Kumira naMwari munguva yekuyedzwa nematambudziko

Munamato waTenzi

Humwechete

Hunhu weuMwari

Kutonga KwaMwari kwakarurama

Sarudzo dzine huMwari

Tsee: Kuona upenyu nomuono wokusingaperi

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s1">Mafashamu</div><div class="p"> 1Vanhu vakati vatanga kuwanda panyika uye vanasikana vakaberekwa kwavari, 2vanakomana vaMwari vakaona kuti vanasikana vavanhu vakanga vakanaka, uye vakazviwanira upi zvake wavakasarudza. 3Ipapo Jehovha akati, &#8220;Mweya wangu haungarambi uchigara mumunhu nokusingaperi, nokuti inyama; mazuva ake achava makore zana namakumi maviri.&#8221;</div><div class="p"> 4VaNefirimu vakanga vari panyika mumazuva iwayo, uyewo mushure maizvozvo, vanakomana vaMwari vakapinda kuvasikana vavanhu vakaita vana navo. Vakanga vari mhare dzakare, vanhu vaiva nomukurumbira.</div><div class="p"> 5Jehovha akaona kuti kuipa kwomunhu panyika kwakanga kuri kukuru sei, uye kuti ndangariro dzomwoyo wake dzakanga dzakaipa bedzi nguva dzose. 6Jehovha akazvidemba kuti akanga aita munhu panyika, uye mwoyo wake wakazara nokurwadziwa. 7Saka Jehovha akati, &#8220;Ndichabvisa vanhu pamusoro penyika ivo vanhu vandakaisa, vanhu nemhuka, nezvisikwa zvinokambaira pamusoro pevhu, neshiri dzedenga, nokuti ndinozvidemba kuti ndakazviita.&#8221; 8Asi Noa akawana nyasha pamberi paJehovha.</div><div class="b"></div><div class="p"> 9Iyi ndiyo rondedzero yezvaNoa.</div><div class="b"></div><div class="p">Noa akanga ari munhu akarurama, asina chaanopomerwa pakati pavanhu venguva yake, uye akafamba naMwari. 10Noa akanga ana vanakomana vatatu vaiti: Shemu, Hamu naJafeti.</div><div class="p"> 11Zvino nyika yakanga yaora pamberi paMwari uye yakanga yazara nokurwisana. 12Mwari akaona kuti nyika yakanga yaora sei, nokuti vanhu vose panyika vakanga vaodza nzira dzavo. 13Saka Mwari akati kuna Noa, &#8220;Ndava kuzoisa magumo kuvanhu vose, nokuti nyika yazara nokurwisana nokuda kwavo. Zvirokwazvo ndiri kuzovaparadza vose pamwe chete nenyika. 14Saka iwe zviitire areka yomuti womusipuresi; uite makamuri mukati mayo uye uiname nenamo mukati nokunze. 15Uku ndiko kuvaka kwaunofanira kuiita: Areka inofanira kureba makubhiti mazana matatu#6:15 mamita angaita 140, upamhi hwayo huve makubhiti makumi mashanu#6:15 mamita angaita 23 uye makubhiti makumi matatu#6:15 mamita angaita 13.5 pakukwirira kwayo. 16Uite windo uchipoteredza areka ugosiya kubhiti rimwe chete#6:16 0.5 yemita kumusoro. Uise mukova parutivi rweareka uye uite muturikidzwa wapasi, wapakati nowapamusoro. 17Ndichauyisa mvura yamafashamu pamusoro penyika kuti iparadze zvipenyu zvose pasi pedenga, zvisikwa zvose zvino upenyu mazviri. Zvinhu zvose zviri panyika zvichaparara. 18Asi ndichasimbisa sungano yangu newe, uye uchapinda muareka, iwe navanakomana vako uye nomukadzi wako uye navakadzi vavanakomana vako vari pauri. 19Unofanira kuisa muareka zviviri zviviri pazvisikwa zvipenyu zvose, chikono nechikadzi, kuti zvirarame pamwe chete newe. 20Zviviri zviviri kubva kumhando dzose dzeshiri, nokubva kumhando dzose dzemhuka nokuzvisikwa zvose zvinokambaira panyika, zvichauya kwauri kuti zvichengetwe zviri zvipenyu. 21Unofanira kutora zvokudya zvamarudzi ose zvinofanira kudyiwa ugozvichengeta kuti zvigova zvokudya zvako nezvazvo.&#8221;</div><div class="p"> 22Noa akaita zvose sezvaakanga arayirwa naMwari.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="p"> 1Ipapo Jehovha akati kuna Noa, &#8220;Pindai muareka iwe nemhuri yako yose nokuti ndakuona iwe kuti wakarurama murudzi urwu. 2Utore mhando dzemhuka dzose dzakanaka nomwe nomwe, mukono nehadzi yayo uye mbiri mbiri pamhando dzose dzemhuka dzisina kunaka, mukono nehadzi yayo, 3uyewo nomwe nomwe pamhando dzose dzeshiri, mukono nehadzi, kuti uraramise marudzi azvo akasiyana-siyana munyika yose. 4Mazuva manomwe kubva zvino ndichanayisa mvura panyika kwamazuva makumi mana nousiku makumi mana, uye ndichabvisa pamusoro penyika zvisikwa zvipenyu zvose zvandakaita.&#8221;</div><div class="p"> 5Uye Noa akaita zvose zvaakarayirwa naJehovha.</div><div class="p"> 6Noa akanga ava namakore mazana matanhatu okuberekwa panguva yakanaya mvura yamafashamu panyika. 7Uye Noa navanakomana vake nomukadzi wake navakadzi vavanakomana vake vakapinda muareka kuti vapunyuke pamvura yamafashamu. 8Zviviri zviviri zvemhuka dzakanaka nedzisina kunaka, zviviri zviviri zveshiri nezvezvisikwa zvose zvinokambaira panyika, 9mukono nehadzi, zvakauya kuna Noa ndokupinda muareka, sezvakanga zvarayirwa naMwari kuna Noa. 10Uye shure kwamazuva manomwe mvura yamafashamu yakasvika panyika.</div><div class="p"> 11Mugore ramazana matanhatu roupenyu hwaNoa, pazuva regumi namanomwe romwedzi wechipiri, pazuva iro zvitubu zvose zvapakadzika zvakatubuka, uye masuo amafashamu okudenga akazarurwa. 12Uye mvura yakanaya panyika kwamazuva makumi mana nousiku makumi mana.</div><div class="p"> 13Pazuva racho iroro, Noa navanakomana vake, Shemu, Hamu naJafeti, pamwe chete nomukadzi wake navakadzi vavanakomana vake vatatu, vakapinda muareka. 14Vakanga vane mhuka dzose dzesango namarudzi adzo, nezvipfuwo zvose namarudzi azvo neshiri dzose namarudzi adzo, nezvose zvina mapapiro. 15Zviviri zviviri pazvisikwa zvose zvino upenyu mazviri zvakauya kuna Noa zvikapinda muareka. 16Mhuka dzaipinda dzaiva mukono nehadzi pazvipenyu zvose, sezvakanga zvarayirwa Noa naMwari. Ipapo Jehovha akamupfigira mukati.</div><div class="p"> 17Mafashamu akaramba achingouya panyika kwamazuva makumi mana, uye mvura sezvayakaramba ichiwanda yakasimudza areka pamusoro-soro penyika. 18Mvura zhinji yakasimuka uye ikawanda zvikuru panyika, uye areka ikayangarara pamusoro pemvura. 19Yakakwira kwazvo pamusoro penyika, uye makomo ose marefu ari pasi pedenga akafukidzwa. 20Mvura zhinji yakasimuka ikafukidza makomo kusvikira pamakubhiti gumi namashanu#7:20 mamita angaita 6.9 kudzika kubva pamusoro pawo. 21Zvipenyu zvose zvinokambaira panyika zvakaparara, shiri, zvipfuwo, mhuka dzesango, zvisikwa zvose zvakafararira pamusoro penyika, namarudzi ose avanhu. 22Zvinhu zvose zvakanga zvino kufema kwoupenyu mumhino dzazvo panyika zvakafa. 23Zvinhu zvose zvipenyu zvaiva pamusoro penyika zvakaparadzwa, vanhu nemhuka, nezvisikwa zvinokambaira panyika neshiri dzedenga zvakaparadzwa kubva panyika. Noa bedzi ndiye akasiyiwa navaya vaiva naye muareka.</div><div class="p"> 24Mvura zhinji yakafukidza nyika kwamazuva makumi mashanu.</div>
 </div>
 </div>
</div>

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s1">Kushanya kwaVachenjeri</div><div class="p"> 1Mushure mokuberekwa kwaJesu muBheterehema reJudhea munguva yaMambo Herodhi, vachenjeri vaibva kumabvazuva vakasvika muJerusarema, 2uye vakabvunza vakati, &#8220;Aripiko uyo achangoberekwa anova mambo wavaJudha? Takaona nyeredzi yake kumabvazuva, uye tauya kuzomunamata.&#8221;</div><div class="p"> 3Mambo Herodhi akati achinzwa izvi, akatambudzika kwazvo pamwe chete neJerusarema rose. 4Kuzoti akokera pamwe chete vaprista navadzidzisi vomutemo, akavabvunza kwaizoberekerwa Kristu. 5Vakapindura vachiti, &#8220;MuBheterehema reJudhea nokuti izvi ndizvo zvakanyorwa nomuprofita achiti:</div><div class="q1"> 6&#8220;Asi iwe Bheterehema, munyika yeJudhea</div><div class="q2">hausi muduku pamadzimambo ose aJudha,</div><div class="q1">nokuti mauri muchabuda mutongi</div><div class="q2">uyo achava mufudzi wavanhu vangu vaIsraeri.&#8221;</div><div class="p"> 7Ipapo Herodhi akadana Vachenjeri pakavanda akavabvunzisisa nguva chaiyo yainge yaonekwa nyeredzi. 8Akavatuma kuBheterehema akati, &#8220;Endai mundotsvakisisa mwana uyu. Kana muchinge mamuwana, mugondizivisawo kuitira kuti neniwo ndigoenda kundomunamata.&#8221;</div><div class="p"> 9Mushure mokunge vanzwa zvainge zvataurwa naMambo, vakapfuurira mberi norwendo rwavo, uye nyeredzi yavakanga vaona kumabvazuva yakavatungamirira kusvikira yandomira panzvimbo paiva nomwana. 10Pavakaona nyeredzi, vakafara kwazvo. 11Vakati vasvika pamba apa, vakaona mwana namai vake Maria, uye vakakotamira pasi vakamunamata. Vakasunungura pfuma yavo vakapa zvipo zvegoridhe, nezvinonhuhwira nemura. 12Uye vakati vayambirwa mukurota kuti vasadzokera nokuna Herodhi, vakadzokera kwavo neimwe nzira.</div><div class="s1">Kutizira kuIjipiti</div><div class="p"> 13Zvino kuzoti vaenda, mutumwa waShe akazviratidza kuna Josefa mukurota, akati, &#8220;Kurumidza kutora mwana namai vake mutizire kuIjipiti. Mugareko kusvikira ndakuudzai, nokuti Herodhi achatsvaka mwana uyu kuti amuuraye.&#8221; 14Saka akabva amuka ndokutora mwana namai vake usiku akatizira kuIjipiti, 15kwaakandogara kusvikira Herodhi afa. Saizvozvo zvakazadziswa zvakanga zvataurwa naShe kubudikidza nomuprofita achiti, &#8220;Ndakadana mwanakomana wangu kubva kuIjipiti.&#8221;</div><div class="p"> 16Kuzoti Herodhi aziva kuti vachenjeri vaya vainge vamunzvenga, akashatirwa kwazvo, ndokubva arayira kuti vana vechikomana vose vaiva muBheterehema nomunzvimbo yakapoteredza vaiva namakore maviri zvichidzika vaurayiwe, maererano nenguva yaakanga audzwa naVachenjeri. 17Ipapo zvakarehwa kubudikidza nomuprofita Jeremia zvakazadziswa, zvinoti:</div><div class="q1"> 18&#8220;Inzwi rakanzwikwa muRama</div><div class="q2">rokuchema nokuungudza kukuru,</div><div class="q1">Rakeri achichema vana vake,</div><div class="q2">uye achiramba kunyaradzwa nokuti havachipo.&#8221;</div><div class="s1">Vanodzokera kuNazareta</div><div class="p"> 19Mushure mokufa kwaHerodhi, mutumwa waShe akazviratidza kuna Josefa muIjipiti mukurota 20akati, &#8220;Tora mwana namai vake mudzokere kunyika yeIsraeri nokuti vaya vaida kuuraya mwana vakafa.&#8221;</div><div class="p"> 21Saka akasimuka akatora mwana namai vake akaenda kunyika yeIsraeri. 22Asi paakanzwa kuti Akerasi akanga otonga muJudhea panzvimbo yababa vake Herodhi, akatya kuendako. Akati ayambirwa mukurota, akabva aenda kudunhu reGarirea, 23uye akaenda akandogara muguta rainzi Nazareta. Izvi zvakabva zvazadzisa zvakarehwa kubudikidza navaprofita zvichinzi, &#8220;Achanzi muNazareta.&#8221;</div>
 </div>
 </div>
</div>

Read the Bible in a YearChikamu

Rugwaro

Zvinechekuita neHurongwa uhu