Hunhu weuMwari

Munamato waTenzi

Tsee: Kuona upenyu nomuono wokusingaperi

Kumira naMwari munguva yekuyedzwa nematambudziko

Kutonga KwaMwari kwakarurama

Humwechete

Sarudzo dzine huMwari

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch23" data-usfm="GEN.23">
 <div class="label">23</div><div class="s1">Kufa kwaSara</div><div class="p"> 1Sara akararama akasvika makore zana namakumi maviri namanomwe okuberekwa. 2Akafira paKiriati Abha (ndiro Hebhuroni) munyika yeKenani, uye Abhurahama akandochema Sara akaungudza pamusoro pake.</div><div class="p"> 3Ipapo Abhurahama akasimuka kubva parutivi pomukadzi wake akanga afa akandotaura navaHiti, akati, 4&#8220;Ndiri mutorwa nomueni pakati penyu. Nditengesereiwo nzvimbo pano yokuviga kuti ndigogona kuviga vakafa vangu.&#8221;</div><div class="p"> 5VaHiti vakapindura Abhurahama vakati, 6&#8220;Ishe, tinzwei. Imi muri muchinda mukuru pakati pedu. Vigai henyu akafa wenyu muguva rakaisvonaka pakati pamakuva edu. Hakuna munhu pakati pedu angakunyimai guva rake kuti muvige akafa wenyu.&#8221;</div><div class="p"> 7Ipapo Abhurahama akasimuka akakotamira pasi pamberi pavanhu venyika, ivo vaHiti. 8Akati kwavari, &#8220;Kana muchida kuti ndivige akafa wangu, zvino chindinzwai uye mundikumbirire kuna Efuroni mwanakomana waZohari pachinzvimbo changu, 9kuti anditengesere bako raMakapera, raanaro uye riri kumucheto womunda wake. Mukumbirei kuti anditengesere nomutengo uzere ive nzvimbo yangu yokuviga vakafa pakati penyu.&#8221;</div><div class="p"> 10Efuroni muHiti akanga agere pakati pavanhu vake akapindura Abhurahama, vaHiti vose vakanga vauya pasuo reguta vachizvinzwa, 11akati, &#8220;Kwete, ishe wangu. Inzwai; ndinokupai munda, uye ndinokupai bako riri mauri. Ndinoupa kwamuri pamberi pavanhu vangu. Vigai henyu akafa wenyu.&#8221;</div><div class="p"> 12Zvakare Abhurahama akakotamira pasi pamberi pavanhu venyika 13akati kuna Efuroni vachizvinzwa, &#8220;Nditeerere, kana uchida. Ndicharipa mutengo womunda. Ugamuchire hako kubva kwandiri kuti ndigoviga vakafa vangu imomo.&#8221;</div><div class="p"> 14Efuroni akapindura Abhurahama akati, 15&#8220;Nditeererei, ishe wangu, mutengo wenyika unoita mashekeri mazana mana#23:15 makirogiramu angaita 4.5 esirivha, asi chingava chiiko pakati pangu nemi? Vigai henyu akafa venyu.&#8221;</div><div class="p"> 16Abhurahama akabvumirana nomutengo waEfuroni akamuyerera mutengo waakanga areva vaHiti vachizvinzwa; mazana mana amashekeri esirivha, maererano nomutengo waivapo pakati pavatengesi.</div><div class="p"> 17Saka munda waEfuroni muMakapera pedyo neMamure, zvose munda nebako zvaive mauri, nemiti yose yaiva pakati pomuganhu womunda, zvakapiwa 18kuna Abhurahama zvikava zvake pamberi pavaHiti vakanga vauya pasuo reguta. 19Shure kwaizvozvo Abhurahama akaviga mukadzi wake Sara mubako mumunda weMakapera pedyo neMamure (iro Hebhuroni) munyika yeKenani. 20Saka munda nebako raiva mauri zvakapiwa kuna Abhurahama navaHiti senzvimbo yamakuva.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch25" data-usfm="GEN.25">
 <div class="label">25</div><div class="s1">Kufa kwaAbhurahama</div><div class="p"> 1Abhurahama akawana mumwe mukadzi, zita rake ainzi Ketura. 2Akamuberekera Zimurami, Jokishani, Medhani, Midhiani, Ishibhaki naShua. 3Jokishani akabereka Shebha naDhedhani; zvizvarwa zvaDhedhani zvakanga zviri vaAshuri, vaRetushi navaReumi. 4Vanakomana vaMidhiani vakanga vari Efa, Eferi, Hanoki, Abhidha naEridha. Vose ava vakanga vari zvizvarwa zvaKetura.</div><div class="p"> 5Abhurahama akasiya zvinhu zvose zvaakanga anazvo kuna Isaka. 6Asi paakanga achiri mupenyu akapa zvipo kuvanakomana vavarongo vake uye akavabvisa pamwanakomana wake Isaka akavaendesa kumabvazuva.</div><div class="p"> 7Pamwe chete, Abhurahama akararama makore zana namakumi manomwe namashanu. 8Ipapo Abhurahama akabudisa mweya wake akafa akwegura kwazvo, ava mutana uye ava namakore mazhinji; uye akasanganiswa navanhu vake. 9Vanakomana vake Isaka naIshumaeri vakamuviga mubako reMakapera pedyo neMamure, mumunda waEfuroni mwanakomana waZofa muHiti, 10munda wakanga watengwa naAbhurahama kubva kumuHiti. Ndimo makavigwa Abhurahama nomukadzi wake Sara. 11Shure kwokufa kwaAbhurahama, Mwari akaropafadza mwanakomana wake Isaka, uyo akagara pedyo neBheeri Rahai Roi.</div><div class="s1">Vanakomana vaIshumaeri</div><div class="p"> 12Iyi ndiyo nhoroondo yomwanakomana waAbhurahama, iye Ishumaeri, akaberekerwa Abhurahama naHagari muIjipita, murandakadzi waSara.</div><div class="b"></div><div class="li4"> 13Aya ndiwo mazita avanakomana vaIshumaeri, akanyorwa muurongwa hwamaberekerwo avo:</div><div class="b"></div><div class="li1">Nebhayoti dangwe raIshumaeri,</div><div class="li1">Kedhari, Adhibheeri, Mibhisami,</div><div class="li1"> 14Mishima, Dhuma, Masa,</div><div class="li1"> 15Hadhadhi, Tema, Jeturi,</div><div class="li1">Nafishi naKedhema.</div><div class="b"></div><div class="li4"> 16Ava ndivo vaiva vanakomana vaIshumaeri, uye aya ndiwo mazita avatongi gumi navaviri vamarudzi maererano namagariro avo nemisasa yavo.</div><div class="b"></div><div class="p"> 17Pamwe chete, Ishumaeri akararama makore zana namakumi matatu namakore manomwe. Akabudisa mweya wake akafa, akasanganiswa navanhu vake. 18Zvizvarwa zvake zvakandogara munzvimbo yaibva kuHavhira kusvikira kuShuri, pedyo nomuganhu weIjipiti, kana munhu achienda akananga kuAshuri. Uye vakagara vachipesana nehama dzavo.</div><div class="s1">Jakobho naEsau</div><div class="p"> 19Iyi ndiyo nhoroondo yomwanakomana waAbhurahama, Isaka.</div><div class="b"></div><div class="p">Abhurahama akabereka Isaka, 20uye Isaka akanga ava namakore makumi mana okuberekwa paakawana Rabheka mwanasikana waBhetueri muAramu, aibva kuPadhani Aramu uye ari hanzvadzi yaRabhani muAramu.</div><div class="p"> 21Isaka akanyengeterera mukadzi wake kuna Jehovha, nokuti akanga asingabereki. Jehovha akapindura munyengetero wake, uye mukadzi wake Rabheka akava nemimba. 22Vana vakanga vachisundana mukati make, iye akati, &#8220;Seiko izvi zvichiitika kwandiri?&#8221; Saka akaenda kundobvunza Jehovha.</div><div class="p"> 23Jehovha akati kwaari,</div><div class="q1">&#8220;Ndudzi mbiri dziri muchizvaro chako,</div><div class="q2">uye marudzi maviri achabuda mauri achaparadzana;</div><div class="q1">rumwe rudzi ruchava nesimba kupfuura rumwe,</div><div class="q2">uye mukuru achashumira muduku.&#8221;</div><div class="p"> 24Nguva yokubereka kwake yakati yasvika, onei makanga muna vakomana vaviri muchizvaro chake. 25Akatanga kubuda akanga ari mutsvuku, uye muviri wake wose wakanga wakaita senguo ine mvere; saka vakamutumidza zita rokuti Esau. 26Shure kwaizvozvo, munun&#700;una wake akabuda, ruoko rwake rwakabata chitsitsinho chaEsau; saka akatumidzwa zita rokuti Jakobho. Isaka akanga ava namakore okuberekwa makumi matanhatu Rabheka paakavabereka.</div><div class="p"> 27Vakomana vakakura, uye Esau akava mudzimba akachenjera, murume wesango, asi Jakobho akanga ari murume akanyarara, achigara pakati pamatende. 28Sezvo Isaka aifarira nyama yemhuka, aida Esau, asi Rabheka aida Jakobho.</div><div class="p"> 29Rimwe zuva Jakobho paakanga achibika zvokudya, Esau akasvikopinda achibva kusango, aziya nenzara! 30Akati kuna Jakobho, &#8220;Dokurumidzawozve, undipewo zvimwe zvokudya zvakatsvukira izvo ndidye! Ndava kuziya nenzara!&#8221; (Ndokusaka akatumidzwawo zita rokuti Edhomu).</div><div class="p"> 31Jakobho akapindura akati, &#8220;Tanga wanditengesera udangwe hwako.&#8221;</div><div class="p"> 32Esau akati, &#8220;Tarira, ndava kuda kufa ini. Ko, udangwe huchandibatsirei?&#8221;</div><div class="p"> 33Asi Jakobho akati, &#8220;Tanga wandipikira.&#8221; Saka akapika mhiko kwaari, achitengesa udangwe hwake kuna Jakobho.</div><div class="p"> 34Ipapo Jakobho akapa Esau chingwa nenyemba. Akadya uye akanwa, ipapo akasimuka akaenda.</div><div class="p">Saka Esau akazvidza udangwe hwake.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch26" data-usfm="GEN.26">
 <div class="label">26</div><div class="s1">Isaka naAbhimereki</div><div class="p"> 1Zvino munyika makanga mune nzara, isati iri nzara iya yakatanga kuvapo panguva yaAbhurahama, uye Isaka akaenda kuna Abhimereki mambo wavaFiristia muGerari. 2Jehovha akazviratidza kuna Isaka akati, &#8220;Usaburuka kuIjipiti; gara munyika yandinokuudza kuti ugare. 3Gara hako munyika ino kwechinguva, uye ndichava newe uye ndichakuropafadza. Nokuti kwauri nokuzvizvarwa zvako ndichapa nyika iyi yose uye ndichasimbisa mhiko yandakapika kuna baba vako Abhurahama. 4Ndichaita kuti zvizvarwa zvako zviwande senyeredzi dzokudenga uye ndichavapa nyika dzose idzi, uye kubudikidza navana vako ndudzi dzose dzapanyika dzicharopafadzwa, 5nokuti Abhurahama akanditeerera uye akachengeta zvaidikanwa neni, nemitemo yangu, zvirevo zvangu uye nemirayiro yangu.&#8221; 6Saka Isaka akagara muGerari.</div><div class="p"> 7Vanhu venyika iyo pavakamubvunza pamusoro pomukadzi wake, akati, &#8220;Ihanzvadzi yangu,&#8221; nokuti akanga achitya kuti, &#8220;Mukadzi wangu.&#8221; Akafunga mumwoyo make achiti, &#8220;Vanhu vomunyika muno vangandiuraye nokuda kwaRabheka, nokuti akanaka kwazvo.&#8221;</div><div class="p"> 8Isaka akati agara ikoko kwenguva refu, Abhimereki mambo wavaFiristia akatarira pasi napawindo akaona Isaka achitamba nomukadzi wake Rabheka. 9Saka Abhimereki akadana Isaka akati, &#8220;Mukadzi wako chaiye uyu! Seiko wakati, &#8216;Ihanzvadzi yangu&#8217;?&#8221;</div><div class="p">Isaka akapindura akati, &#8220;Nokuti ndakafunga kuti ndingafa nokuda kwake.&#8221;</div><div class="p"> 10Ipapo Abhimereki akati, &#8220;Chiiko ichi chawakaita kwatiri? Mumwe wavarume aigona kunge akavata nomukadzi wako, uye ungadai wakazouyisa mhosva pamusoro pedu.&#8221;</div><div class="p"> 11Saka Abhimereki akarayira vanhu vake vose achiti, &#8220;Ani naani anobata murume uyu kana mukadzi wake achaurayiwa zvirokwazvo.&#8221;</div><div class="p"> 12Isaka akadyara zviyo munyika uye mugore racho iroro akakohwa zvakapetwa kazana, nokuti Jehovha akamuropafadza. 13Murume uyu akava mupfumi, uye pfuma yake yakaramba ichiwanda kusvikira apfuma kwazvo. 14Akanga ana makwai mazhinji nemombe dzakawanda navaranda vakawanda zvokuti vaFiristia vakamuitira godo. 15Saka matsime ose akanga acherwa navaranda vababa vake panguva yababa vake Abhurahama, vaFiristia vakaadzivira, vachiazadza nevhu.</div><div class="p"> 16Ipapo Abhimereki akati kuna Isaka, &#8220;Ibva uende kure nesu; wanyanya kuva nesimba zvokutipfuura.&#8221;</div><div class="p"> 17Saka Isaka akabvapo akandodzika musasa muMupata weGera akagara ikoko. 18Isaka akacherazve matsime akanga acherwa panguva yababa vake Abhurahama, iwo akanga adzivirwa navaFiristia shure kwokufa kwaAbhurahama, uye akaapa mazita mamwe chetewo aakanga atumidzwa nababa vake.</div><div class="p"> 19Varanda vaIsaka vakachera muMupata vakawanamo tsime remvura yakanaka. 20Asi vafudzi veGerari vakakakavadzana navafudzi vaIsaka vachiti, &#8220;Mvura iyi ndeyedu!&#8221; Saka akatumidza tsime iro zita rokuti Eseki, nokuda kwokuti vakapesana naye. 21Ipapo vakacherazve rimwe tsime, asi vakakakavadzana pamusoro parowo; saka akaritumidza zita rokuti Sitima. 22Akaenderera mberi kubva ipapo akachera rimwe tsime, uye hapana munhu akazokakavadzana naye pamusoro paro. Akaritumidza zita rokuti Rehobhoti, achiti, &#8220;Zvino Jehovha azotipa nzvimbo uye tichawanda munyika.&#8221;</div><div class="p"> 23Kubva ipapo akaenda kuBheerishebha. 24Usiku ihwohwo Jehovha akazviratidza kwaari akati, &#8220;Ndini Mwari wababa vako Abhurahama. Usatya, nokuti ndinewe. Ndichakuropafadza uye ndichakurisa zvizvarwa zvako nokuda kwomuranda wangu Abhurahama.&#8221;</div><div class="p"> 25Isaka akavaka aritari ipapo akadana kuzita raJehovha. Akadzika tende rake ipapo uye pakare ipapo varanda vake vakachera tsime.</div><div class="p"> 26Zvichakadaro, Abhimereki akanga asvika kwaari achibva kuGerari, aina Ahuzati aiva mupamazano wake naPikori mukuru wavarwi vake. 27Isaka akavabvunza akati, &#8220;Mavingeiko kwandiri, sezvo makanga muri mhandu dzangu uye mukandidzinga?&#8221;</div><div class="p"> 28Vakamupindura vakati, &#8220;Takaona pachena kuti Jehovha akanga anewe; saka takati, &#8216;Panofanira kuva nechitenderano chemhiko pakati pedu,&#8217; pakati pedu newe. Ngatiite sungano newe 29yokuti iwe hauzotiitiri zvakaipa, sezvo isu tisina kukubata zvakaipa asi takaramba tichikuitira zvakanaka uye tikakuendesa norugare. Uye zvino waropafadzwa naJehovha.&#8221;</div><div class="p"> 30Ipapo Isaka akavaitira mutambo, vakadya, vakanwa. 31Mangwanani akatevera varume ava vakapikirana. Ipapo Isaka akavaendesa parwendo rwavo, vakamusiya murugare.</div><div class="p"> 32Musi iwoyo varanda vaIsaka vakauya vakamuudza nezvetsime ravakanga vachera. Vakati, &#8220;Tawana mvura!&#8221; 33Akaritumidza zita rokuti Shibha, uye kusvikira nhasi zita reguta richiri kunzi Bheerishebha.</div><div class="p"> 34Esau akati ava namakore makumi mana okuberekwa, akawana Judhisi mwanasikana waBheeri muHiti, uyewo Bhasemati mwanasikana waEroni muHiti. 35Ivava vakarwadzisa Isaka naRabheka.</div>
 </div>
 </div>
</div>

The Bible in 365 Days Reading PlanChikamu

Rugwaro

Zvinechekuita neHurongwa uhu