Johani

Mabasa Avapositori

VaRoma

1 & 2 VaTesaronika

VaHebheru

2 Vakorinde

1 Vakorinde

1 & 2 Timoti

Vagaratiya

1, 2, uye 3 Johani

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s1">Chivi, Kutenda neZvokuita</div><div class="p"> 1Jesu akati kuvadzidzi vake, &#8220;Zvinhu zvinoita kuti vanhu vatadze zvinototi zviuye, asi ane nhamo munhu uyo anouya nazvo. 2Zvaiva nani kwaari kuti guyo risungirirwe pamutsipa wake agokandwa mugungwa pano kuti atadzise mumwe wavaduku ava. 3Saka zvingwarirei.</div><div class="p">&#8220;Kana hama yako ichitadza, itsiure, uye kana akatendeuka, umuregerere. 4Kana akakutadzira kanomwe pazuva, uye akadzoka kwauri kanomwe achiti, &#8216;Ndatendeuka,&#8217; muregerere.&#8221;</div><div class="p"> 5Vapostori vakati kuna She, &#8220;Tiwedzereiwo kutenda kwedu!&#8221;</div><div class="p"> 6Iye akati, &#8220;Kana muno kutenda kuduku duku setsanga yemasitadhi, munogona kuti kumuti womuonde uyu, &#8216;Dzurwa usimwe mugungwa,&#8217; uye uchakuteererai.</div><div class="p"> 7&#8220;Ngatitii mumwe wenyu anga aine muranda anorima kana kuti anofudza makwai. Angati here kumuranda paanopinda achibva kumunda, &#8216;Uya pano iye zvino ugare pasi udye&#8217;? 8Ko, haangati here, &#8216;Ndigadzirire chokudya changu, uzvigadzirire iwe ugondimirira pandinenge ndichidya nokunwa; shure kwaizvozvo iwe ungazodya hako nokunwa&#8217;? 9Ko, angavonga muranda nokuda kwokuti akaita zvaakaudzwa here? 10Saka nemiwo, pamunenge maita zvose zvamakaudzwa kuti muite, munofanira kuti, &#8216;Tiri varanda vasina maturo; tangoita zvatanga tichifanira kuita.&#8217;&#8198;&#8221;</div><div class="s1">Vanhu Gumi vanoporeswa Maperembudzi</div><div class="p"> 11Zvino ari munzira achienda kuJerusarema, Jesu akafamba achitevedza muganhu waiva pakati peSamaria neGarirea. 12Paakanga opinda mumusha, varume gumi vaiva namaperembudzi vakasangana naye. Vakamira vari nechokure 13uye vakadanidzira nenzwi guru vachiti, &#8220;Jesu, Tenzi, tinzwireiwo ngoni!&#8221;</div><div class="p"> 14Akati achivaona, akati kwavari, &#8220;Endai munozviratidza kuvaprista.&#8221; Uye pavaienda, vakabva vanatswa.</div><div class="p"> 15Mumwe wavo akati aona kuti akanga aporeswa, akadzoka achirumbidza Mwari nenzwi guru. 16Akazviwisira patsoka dzaJesu akamuvonga. Uye akanga ari muSamaria.</div><div class="p"> 17Jesu akati, &#8220;Ko, havasi vose gumi vakaporeswa here? Ko, vamwe vapfumbamwe varipi? 18Kwashayikwa mumwe woga adzoka akazorumbidza Mwari kunze kwouyu mutorwa here?&#8221; 19Ipapo akati kwaari, &#8220;Simuka uende; kutenda kwako kwakuporesa.&#8221;</div><div class="s1">Kuuya kwoUmambo hwaMwari</div><div class="p"> 20Akati abvunzwa navaFarisi kuti umambo hwaMwari hwaizosvika riini, Jesu akapindura akati, &#8220;Umambo hwaMwari hahuuyi nokunyatsocherechedza kwenyu, 21uye vanhu havangati, &#8216;Hohuno pano&#8217; kana kuti &#8216;Uho uko,&#8217; nokuti umambo hwaMwari huri mamuri.&#8221;</div><div class="p"> 22Ipapo akati kuvadzidzi vake, &#8220;Nguva iri kuuya yamuchashuva kuona rimwe ramazuva oMwanakomana woMunhu, asi hamuzorioni. 23Vanhu vachati kwamuri, &#8216;Hoyo uko!&#8217; kana kuti &#8216;Houno pano!&#8217; Musamhanya muchivatevera. 24Nokuti semheni inopenya ichivhenekera muchadenga ichibva kuno rumwe rutivi ichienda kuno rumwe rutivi, ndizvo zvichaita Mwanakomana woMunhu pazuva rake. 25Asi anofanira kutanga kumbotambudzika zvikuru uye acharambwa norudzi urwu.</div><div class="p"> 26&#8220;Sezvazvakanga zvakaita pamazuva aNoa, ndizvo zvazvichaitawo mumazuva oMwanakomana woMunhu. 27Vanhu vaidya, vachinwa, vachiwana nokuwaniswa kusvikira zuva rakapinda Noa muareka. Ipapo mafashamu akasvika akavaparadza vose.</div><div class="p"> 28&#8220;Zvakanga zvakadarowo pamazuva aRoti. Vanhu vakanga vachidya nokunwa, vachitonga nokutongesa, vachidyara nokuvaka. 29Asi pazuva rakabuda Roti muSodhomu, moto nesuriferi zvakanaya, zvichibva kudenga zvikavaparadza vose.</div><div class="p"> 30&#8220;Zvichaita saizvozvo pazuva iro Mwanakomana woMunhu acharatidzwa. 31Pazuva iro hakuna munhu ari pamusoro pedenga remba, ane nhumbi dzake mukati memba, anofanira kuburuka kuti andodzitora. Saizvozvowo, hakuna munhu ari kumunda achadzokera chinhu chero chipi zvacho. 32Rangarirai mukadzi waRoti! 33Ani naani anoedza kuchengetedza upenyu hwake acharasikirwa nahwo, uye ani naani anorasikirwa noupenyu hwake achahuponesa. 34Ndinoti kwamuri, pazuva iro vanhu vaviri vachange vari pamubhedha mumwe; mumwe achatorwa mumwe achisiyiwa. 35Vakadzi vaviri vachange vachikuya zviyo pamwe chete; mumwe achatorwa uye mumwe achasiyiwa. 36Varume vachange vari mumunda, mumwe achatorwa uye mumwe achasiyiwa.&#8221;</div><div class="p"> 37Vakamubvunza vakati, &#8220;Kupiko Ishe?&#8221;</div><div class="p">Akapindura akati, &#8220;Pano mutumbi, ndipo panoungana magora.&#8221;</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">Mufananidzo weChirikadzi Yakatsungirira</div><div class="p"> 1Ipapo Jesu akaudza vadzidzi vake mufananidzo wokuvaratidza kuti vaifanira kunyengetera nguva dzose vasingaori mwoyo. 2Akati, &#8220;Mune rimwe guta maiva nomutongi akanga asingatyi Mwari uye asina hanya navanhu. 3Uye muguta imomo maiva nechirikadzi yakaramba ichiuya kwaari nechikumbiro ichiti, &#8216;Ndiruramisireiwo kumuvengi wangu.&#8217;</div><div class="p"> 4&#8220;Kwechinguva akamboramba. Asi pakupedzisira akati mumwoyo make, &#8216;Kunyange dai ndisingatyi Mwari uye ndisina hanya navanhu, 5asi nokuda kwokuti chirikadzi iyi inoramba ichindinetsa, ndinofanira kuiruramisira, kuitira kuti arege kuzoramba achindinetsa nokuuya kwake!&#8217;&#8198;&#8221;</div><div class="p"> 6Zvino Ishe akati, &#8220;Inzwai zvinotaurwa nomutongi asakarurama. 7Ko, zvino Mwari haangaruramisiri vasanangurwa vake, vanodanidzira kwaari masikati nousiku here? Acharamba achivadzosa here? 8Ndinoti kwamuri, achaona kuti varuramisirwa, uye nokukurumidza. Kunyange zvakadaro hazvo, kana Mwanakomana woMunhu achisvika, achawana kutenda panyika here?&#8221;</div><div class="s1">Mufananidzo womuFarisi noMuteresi</div><div class="p"> 9Jesu akataura mufananidzo uyu, kuna vamwe vakanga vachivimba nokururama kwavo uye vaizvidza vamwe akati, 10&#8220;Varume vaviri vakakwira kutemberi kundonyengetera, mumwe akanga ari muFarisi uye mumwe ari muteresi. 11MuFarisi akasimuka akazvinyengeterera achiti, &#8216;Mwari, ndinokuvongai nokuti handina kufanana navamwe vanhu, makororo, vaiti vezvakaipa, mhombwe, kana kunyange muteresi uyu. 12Ndinozvinyima zvokudya kaviri pavhiki uye ndinopa chegumi chezvose zvandinowana.&#8217;</div><div class="p"> 13&#8220;Asi muteresi akamira ari nechokure, asingadi kunyange kutarira kudenga, asi akazvirova chipfuva akati, &#8216;Mwari, ndinzwirei tsitsi, ini mutadzi.&#8217;</div><div class="p"> 14&#8220;Ndinokuudzai kuti munhu uyu, akadzokera kumba kwake aruramiswa pamberi paMwari kupinda muFarisi. Nokuti mumwe nomumwe anozvikudza achaninipiswa, uye uyo anozvininipisa achakudzwa.&#8221;</div><div class="s1">Jesu navana vaduku</div><div class="p"> 15Vanhu vakauyawo navacheche kuna Jesu kuti avanyengeterere. Vadzidzi vakati vachiona izvozvo, vakavatsiura. 16Asi Jesu akadana vana kwaari achiti, &#8220;Regai vana vaduku vauye kwandiri, uye musavadzivisa, nokuti umambo hwaMwari ndohwavakadai. 17Zvirokwazvo ndinoti kwamuri, ani naani asingagamuchiri umambo hwaMwari somwana muduku haangatongopindi mahuri.&#8221;</div><div class="s1">Mutongi aiva Mupfumi</div><div class="p"> 18Mumwe mutongi akamubvunza achiti, &#8220;Mudzidzisi akanaka, ndinofanira kuitei kuti ndigogara nhaka youpenyu husingaperi?&#8221;</div><div class="p"> 19Jesu akapindura achiti, &#8220;Seiko uchinditi ndakanaka? Hakuna akanaka kunze kwaMwari oga. 20Iwe unoziva mirayiro inoti: &#8216;Usaita upombwe, usauraya, usapupura nhema, kudza baba vako namai vako.&#8217;&#8198;&#8221;</div><div class="p"> 21Iye akati, &#8220;Izvi zvose ndakazvichengeta kubva paudiki hwangu.&#8221;</div><div class="p"> 22Jesu akati achinzwa izvi, akati kwaari, &#8220;Uchiri kushayiwa chinhu chimwe chete. Tengesa zvose zvaunazvo ugopa varombo, ugozova nepfuma kudenga. Ipapo, ugouya unditevere.&#8221;</div><div class="p"> 23Akati anzwa izvozvo, akasuwa zvikuru, nokuti akanga ari murume akapfuma zvikuru. 24Jesu akatarisa kwaari akati, &#8220;Zvikukutu sei kuti mupfumi apinde muumambo hwaMwari! 25Zvirokwazvo, zviri nyore kwazvo kuti ngamera ipinde napaburi retsono pano kuti mupfumi apinde muumambo hwaMwari.&#8221;</div><div class="p"> 26Vaya vakazvinzwa izvozvo vakabvunza vachiti, &#8220;Ndianiko zvino angaponeswa?&#8221;</div><div class="p"> 27Jesu akapindura achiti, &#8220;Zvisingagoneki kuvanhu zvinogoneka kuna Mwari.&#8221;</div><div class="p"> 28Petro akati kwaari, &#8220;Takasiya zvose zvataiva nazvo kuti tikuteverei!&#8221;</div><div class="p"> 29Jesu akati kwavari, &#8220;Zvirokwazvo ndinoti kwamuri, hakuna munhu akasiya musha, kana mukadzi, kana munun&#700;una, kana vabereki, kana vana nokuda kwoumambo hwaMwari, 30asingazogamuchiri zvakapetwa kakawanda munguva ino, uye upenyu husingaperi munguva inouya.&#8221;</div><div class="s1">Jesu Anoprofita nezvoKufa Kwake</div><div class="p"> 31Jesu akatsaura parutivi vane gumi navaviri akavaudza kuti, &#8220;Tiri kuenda kuJerusarema, uye zvose zvakanyorwa navaprofita pamusoro poMwanakomana woMunhu zvichazadziswa. 32Achaiswa mumaoko evedzimwe ndudzi. Vachamuseka, vachamutuka, nokumupfira mate, vachamurova uye vachamuuraya. 33Pazuva rechitatu achamukazve.&#8221;</div><div class="p"> 34Vadzidzi hapana chavakanzwisisa pachinhu ichi. Zvairehwa zvacho zvakanga zvakavanzika kwavari, uye havana kuziva zvaakanga achitaura pamusoro pazvo.</div><div class="s1">Bofu rinosvinudzwa</div><div class="p"> 35Jesu akati aswedera pedyo neJeriko, mumwe murume akanga ari bofu akanga agere parutivi pomugwagwa achipemha. 36Akati achinzwa vanhu vazhinji vakanga vachipfuura, akabvunza kuti chii chakanga chichiitika. 37Vakamuudza kuti, &#8220;Jesu weNazareta ari kupfuura napano.&#8221;</div><div class="p"> 38Iye akadanidzira achiti, &#8220;Jesu, Mwanakomana waDhavhidhi, ndinzwireiwo ngoni!&#8221;</div><div class="p"> 39Vaya vakanga vachitungamira vakamutsiura vakamuudza kuti anyarare, asi iye akanyanyisa kudanidzira achiti, &#8220;Mwanakomana waDhavhidhi, ndinzwireiwo ngoni!&#8221;</div><div class="p"> 40Jesu akamira ndokurayira kuti murume uyu auyiswe kwaari. Akati aswedera pedyo, Jesu akamubvunza akati, 41&#8220;Unoda kuti ndikuitireiko?&#8221;</div><div class="p">Iye akapindura akati, &#8220;Ishe, ndinoda kuti ndione.&#8221;</div><div class="p"> 42Jesu akati kwaari, &#8220;Chiona; kutenda kwako kwakuporesa.&#8221; 43Pakarepo akaona akatevera Jesu, achirumbidza Mwari. Vanhu vose vakati vachizviona, naivowo vakarumbidza Mwari.</div>
 </div>
 </div>
</div>

RukaChikamu

Rugwaro

Zvinechekuita neHurongwa uhu

Zvirongwa zvakada kufanana neichi