p"> 36Asina hanya nezvavakanga vataura, Jesu akati kumukuru wesinagoge, &#8220;Usatya; tenda bedzi.&#8221;</div><div class="p"> 37Haana kutendera mumwe munhu kuti amutevere kunze kwaPetro, Jakobho naJohani munun&#700;una waJakobho. 38Vakati vasvika pamba pomukuru wesinagoge, Jesu akanzwa mheremhere, vanhu vachichema nokuungudza zvikuru. 39Akapinda akati kwavari, &#8220;Ko, mheremhere ndeyeiko nokuungudza uku? Mwana haana kufa asi avete.&#8221; 40Asi vakamuseka.</div><div class="p">Mushure mokunge avabudisa vose panze, akatora baba namai vomwana navadzidzi vaakanga anavo, akapinda makanga muno mwana. 41Akamubata noruoko akati kwaari, &#8220;Tarita kumi!&#8221; (zvichireva kuti, &#8220;Musikana, ndinoti kwauri, muka!&#8221;) 42Pakarepo musikana akasimuka akafamba-famba (akanga ana makore gumi namaviri okuberekwa). Nokuda kwaizvozvi, vakashamiswa zvikuru. 43Akarayira nokurayira kukuru kuti parege kuva nomunhu anoziva nezvazvo, uye akavaudza kuti vamupe zvokudya.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

BibleProject | GospelsChikamu

Rugwaro

Zvinechekuita neHurongwa uhu

Zvirongwa zvakada kufanana neichi