Kuwana Makomborero Nekuda Kwekuteerera

Fara Ugowa Nekutenda

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s1">Jesu Anozodzwa Mafuta paBhetani</div><div class="p"> 1Kwakati kwasara mazuva matanhatu kuti Pasika isvike, Jesu akasvika paBhetani, kuya kwaigara Razaro, uyo akanga amutswa naJesu kubva kuvakafa. 2Ipapo vakamubikira kudya kwamanheru. Marita akavashandira uye Razaro akanga ari pakati pavanhu vakanga vari patafura naye. 3Ipapo Maria akatora chinu chamafuta anonhuhwira enaridho, omutengo unokosha kwazvo; akaadururira patsoka dzaJesu akapukuta tsoka dzake nebvudzi rake. Uye imba yakazadzwa nokunhuhwira kwamafuta.</div><div class="p"> 4Asi mumwe wavadzidzi vake, Judhasi Iskarioti, uyo akanga achizomupandukira, akazviramba izvozvo akati, 5&#8220;Seiko mafuta aya asina kutengeswa uye mari yacho ikapiwa kuvarombo? Anga achikwana mubayiro wegore rose.&#8221; 6Haana kureva izvi nokuda kwokuti aiva nehanya navarombo, asi nokuti aiva mbavha; sezvo akanga ari mubati wehomwe, aimboba zvainge zvaiswa muhomwe yacho.</div><div class="p"> 7Jesu akapindura akati, &#8220;Muregei akadaro. Zvakanga zvakagadzirirwa kuti iye achengetere mafuta aya zuva rokuvigwa kwangu. 8Varombo munavo nguva dzose pakati penyu, asi ini hamuzorambi muneni.&#8221;</div><div class="p"> 9Zvichakadaro, vazhinji zhinji vechiJudha vakanzwa kuti Jesu akanga aripo vachibva vauya, kwete nokuda kwake bedzi asi kuti vazoonawo Razaro, waakanga amutsa kubva kuvakafa. 10Saka vaprista vakuru vakaronga kuurayawo naRazaro, 11nokuti nokuda kwake, vaJudha vazhinji vakanga vava kubva kwavari vachiisa kutenda kwavo kuna Jesu.</div><div class="s1">Jesu Anogamuchirwa muJerusarema</div><div class="p"> 12Zuva rakatevera ungano huru yavanhu vakanga vauya kuMutambo yakanzwa kuti Jesu akanga ari munzira achiuya kuJerusarema. 13Vakatora mapazi emichindwe vakaenda kundosangana naye, vachidanidzira vachiti:</div><div class="q1">&#8220;Hosana!</div><div class="b"></div><div class="q1">&#8220;Akaropafadzwa uyo anouya muzita raShe!</div><div class="b"></div><div class="q1">&#8220;Akaropafadzwa Mambo weIsraeri!&#8221;</div><div class="m"> 14Jesu akati awana mhuru yembongoro, akagara pamusoro payo, sezvazvakanyorwa zvichinzi:</div><div class="q1"> 15&#8220;Usatya iwe Mwanasikana weZioni;</div><div class="q2">tarira, mambo wako ari kuuya,</div><div class="q2">akagara pamusoro pemhuru yembongoro.&#8221;</div><div class="p"> 16Vadzidzi vake havana kuzvinzwisisa pakutanga. Vakazoyeuka shure kwokunge Jesu apinda mukubwinya kwake, kuti zvinhu izvi zvakanga zvakanyorwa pamusoro pake, uye kuti vakanga vaita izvozvo kwaari.</div><div class="p"> 17Zvino vanhu vazhinji vakanga vanaye paakadana Razaro kubva muguva uye akamumutsa kubva kuvakafa vakaramba vachiparadzira shoko iri. 18Vanhu vazhinji vakabuda kundosangana naye nokuda kwokuti vakanga vanzwa kuti akanga aita chiratidzo ichi. 19Saka vaFarisi vakataurirana vakati, &#8220;Onai, hakuna kwatinosvika nazvo izvi. Tarirai kuti nyika inomutevera sei!&#8221;</div><div class="s1">Jesu Anoprofita pamusoro poKufa Kwake</div><div class="p"> 20Zvino kwakanga kuna vamwe vaGiriki pakati paavo vakanga vakwidza kuMutambo kundonamata. 21Vakauya kuna Firipi, uyo akanga achibva kuBhetisaidha muGarirea, vaine chikumbiro. Vakati, &#8220;Ishe, tinoda kuona Jesu.&#8221; 22Firipi akaenda kundoudza Andirea; Andirea naFiripi vakazoudzawo Jesu.</div><div class="p"> 23Jesu akapindura akati, &#8220;Nguva yasvika yokuti Mwanakomana woMunhu akudzwe. 24Ndinokuudzai chokwadi, kana tsanga yegorosi ikasawira muvhu ikafa, inongoramba ichingova yoga. Asi kana ikafa, inobereka mbeu dzakawanda. 25Munhu anoda upenyu hwake acharasikirwa nahwo, asi munhu anovenga upenyu hwake munyika ino achahuchengetera upenyu husingaperi. 26Ani naani anondishandira anofanira kunditevera; uye pandinenge ndiri, muranda wangu achavapowo ipapo. Baba vangu vachakudza munhu uyo anondishandira.</div><div class="p"> 27&#8220;Zvino mwoyo wangu uri kurwadziwa, uye ndichati kudiniko? &#8216;Baba, ndiponesei kubva panguva ino?&#8217; Kwete, ndizvo zvandakauyira panguva ino. 28Baba, kudzai zita renyu!&#8221;</div><div class="p">Ipapo inzwi rakabva kudenga richiti, &#8220;Ndatorikudza, uye ndicharikudzazve.&#8221; 29Vanhu vazhinji vaivapo uye vakarinzwa vakati kwatinhira; vamwe vakati mutumwa ataura kwaari.</div><div class="p"> 30Jesu akati, &#8220;Inzwi iri harina kuuya nokuda kwangu, asi nokuda kwenyu. 31Zvino ndiyo nguva yokutongwa kwenyika ino; zvino muchinda wenyika ino achadzingwa. 32Asi ini, pandinenge ndasimudzwa kubva panyika ino, ndichakwevera vanhu vose kwandiri.&#8221; 33Akareva izvi kuti aratidze mafiro aaizoita.</div><div class="p"> 34Vanhu vazhinji vakati, &#8220;Isu takanzwa kubva paMurayiro kuti Kristu achagara nokusingaperi, saka sei muchiti, &#8216;Mwanakomana anofanira kusimudzwa&#8217;? Ndianiko uyu &#8216;Mwanakomana woMunhu&#8217;?&#8221;</div><div class="p"> 35Ipapo Jesu akati kwavari, &#8220;Muchava nechiedza kwechinguva chiduku. Fambai muchine chiedza, rima risati rasvika. Munhu anofamba murima haazivi kwaanoenda. 36Vimbai nechiedza muchinacho, kuti mugova vanakomana vechiedza.&#8221; Akati apedza kutaura zvinhu izvi, Jesu akabvapo akazvivanza kwavari.</div><div class="s1">VaJudha vanoramba vari pakusatenda kwavo</div><div class="p"> 37Kunyange zvazvo Jesu akaita zviratidzo zvose izvi pamberi pavo, havana kutongomutenda. 38Uku kwaiva kuzadziswa kweshoko raIsaya muprofita raakareva achiti:</div><div class="q1">&#8220;Ishe, ndianiko akatenda shoko redu,</div><div class="q2">uye ruoko rwaShe rwakaratidzwa kuna aniko?&#8221;</div><div class="p"> 39Nokuda kwaizvozvo havana kugona kutenda nokuti, pane imwe nzvimbo, Isaya anoti:</div><div class="q1"> 40&#8220;Akapofumadza meso avo</div><div class="q2">uye akaomesa mwoyo yavo,</div><div class="q1">kuti varege kuona nameso avo,</div><div class="q2">varege kunzwisisa nemwoyo yavo,</div><div class="q2">varege kudzoka ndigovaporesa.&#8221;</div><div class="m"> 41Isaya akataura izvi nokuti akaona kubwinya kwaJesu uye akataura nezvake.</div><div class="p"> 42Asi nenguva imwe cheteyo kunyange vazhinji pakati pavatungamiri vakamutenda. Asi nokuda kwavaFarisi, havana kupupura kutenda kwavo nokuti vaitya kudzingwa musinagoge; 43nokuti vaida kukudzwa kunobva kuvanhu kupfuura kukudzwa kunobva kuna Mwari.</div><div class="p"> 44Ipapo Jesu akadanidzira akati, &#8220;Munhu anenge achitenda kwandiri, haatendi kwandiri bedzi, asiwo nokuna iye akandituma. 45Paanonditarisa, anoona iye akandituma. 46Ndakauya panyika sechiedza, kuti kurege kuva nomunhu anotenda mandiri angagara murima.</div><div class="p"> 47&#8220;Kana pane munhu zvake anonzwa mashoko angu, asi akasaachengeta, ini handimutongi. Nokuti handina kuuya kuzotonga nyika, asi kuzoiponesa. 48Pano mutongi achatonga munhu anondiramba uye asingagamuchiri mashoko angu; shoko riya chairo randakataura ndiro richamutonga pazuva rokupedzisira. 49Nokuti handina kungozvipupurira pachangu, asi Baba vakandituma ndivo vakandirayira zvokutaura namatauriro acho. 50Ndinoziva kuti murayiro wavo unotungamirira kuupenyu husingaperi. Saka zvose zvandinoreva ndizvo chaizvo zvandakanzi nditaure naBaba.&#8221;</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

Evhangeri yaJohwaniChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Kuwana Makomborero Nekuda Kwekuteerera

Fara Ugowa Nekutenda