Sarudzo dzine huMwari

Kumira naMwari munguva yekuyedzwa nematambudziko

Munamato waTenzi

Hunhu weuMwari

Zvibayiro Zvipenyu Kuna Mwari

Tsee: Kuona upenyu nomuono wokusingaperi

Tiri Vamwe Muna Kristu

Iva Mutsvene

Kukunda Nekurumbidza

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

Bhaibheri Dzvene MuChiShona Chanhasi

<div class="version vid32 iso6393sna" data-vid="32" data-iso6393="sna">
 <div class="book bkDAN">
 <div class="chapter ch1" data-usfm="DAN.1.1+DAN.1.2+DAN.1.3+DAN.1.4+DAN.1.5+DAN.1.6+DAN.1.7+DAN.1.8+DAN.1.9+DAN.1.10+DAN.1.11+DAN.1.12+DAN.1.13+DAN.1.14+DAN.1.15+DAN.1.16+DAN.1.17+DAN.1.18+DAN.1.19+DAN.1.20+DAN.1.21">
 <div class="p">1Mugore rechitatu rokutonga kwaJehoyakimi mambo weJudha, Nebhukadhinezari mambo weBhabhironi akasvika kuJerusarema ndokurikomba. 2Uye Ishe akaisa Jehoyakimi mambo weJudha muruoko rwake, pamwe chete nemimwe midziyo yaibva mutemberi yaMwari. Akatakura izvi akaenda nazvo kutemberi yamwari wake kuBhabhironi ndokuzviisa muimba yepfuma yamwari wake.</div><div class="p"> 3Ipapo mambo akarayira Ashipenazi, mukuru wavatariri veruvazhe, kuti apinze vamwe vavaIsraeri kubva mumhuri youshe nemhuri yemakurukota, 4majaya asina chinongo pamiviri yavo, vakanaka, vanoratidza njere padzidzo yose, vanokurumidza kunzwisisa, uye vakakodzera kushumira, mumuzinda wamambo. Aizovadzidzisa mutauro namagwaro avaBhabhironi. 5Mambo akarayira kuti vapiwe zvokudya zvezuva rimwe nerimwe newaini yaibva patafura yamambo. Vaifanira kudzidziswa kwamakore matatu, uye shure kwaizvozvo vaizopinda paushumiri hwamambo.</div><div class="p"> 6Pakati pavo paiva navamwe vaibva kuJudha vaiti: Dhanieri, Hanania, Mishaeri naAzaria. 7Vakuru vamachinda vakavatumidza mazita matsva sezvinotevera: Dhanieri vakamupa zita rokuti Bheriteshazari; Hanania akanzi Shadhireki; Mishaeri akanzi Meshaki; uye Azaria akanzi Abhedhinego.</div><div class="p"> 8Asi Dhanieri akazvisunga mumwoyo make kuti arege kuzvisvibisa nezvokudya zvamambo newaini yake, uye akakumbira mukuru wamachinda mvumo yokuti arege kuzvisvibisa nenzira iyi. 9Zvino Mwari akanga aita kuti muchinda aitire Dhanieri nyasha nengoni, 10asi muchinda akaudza Dhanieri kuti, &#8220;Ndinotya ishe wangu mambo, anova ndiye akarayira zvamunofanira kudya nokunwa. Achaonereiko zviso zvenyu zvakaonda kupfuura zvamamwe majaya ezera renyu? Mambo achaita kuti musoro wangu udimurwe nokuda kwenyu.&#8221;</div><div class="p"> 11Ipapo Dhanieri akati kumurindi akanga anzi nomubati mukuru achengete Dhanieri, Hanania, Mishaeri naAzaria, 12&#8220;Ndapota edzai henyu varanda venyu kwamazuva gumi. Regai henyu kutipa chimwe chinhu asi tipei muriwo tidye uye nemvura yokunwa chete. 13Ipapo mugoenzanisa zviso zvedu nezvamajaya anodya zvokudya zvamambo mugobata varanda venyu samaonero enyu.&#8221; 14Saka akatenda hake pane izvozvi ndokuvaedza kwamazuva gumi.</div><div class="p"> 15Mazuva gumi akati apera, ivo vakaratidza kuva noutano hwakagwinya uye nemiviri yakanaka kupinda majaya akadya zvokudya zvamambo. 16Saka murindi akabvisa zvokudya zvakasarudzika newaini yavaifanira kunwa ndokuvapa muriwo pachinzvimbo chazvo.</div><div class="p"> 17Mwari akapa majaya mana aya ruzivo nokunzwisisa kwemhando dzose dzamagwaro nedzidzo. Uye Dhanieri ainzwisisa zviratidzo nezviroto zvemhando dzose.</div><div class="p"> 18Mazuva akatarwa namambo kuti vapinde akati apera, mukuru wamachinda akavaisa kuna Nebhukadhinezari. 19Mambo akataura navo, uye akasawana mumwe zvake akanga akaenzana navanaDhanieri, Hanania, Mishaeri naAzaria; saka vakapinda kuti vandoshandira mambo. 20Pazvinhu zvose zvouchenjeri nokunzwisisa pamusoro pezvose zvaibvunzwa namambo, akavawana vachipfuura kagumi n&#700;anga dzose navanhu vose muumambo hwose.</div><div class="p"> 21Uye Dhanieri akagaramo kusvikira gore rokutonga raMambo Sirasi.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkDAN">
 <div class="chapter ch2" data-usfm="DAN.2.1+DAN.2.2+DAN.2.3+DAN.2.4+DAN.2.5+DAN.2.6+DAN.2.7+DAN.2.8+DAN.2.9+DAN.2.10+DAN.2.11+DAN.2.12+DAN.2.13+DAN.2.14+DAN.2.15+DAN.2.16+DAN.2.17+DAN.2.18+DAN.2.19+DAN.2.20+DAN.2.21+DAN.2.22+DAN.2.23+DAN.2.24+DAN.2.25+DAN.2.26+DAN.2.27+DAN.2.28+DAN.2.29+DAN.2.30+DAN.2.31+DAN.2.32+DAN.2.33+DAN.2.34+DAN.2.35+DAN.2.36+DAN.2.37+DAN.2.38+DAN.2.39+DAN.2.40+DAN.2.41+DAN.2.42+DAN.2.43+DAN.2.44+DAN.2.45+DAN.2.46+DAN.2.47+DAN.2.48+DAN.2.49">
 <div class="p">1Mugore rechipiri rokutonga kwake, Nebhukadhinezari akarota hope; pfungwa dzake dzikashushikana uye akashaya hope. 2Saka mambo akarayira n&#700;anga, navanofarira mazango, navaroyi, navafemberi vezvenyeredzi kuti vamuudze zvaakanga arota. Vakati vapinda vakamira pamberi pamambo, 3iye akati kwavari, &#8220;Ndakarota hope dzinonditambudza zvino ndinoda kuziva zvadzinoreva.&#8221;</div><div class="p"> 4Ipapo vachenjeri vezvenyeredzi vakapindura mambo norurimi rwavaAramu vachiti, &#8220;Haiwa mambo, raramai nokusingaperi! Udzai varanda venyu kurota kwenyu, isu tigodudzira.&#8221;</div><div class="p"> 5Mambo akapindura vachenjeri vezvenyeredzi achiti, &#8220;Izvi ndizvo zvandafunga chaizvoizvo: Kana imi mukasandiudza kuti kurota kwangu kwaiva kupi uye mukadudzira, ndichaita kuti mugurwe-gurwe uye dzimba dzenyu dziitwe mirwi yamarara. 6Asi kana mukandiudza zvandakarota mukazvidudzira, muchagamuchira zvipo nemibayiro nokukudzwa kukuru zvinobva kwandiri. Saka ndiudzei chiroto mugochidudzira kwandiri.&#8221;</div><div class="p"> 7Ivo vakapindurazve vachiti, &#8220;Mambo ngaaudze varanda vake chiroto, uye isu tichachidudzira.&#8221;</div><div class="p"> 8Ipapo mambo akapindura akati, &#8220;Ndinoziva kwazvo kuti imi munongoda kuwedzera nguva, nokuti munoziva kuti izvi ndizvo zvandatema: 9Kana musingandiudzi zvandarota, panongova nechirango chimwe chete. Imi makarangana kundiudza zvinhu zvinonyengera uye zvakaipa, muchifunga kuti zvinhu zvichashanduka. Saka zvino, ndiudzei zvandakarota, ndigoziva kuti muchagona kundidudzira chiroto.&#8221;</div><div class="p"> 10Vachenjeri vezvenyeredzi vakapindura mambo vachiti, &#8220;Hakuna munhu panyika angagona kuita zvinodiwa namambo! Hakuna mambo, kunyange mukuru kana ane simba, akambotsvaka chinhu chakadai kun&#700;anga ipi zvayo kana vaya vanoita zvamazango kana vachenjeri vezvenyeredzi. 11Zvinhu zvinodikanwa namambo zvakaoma kwazvo. Hakuna munhu angazvizivisa kuna mambo izvozvo kunze kwavamwari, uye vasingagari pakati pavanhu.&#8221;</div><div class="p"> 12Izvi zvakaita kuti mambo ashatirwe zvikuru uye akava nehasha zvokuti akarayira kuti vakachenjera vose veBhabhironi vaurayiwe. 13Saka chirevo chakapiwa kuti vachenjeri vaurayiwe, uye varume vakatumwa kundotsvaka Dhanieri neshamwari dzake kuti vaurayiwewo.</div><div class="p"> 14Arioki, mukuru wavarindi vamambo, akati abudisa kundouraya vachenjeri veBhabhironi, Dhanieri akataura kwaari nouchenjeri uye nokungwara. 15Akabvunza muchinda wamambo achiti, &#8220;Seiko mambo akatema chirevo chakadai?&#8221; Arioki akatsanangurira Dhanieri nyaya yacho. 16Nokudaro, Dhanieri akapinda kuna mambo akandokumbira nguva kwaari, kuitira kuti agomududzira chiroto chiya.</div><div class="p"> 17Ipapo Dhanieri akadzokera kumba kwake akandotsanangurira nyaya yacho kushamwari dzake vanaHanania, Mishaeri naAzaria. 18Akavakurudzira kuti vakumbire nyasha kubva kuna Mwari wokudenga pamusoro pechakavanzika ichi, kuitira kuti iye neshamwari dzake varege kuurayiwa pamwe chete navakachenjera veBhabhironi. 19Chakavanzika ichi chakazoratidzwa kuna Dhanieri usiku muchiratidzo. Ipapo Dhanieri akarumbidza Mwari wokudenga 20akati:</div><div class="q1">&#8220;Zita raMwari ngarirumbidzwe nokusingaperi-peri;</div><div class="q2">uchenjeri nesimba ndezvake.</div><div class="q1"> 21Anoshandura nguva nemwaka;</div><div class="q2">ndiye anogadza madzimambo uye ndiye anoabvisa.</div><div class="q1">Anopa uchenjeri kuna vakachenjera</div><div class="q2">nezivo kuna vanonzvera.</div><div class="q1"> 22Anozarura zvakadzika nezvakavanzika;</div><div class="q2">anoziva zviri murima,</div><div class="q2">uye chiedza chinogara maari.</div><div class="q1"> 23Ndinokuvongai uye ndinokurumbidzai, imi Mwari wamadzibaba angu:</div><div class="q2">Makandipa uchenjeri nesimba,</div><div class="q1">makandizivisa zvatakakumbira kwamuri,</div><div class="q2">makazivisa kwatiri kurota kwamambo.&#8221;</div><div class="s1">Dhanieri anodudzira Chiroto</div><div class="p"> 24Ipapo Dhanieri akaenda kuna Arioki, uya akanga agadzwa namambo kuti auraye varume vakachenjera veBhabhironi, akati kwaari, &#8220;Musauraya vachenjeri veBhabhironi. Ndiendesei kuna mambo, ndinomududzira zvaakarota.&#8221;</div><div class="p"> 25Arioki akaenda naDhanieri kuna mambo nokukurumidza uye akati kwaari, &#8220;Ndawana munhu pakati pavakatapwa vokwaJudha anogona kuudza mambo zvinoreva chiroto chavo.&#8221;</div><div class="p"> 26Mambo akabvunza Dhanieri (iye ainziwo Bheriteshazari), &#8220;Iwe unogona here kundiudza zvandakaona pakurota uye ugozvidudzira?&#8221;</div><div class="p"> 27Dhanieri akapindura akati, &#8220;Hakuna munhu akachenjera, kana wamazango, kana n&#700;anga kana mufemberi angagona kurondedzera kuna mambo chakavanzika chaanobvunza pamusoro pacho 28asi kudenga kuna Mwari anozivisa zvakavanzika. Iye akaratidza Mambo Nebhukadhinezari zvichaitika mumazuva anouya. Kurota kwenyu nezviratidzo zvakaratidzwa mundangariro dzenyu muvete pamubhedha ndezvizvi:</div><div class="p"> 29&#8220;Pamakanga muvete ipapo, imi mambo, pfungwa dzenyu dzakaenda kuzvinhu zvichauya, uye muzivisi wezvakavanzika akakuratidzai zvichaitika. 30Asi ini chakavanzika ichi chakaziviswa kwandiri, kwete nokuda kwokuti ndine njere huru kupfuura vamwe vanhu vanorarama asi kuti imi mambo, mugoziva dudziro uye kuti mugonzwisisa zvakapinda mundangariro dzenyu.</div><div class="p"> 31&#8220;Imi mambo, makatarira, uye ipapo pamberi penyu pakanga pamire chifananidzo, chakakura kwazvo, chaibwinya, chaityisa pakuonekwa kwacho. 32Musoro wechifananidzo ichi wakanga wakaitwa negoridhe rakanatswa, chipfuva chacho namaoko zvakanga zviri zvesirivha; dumbu racho nezvidyiro zvaiva zvendarira, 33makumbo acho akanga ari esimbi, tsoka dzacho dzaiti pamwe simbi pamwe ivhu. 34Muchakatarisa, makaona ibwe richivezwa, asi kwete namaoko omunhu. Rakarova chifananidzo patsoka dzacho dzesimbi nevhu ndokuzvipwanya. 35Ipapo simbi, ivhu, ndarira, sirivha, negoridhe zvakaputsanyiwa nenguva imwe cheteyo zvikaita sehundi iri paburiro panguva yechirimo. Mhepo yakazvikukura pakasava nechinhu chakasara. Asi ibwe riya rakarova chifananidzo rakazova gomo guru rikazadza nyika yose.</div><div class="p"> 36&#8220;Uku ndiko kwaiva kurota kwenyu, uye zvino tichakududzira kwamuri mambo. 37Imi mambo, muri mambo wamadzimambo. Mwari wokudenga akakupai ushe nesimba noukuru nokubwinya, 38akaisa marudzi avanhu mumaoko enyu nezvikara zvenyika neshiri dzedenga. Akakuitai mutongi pamusoro pazvo, pose pazvinogara. Ndimi musoro uya wegoridhe.</div><div class="p"> 39&#8220;Shure kwenyu, humwe umambo huchamuka, hudiki kuno hwenyu. Umambo hwechitatu huchatevera, umambo hwendarira, huchatonga pamusoro penyika yose. 40Pakupedzisira kuchava noushe hwechina, hwakasimba sesimbi, nokuti simbi inopwanya uye inoputsanya zvinhu zvose, uye sokuputsanya kunoita simbi zvinhu, saizvozvo huchapwanya uye hugoputsanya humwe hwose. 41Sezvamakaona kuti tsoka nezvigunwe zvakanga zvakavhenganiswa ivhu nesimbi, saizvozvo umambo uhu huchava hwakaganhurwa, asi huchava nerimwe simba resimbi mahuri, sezvamakaona simbi yakavhenganiswa nevhu. 42Sezvo zvigunwe zvakanga zvakati pamwe simbi pamwe ivhu, saizvozvo umambo uhu huchava hwakasimba kuno rumwe rutivi uye husina kusimba kuno rumwe rutivi. 43Uye sezvamakaona simbi yakavhenganiswa nevhu, saizvozvo vanhu vachavhengana uye havangarambi vakabatana, sezvinoita ivhu nesimbi zvakavhengana.</div><div class="p"> 44&#8220;Mumazuva amadzimambo ayo, Mwari wokudenga achagadza ushe husingazoparadzwi, uye hahungazombosiyirwi vamwe vanhu. Huchapwanya ushe hwose hugohugumisa, asi ihwo huchagara nokusingaperi. 45Izvi ndizvo zvinoreva chiratidzo chedombo rakavezwa pagomo, asi kwete namaoko omunhu, dombo rakaputsa simbi, ndarira, ivhu, sirivha negoridhe zvikati mwarara.</div><div class="p">&#8220;Mwari mukuru akaratidza mambo zvichaitika pamazuva anouya. Kurota uku ndokwechokwadi uye nedudziro yacho ndeyechokwadi.&#8221;</div><div class="p"> 46Ipapo mambo Nebhukadhinezari akawira pasi nechiso chake pamberi paDhanieri akamuremekedza akarayira kuti apiwe chipo nezvinonhuhwira. 47Mambo akati kuna Dhanieri, &#8220;Zvirokwazvo Mwari wako ndiMwari wavamwari naIshe wamadzimambo uye nomuzivisi wezvakavanzika, nokuti iwe wakagona kuzivisa chakavanzika ichi.&#8221;</div><div class="p"> 48Ipapo mambo akaisa Dhanieri pachinzvimbo chakakwirira akapa zvipo zvizhinji kwaari. Akamuita mutongi pamusoro penyika yose yeBhabhironi akamuita mukuru wavachenjeri vose. 49Pamusoro paizvozvo, Dhanieri akakumbira mambo kuti agadze vanaShadhireki, Meshaki naAbhedhinego kuti vave vatariri vamatunhu eBhabhironi, iye Dhanieri pachake achiramba ari paruvazhe rwamambo.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkDAN">
 <div class="chapter ch3" data-usfm="DAN.3.1+DAN.3.2+DAN.3.3+DAN.3.4+DAN.3.5+DAN.3.6+DAN.3.7+DAN.3.8+DAN.3.9+DAN.3.10+DAN.3.11+DAN.3.12+DAN.3.13+DAN.3.14+DAN.3.15+DAN.3.16+DAN.3.17+DAN.3.18+DAN.3.19+DAN.3.20+DAN.3.21+DAN.3.22+DAN.3.23+DAN.3.24+DAN.3.25+DAN.3.26+DAN.3.27+DAN.3.28+DAN.3.29+DAN.3.30">
 <div class="p">1Mambo Nebhukadhinezari akaita chifananidzo chegoridhe, chakanga chakareba makubhiti makumi matanhatu#3:1 mamita 27 uye makubhiti matanhatu#3:1 mamita angaita 2.7 paupamhi, akachimisa pabani reDhura munyika yeBhabhironi. 2Ipapo akadana machinda, varayiri, madzishe, vapi vamazano, vachengeti vepfuma, vatongi vedzimhosva vakuru, vatongi vedzimhosva vadiki navamwe vabati vose vamatunhu kuti vauye kuzokumikidza chifananidzo chaakanga amisa. 3Saka machinda, varayiri, madzishe, vapi vamazano, vachengeti vepfuma, vatongi, navatongi vedzimhosva navamwe vabati vose vamatunhu vakaungana kuti vakumikidze chifananidzo chakanga chamiswa naMambo Nebhukadhinezari, vakamira pamberi pacho.</div><div class="p"> 4Ipapo mushamarari akadanidzira zvikuru achiti, &#8220;Izvi ndizvo zvamunorayirwa kuti muite, imi vanhu, nemi ndudzi nemi vanhu vemitauro yose: 5Pamunongonzwa kurira kwehwamanda, nyere, mutopota, rudimbwa, mbira, mabhosvo nemhando dzose dzezviridzwa, munofanira kuwira pasi mugonamata chifananidzo chegoridhe chakamiswa naMambo Nebhukadhinezari. 6Ani naani asingawiri pasi achinamata achakandwa muvira romoto pakarepo.&#8221;</div><div class="p"> 7Naizvozvo, pavakangonzwa kurira kwehwamanda, nyere, mutopota, rudimbwa, mbira nemhando dzose dzezviridzwa, vanhu vose, nendudzi dzose navanhu vemitauro yose vakawira pasi ndokunamata chifananidzo chegoridhe chakanga chamiswa naMambo Nebhukadhinezari.</div><div class="p"> 8Panguva iyi vamwe voruzivo nezvenyeredzi vakauya pamberi vakatuka vaJudha. 9Vakati kuna Mambo Nebhukadhinezari, &#8220;Imi mambo, raramai nokusingaperi! 10Makatema chirevo imi mambo, kuti ani naani anonzwa kurira kwehwamanda, nenyere, nomutopota, norudimbwa, nembira namabhosvo uye nemhando dzose dzezviridzwa, anofanira kuwira pasi anamate chifananidzo chegoridhe, 11uye kuti ani naani asingawiri pasi akanamata achakandwa muvira romoto. 12Asi pane vamwe vaJudha vamakagadza pamusoro pamabasa enyika yeBhabhironi, Shadhireki, Meshaki naAbhedhinego, vasingatomboteereri imi mambo. Havamboshumiri vamwari venyu kana kunamata chifananidzo chegoridhe chamakamisa.&#8221;</div><div class="p"> 13Nebhukadhinezari azere nehasha, akarayira kuti Shadhireki, Meshaki naAbhedhinego vauye. Saka varume ava vakauyiswa pamberi pamambo, 14Nebhukadhinezari akati kwavari, &#8220;Ichokwadi here, imi vanaShadhireki, Meshaki naAbhedhinego, kuti hamusi kushumira vamwari vangu kana kunamata chifananidzo chegoridhe chandakamisa? 15Zvino pamunonzwa kurira kwehwamanda, nyere, mutopota, rudimbwa, mabhosvo nemhando dzose dzezviridzwa, kana mukagadzirira kuwira pasi, mukanamata chifananidzo chandakaita, zvakanaka hazvo. Asi kana musingachinamati, muchakandwa mumoto pakarepo. Zvino mwari achakurwirai muruoko rwangu ndoupiko?&#8221;</div><div class="p"> 16Shadhireki, Meshaki naAbhedhinego vakapindura mambo vakati, &#8220;Imi Nebhukadhinezari, isu hatifaniri kuzvirwira pamberi penyu pamusoro penyaya iyi. 17Kana tikakandwa mumoto unopfuta, Mwari watinoshumira anogona kutiponesa pauri, uye achatirwira paruoko rwenyu, imi mambo. 18Asi kunyange dai akasatirwira, tinoda kuti muzive, imi mambo, kuti hatizoshumiri vamwari venyu kana kunamata chifananidzo chegoridhe chamakamisa.&#8221;</div><div class="p"> 19Ipapo Nebhukadhinezari akashatirwa nokuda kwaShadhireki, Meshaki naAbhedhinego, chiso chake chikavashandukira. Akarayira kuti vira romoto riveserwe moto unopisa kwazvo kukunda unosiveserwamo kanomwe. 20Uye akarayira vamwe vavarwi vehondo yake vakasimba kwazvo kuti vasunge Shadhireki naMeshaki naAbhedhinego vavakande mumoto uyu waipfuta kwazvo. 21Saka varume ava, vakapfeka nguo dzavo, namabhurugwa avo, nenguwani dzavo nedzimwe hembe, vakasungwa ndokukandwa mumoto waipfuta kwazvo. 22Kurayira kwamambo kwakava nechimbi chimbi kwazvo uye choto chaipisa kwazvo zvokuti moto wakauraya varwi vakakanda Shadhireki, Meshaki naAbhedhinego, 23uye varume vatatu ava vakasungwa zvakasimba, vakawira mumoto unopfuta kwazvo.</div><div class="p"> 24Ipapo Mambo Nebhukadhinezari akasvetuka achishamisika kwazvo ndokubvunza vanamupamazano vake achiti, &#8220;Ko, havasi varume vatatu vatasunga tikakanda mumoto here?&#8221;</div><div class="p">Vakamupindura vachiti, &#8220;Ndizvozvo mambo.&#8221;</div><div class="p"> 25Iye akati, &#8220;Tarirai! Ndiri kuona vanhu vana vachifamba-famba mumoto, vasina kusungwa uye vasina kutsva, uye wechina anoratidzika somwanakomana wavamwari.&#8221;</div><div class="p"> 26Ipapo Nebhukadhinezari akaswedera kumuromo wechoto chomoto waipfuta kwazvo akadanidzira akati, &#8220;Shadhireki, newe Meshaki naAbhedhinego, imi varanda vaMwari Wokumusoro-soro, budai. Uyai pano!&#8221;</div><div class="p">Saka Shadhireki, Meshaki naAbhedhinego vakabuda mumoto, 27uye machinda, varayiri, vabati navanamupamazano vamambo vakavaunganira. Vakaona kuti moto wakanga usina kumbokuvadza miviri yavo, uye nebvudzi remisoro yavo harina kumbotsva; uye nguo dzavo hadzina kutsva, uye pakanga pasina kunhuhwa kwomoto pavari.</div><div class="p"> 28Ipapo Nebhukadhinezari akati, &#8220;Mwari waShadhireki naMeshaki naAbhedhinego ngaarumbidzwe, iye akatuma mutumwa wake kuzorwira varanda vake! Ivo vakavimba naye vakazvidza murayiro wamambo uye vakazvipira kurasikirwa noupenyu hwavo pano kuti vashumire kana kunamata vamwari vapi zvavo kunze kwaMwari wavo. 29Naizvozvo ndinotema kuti vanhu vorudzi rupi kana mutauro upi zvawo vanotaura chinhu chipi zvacho chinopesana naMwari waShadhireki naMeshaki naAbhedhinego vatemwe-temwe uye dzimba dzavo dziitwe madurunhuru amarara, nokuti hakuna mumwe mwari angaponesa nenzira iyi.&#8221;</div><div class="p"> 30Ipapo mambo akasimudzira Shadhireki, Meshaki naAbhedhinego munyika yeBhabhironi.</div>
 </div>
 </div>
</div>

Daniel P2: Serving Only GodChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Sarudzo dzine huMwari

Kumira naMwari munguva yekuyedzwa nematambudziko

Munamato waTenzi

Hunhu weuMwari

Zvibayiro Zvipenyu Kuna Mwari

Tsee: Kuona upenyu nomuono wokusingaperi

Hunhu weuMwari

Tiri Vamwe Muna Kristu

Iva Mutsvene

Kukunda Nekurumbidza