Munamato waTenzi

Kumira naMwari munguva yekuyedzwa nematambudziko

Hunhu weuMwari

Sarudzo dzine huMwari

Kutonga KwaMwari kwakarurama

Humwechete

Tsee: Kuona upenyu nomuono wokusingaperi

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkMRK">
 <div class="chapter ch10" data-usfm="MRK.10">
 <div class="label">10</div><div class="s1">Kurambana</div><div class="p"> 1Uye Jesu akabva panzvimbo iyoyo akaenda munyika yeJudhea uye akayambuka mhiri kweJorodhani. Vanhu vazhinji vakauyazve kwaari, uye sezvayakanga iri tsika yake, akavadzidzisa.</div><div class="p"> 2Vamwe vaFarisi vakauya vakamuedza nokumubvunza vachiti, &#8220;Zvinotenderwa here kuti munhu arambe mukadzi wake?&#8221;</div><div class="p"> 3Iye akati, &#8220;Mozisi akakurayirai kuti kudiniko?&#8221;</div><div class="p"> 4Ivo vakati, &#8220;Mozisi akatendera murume kuti anyore tsamba yokurambana uye agomuendesa.&#8221;</div><div class="p"> 5Jesu akapindura akati, &#8220;Nokuti mwoyo yenyu yakanga iri mikukutu, Mozisi akakunyorerai murayiro uyu. 6Asi kubvira kumavambo okusikwa kwezvinhu, Mwari &#8216;akavaita murume nomukadzi.&#8217; 7Nokuda kwaizvozvi, murume achasiya baba vake namai vake uye agonamatira kumukadzi wake, 8uye vaviri ava vachava nyama imwe. Saka havachisiri vaviri, asi nyama imwe. 9Naizvozvo izvo zvabatanidzwa naMwari, munhu ngaarege kuzviparadzanisa.&#8221;</div><div class="p"> 10Vakati vapindazve mumba, vadzidzi vakabvunza Jesu pamusoro paizvozvi. 11Akapindura akati, &#8220;Ani naani anoramba mukadzi wake uye akawana mumwe mukadzi, ava kuita upombwe naye. 12Uye kana iye akarambawo murume wake uye akawanikwa nomumwe murume, anoita upombwe naye.&#8221;</div><div class="s1">Jesu naVana Vaduku</div><div class="p"> 13Vanhu vakanga vachiuya navana vaduku kuna Jesu kuti avabate, asi vadzidzi vakavatsiura. 14Jesu paakazviona, akatsamwa. Akati kwavari, &#8220;Regai vana vaduku vauye kwandiri, uye musavadzivisa, nokuti umambo hwaMwari ndohwavakadai. 15Ndinokuudzai chokwadi, ani naani asingagamuchiri umambo hwaMwari somwana muduku haangatongopindi mahuri.&#8221; 16Ipapo akatora vana akavafungatira mumaoko ake, akaisa maoko ake pamusoro pavo akavaropafadza.</div><div class="s1">Jaya Mupfumi</div><div class="p"> 17Jesu akati achifamba munzira, mumwe murume akamhanyira kwaari akawira pasi namabvi ake pamberi pake. Akabvunza akati, &#8220;Mudzidzisi akanaka, ndinofanira kuiteiko kuti ndigare nhaka youpenyu husingaperi?&#8221;</div><div class="p"> 18Jesu akapindura akati, &#8220;Unondiidzireiko akanaka? Hakuna munhu akanaka kunze kwaMwari oga. 19Mirayiro unoiziva here inoti: &#8216;Usauraya, usaita upombwe, usaba, usapupura nhema, usanyengera, kudza baba vako namai vako.&#8217;&#8198;&#8221;</div><div class="p"> 20Iye akati, &#8220;Mudzidzisi, izvi zvose ndakazvichengeta kubvira ndichiri mukomana.&#8221;</div><div class="p"> 21Jesu akamutarira uye akamuda, akati kwaari, &#8220;Unoshayiwa chinhu chimwe chete. Enda undotengesa zvinhu zvose zvaunazvo upe kuvarombo, ugova nepfuma kudenga. Ipapo ugouya, unditevere.&#8221;</div><div class="p"> 22Anzwa izvi akasuwa kwazvo. Akaenda akasuwa, nokuti akanga ane pfuma zhinji.</div><div class="p"> 23Jesu akatarira-tarira ndokuti kuvadzidzi vake, &#8220;Zvakaoma sei kuti mupfumi apinde muumambo hwaMwari!&#8221;</div><div class="p"> 24Vadzidzi vakashamiswa namashoko ake. Asi Jesu akatizve, &#8220;Vana, zvakaoma sei kupinda muumambo hwaMwari! 25Zviri nyore kuti ngamera ipinde napaburi retsono pano kuti mupfumi apinde muumambo hwaMwari.&#8221;</div><div class="p"> 26Vadzidzi vakanyanya kushamiswa, uye vakati pakati pavo, &#8220;Zvino ndianiko angaponeswa?&#8221;</div><div class="p"> 27Jesu akatarisa kwavari akati, &#8220;Kumunhu hazvigoneki, asi kwete naMwari; zvinhu zvose zvinogoneka kuna Mwari.&#8221;</div><div class="p"> 28Petro akati kwaari, &#8220;Isu takasiya zvinhu zvose kuti tikuteverei!&#8221;</div><div class="p"> 29Jesu akapindura akati, &#8220;Ndinokuudzai chokwadi, hakuna munhu akasiya musha, kana vanun&#700;una kana hanzvadzi kana mai kana baba kana vana kana minda nokuda kwangu uye nokuda kwevhangeri 30achakundikana kugamuchira zvakawanda kakapetwa kazana munguva ino (misha, vanun&#700;una, hanzvadzi, vanamai, vana neminda, uye pamwe chete naizvozvo, kutambudzika) uye panguva inouya, upenyu husingaperi. 31Asi vazhinji vanova vokutanga ndivo vachava vokupedzisira, uye vokupedzisira vachava vokutanga.&#8221;</div><div class="s1">Jesu Anotaurazve nezvoKufa Kwake</div><div class="p"> 32Vakanga vari munzira vachikwidza kuenda kuJerusarema, Jesu achivatungamirira, uye vadzidzi vakakatyamara, asi vaya vakanga vachitevera vakanga vachitya. Akatorazve vane gumi navaviri vari voga uye akavaudza zvaizoitika kwaari. 33Akati, &#8220;Tiri kuenda kuJerusarema, uye Mwanakomana woMunhu achapandukirwa agoiswa kuvaprista vakuru navadzidzisi vomurayiro. Vachamutongera rufu uye vachamuisa mumaoko eveDzimwe Ndudzi, 34avo vachamuseka uye vagomupfira mate, vachamurova uye vagomuuraya. Shure kwamazuva matatu, achamuka.&#8221;</div><div class="s1">Chikumbiro chaJakobho naJohani</div><div class="p"> 35Ipapo Jakobho naJohani vanakomana vaZebhedhi, vakauya kwaari, vakati, &#8220;Mudzidzisi, tinoda kuti mutiitire zvose zvose zvatinokumbira.&#8221;</div><div class="p"> 36Akavabvunza akati, &#8220;Munoda kuti ndikuitireiko?&#8221;</div><div class="p"> 37Vakapindura vakati, &#8220;Titenderei kuti mumwe wedu agare kuruoko rwenyu rworudyi uye mumwe kuruboshwe rwenyu mukubwinya kwenyu.&#8221;</div><div class="p"> 38Jesu akati, &#8220;Hamuzivi zvamunokumbira. Mungagona here kunwa mukombe wandinonwa kana kubhabhatidzwa norubhabhatidzo rwandinobhabhatidzwa narwo?&#8221;</div><div class="p"> 39Vakapindura vakati, &#8220;Tinogona.&#8221; Jesu akati, &#8220;Muchanwa mukombe wandinonwa uye muchabhabhatidzwa norubhabhatidzo rwandinobhabhatidzwa narwo, 40asi zvokugara kuruoko rwangu rworudyi kana kuruboshwe handisini ndinozvipa. Nzvimbo idzi ndedzavaya vakadzigadzirirwa.&#8221;</div><div class="p"> 41Vane gumi vakati vanzwa izvi, vakatsamwira Jakobho naJohani. 42Jesu akavadana pamwe chete akati, &#8220;Munoziva kuti vaya vanonzi vatongi neveDzimwe Ndudzi vanotonga pamusoro pavo, uye vabati vavo vakuru vanoshandisa simba pamusoro pavo. 43Hazvina kudaro pakati penyu. Pachinzvimbo chaizvozvo, ani naani anoda kuva mukuru pakati penyu anofanira kuva muranda wenyu, 44uye ani naani anoda kuva wokutanga anofanira kuva nhapwa yavose. 45Nokuti kunyange Mwanakomana woMunhu haana kuuya kuzoshumirwa, asi kuzoshumira uye nokupa upenyu hwake kuti huve rudzikinuro rwavazhinji.&#8221;</div><div class="s1">Bhatimeo Bofu Anosvinudzwa</div><div class="p"> 46Ipapo vakasvika kuJeriko. Jesu navadzidzi vake, pamwe chete navanhu vazhinji, vakati vobuda muguta, Bhatimeo, murume akanga ari bofu, (ndiye mwanakomana waTimeo), akanga agere parutivi penzira achipemha. 47Paakanzwa kuti akanga ari Jesu weNazareta, akatanga kudanidzira achiti, &#8220;Mwanakomana waDhavhidhi, ndinzwirei ngoni!&#8221;</div><div class="p"> 48Vazhinji vakamutsiura uye vakamutaurira kuti anyarare, asi akanyanyisa kudanidzira achiti, &#8220;Mwanakomana waDhavhidhi, ndinzwirei ngoni!&#8221;</div><div class="p"> 49Jesu akamira akati, &#8220;Mudanei.&#8221; Saka vakadana murume uya bofu vakati, &#8220;Tsunga mwoyo! Simuka! Anokudana.&#8221; 50Akakanda jasi rake parutivi, akakwakuka akauya kuna Jesu.</div><div class="p"> 51Jesu akamubvunza akati, &#8220;Unoda kuti ndikuitirei?&#8221;</div><div class="p">Murume uya bofu akati, &#8220;Rabhi, ndinoda kuona.&#8221;</div><div class="p"> 52Jesu akati, &#8220;Enda hako, kutenda kwako kwakuporesa.&#8221; Pakarepo meso ake akasvinudzwa uye akatevera Jesu munzira.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

Evhangeri yaMakoChikamu

Rugwaro

Zvinechekuita neHurongwa uhu