Kuropafadzwa Kwakapfuurisa

Kuratidza Simba Rekutenda

Zvibatanidze Kuchitubu Cheupenyu

HATISIIWE TIRI TEGA

Kuziva Mwari Anogara Nekusingaperi

Makaponeswa Nenyasha

Murwi Wechikristu

Kushingirira Chinangwa

Vadzidzi vaJesu

Kuona Nyasha Dzamwari Muvamwe Vanhu

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

Bhaibheri Dzvene MuChiShona Chanhasi

<div class="version vid32 iso6393sna" data-vid="32" data-iso6393="sna">
 <div class="book bkJHN">
 <div class="chapter ch4" data-usfm="JHN.4.1+JHN.4.2+JHN.4.3+JHN.4.4+JHN.4.5+JHN.4.6+JHN.4.7+JHN.4.8+JHN.4.9+JHN.4.10+JHN.4.11+JHN.4.12+JHN.4.13+JHN.4.14+JHN.4.15+JHN.4.16+JHN.4.17+JHN.4.18+JHN.4.19+JHN.4.20+JHN.4.21+JHN.4.22+JHN.4.23+JHN.4.24+JHN.4.25+JHN.4.26+JHN.4.27+JHN.4.28+JHN.4.29+JHN.4.30+JHN.4.31+JHN.4.32+JHN.4.33+JHN.4.34+JHN.4.35+JHN.4.36+JHN.4.37+JHN.4.38+JHN.4.39+JHN.4.40+JHN.4.41+JHN.4.42">
 <div class="p">1VaFarisi vakanzwa kuti Jesu akanga achiteverwa navanhu vazhinji uye achibhabhatidza vadzidzi vakawanda kupfuura Johani, 2kunyange zvake akanga asiri Jesu aibhabhatidza, asi vadzidzi vake. 3Ishe akati anzwa izvi, akabva kuJudhea akadzokera kuGarirea zvakare.</div><div class="p"> 4Zvino akanga achifanira kupfuura nomuSamaria. 5Saka akasvika paguta romuSamaria rainzi Saika, pedyo nomunda wakanga wapiwa kuna Josefa nababa vake Jakobho. 6Tsime raJakobho raiva ipapo, uye Jesu, aneta sezvo akanga achibva parwendo, akagara pasi patsime ipapo. Yakanga iri nguva inenge yechitanhatu.</div><div class="p"> 7Mukadzi muSamaria akati auya kuzochera mvura, Jesu akati kwaari, &#8220;Ndipewo mvura yokunwa?&#8221; 8(Vadzidzi vake vakanga vapinda muguta kuti vandotenga zvokudya.)</div><div class="p"> 9Mukadzi muSamaria akati kwaari, &#8220;Iwe uri muJudha uye ini ndiri muSamaria. Seiko uchikumbira kwandiri mvura yokunwa?&#8221; (Nokuti vaJudha havadyidzani navaSamaria.)</div><div class="p"> 10Jesu akamupindura akati, &#8220;Dai waiziva chipo chaMwari uye kuti ndiani anokumbira mvura kwauri, ungadai wakumbira kwaari uye angadai akupa mvura mhenyu.&#8221;</div><div class="p"> 11Mukadzi akati, &#8220;Ishe, hamuna chamungacheresa nacho uye tsime rakadzika. Ko, mvura mhenyu mungaiwanepi? 12Ko, imi muri mukuru here, kuna baba vedu Jakobho, avo vakatipa tsime uye vakanwa pariri ivo pachavo, sezvakaitawo vanakomana vavo namakwai avo nemombe?&#8221;</div><div class="p"> 13Jesu akapindura akati, &#8220;Ani naani anonwa mvura iyi achava nenyotazve, 14asi ani naani anonwa mvura yandichamupa haangatongovi nenyota. Zvirokwazvo, mvura yandichamupa ini ichava maari chitubu chemvura inoerera kuupenyu husingaperi.&#8221;</div><div class="p"> 15Mukadzi akati kwaari, &#8220;Ishe, ndipei mvura iyi kuitira kuti ndirege kuzova nenyotazve uye ndirege kuramba ndichingouya kuzochera mvura pano.&#8221;</div><div class="p"> 16Iye akati, &#8220;Enda, undodana murume wako ugodzoka pano.&#8221;</div><div class="p"> 17Akapindura akati, &#8220;Handina murume.&#8221;</div><div class="p">Jesu akati kwaari, &#8220;Wareva zvakanaka pawati hauna murume. 18Chokwadi ndeichi, wakava navarume vashanu, uye murume waunaye zvino haazi murume wako. Zvawabva mukutaura ndicho chokwadi.&#8221;</div><div class="p"> 19Mukadzi akati, &#8220;Ishe, ndinoona kuti muri muprofita. 20Madzibaba edu ainamata pagomo iri, asi imi vaJudha munoti, nzvimbo yatinofanira kunamata tiri ndimo muJerusarema.&#8221;</div><div class="p"> 21Jesu akati, &#8220;Mai, nditendei, nguva inouya yamuchanamata Baba musiri pagomo rino kana muJerusarema. 22Imi vaSamaria munonamata chamusingazivi; isu tinonamata chatinoziva, nokuti ruponeso runobva kuvaJudha. 23Asi nguva inouya uye yatouya zvino apo vanamati vechokwadi vachanamata Baba mumweya nomuzvokwadi, nokuti ndivo vanamati vanotsvakwa naBaba kuti vamunamate. 24Mwari mweya, uye vanomunamata vanofanira kumunamata mumweya nomuzvokwadi.&#8221;</div><div class="p"> 25Mukadzi akati, &#8220;Ndinoziva kuti Mesiya, anonzi Kristu, ari kuuya. Paanouya, acharondedzera zvinhu zvose kwatiri.&#8221;</div><div class="p"> 26Ipapo Jesu akataura akati, &#8220;Ini ndiri kutaura newe ndini iye.&#8221;</div><div class="s1">Vadzidzi vanodzokerazve kuna Jesu</div><div class="p"> 27Pakarepo vadzidzi vake vakadzokera kwaari uye vakashamiswa vachiona achitaura nomukadzi. Asi hapana akamubvunza kuti, &#8220;Unodei?&#8221; kana kuti &#8220;Munotaurireiko naye?&#8221;</div><div class="p"> 28Ipapo, asiya chirongo chake, mukadzi akadzokera kuguta akandoti kuvanhu, 29&#8220;Uyai, muone murume anditaurira zvinhu zvose zvandakaita. Kuti uyu angava iye Kristu here?&#8221; 30Vakabuda muguta vakapinda munzira yavo vakananga kwaari.</div><div class="p"> 31Vanhu vasati vasvika, vadzidzi vake vakafanomukurudzira vachiti, &#8220;Rabhi, imbowanai chamungadya.&#8221;</div><div class="p"> 32Asi iye akati kwavari, &#8220;Ndine chokudya chandinodya chamusingazivi.&#8221;</div><div class="p"> 33Ipapo vadzidzi vake vakati kuno mumwe nomumwe wavo, &#8220;Asi pano munhu amuvigira zvokudya kanhi?&#8221;</div><div class="p"> 34Jesu akati kwavari, &#8220;Zvokudya zvangu ndiko kuita kuda kwowakandituma uye nokupedza basa rake. 35Ko, imi hamuti here, &#8216;Kwasara mwedzi mina ipapo kucheka kwobva kwasvika?&#8217; Ndinoti kwamuri, svinurai meso enyu uye mutarise kuminda! Yatoibva kuti ikohwewe. 36Kunyange iye zvino mukohwi anopiwa mubayiro wake, kunyange izvozvi anokohwa zvibereko zvoupenyu husingaperi, kuitira kuti mukushi nomukohwi vagofara pamwe chete. 37Nokuti tsumo inoti, &#8216;Mumwe anokusha uye mumwe anokohwa ndeyezvokwadi.&#8217; 38Ndakakutumai kunokohwa zvamusina kushandira. Vamwe vakaita basa rakaoma, uye imi makakohwa mubayiro wokubata kwavo.&#8221;</div><div class="s1">VaSamaria vazhinji vanotenda</div><div class="p"> 39VaSamaria vazhinji vaibva muguta iro vakatenda kwaari nokuda kwouchapupu hwomukadzi hwokuti, &#8220;Akanditaurira zvose zvandakaita.&#8221; 40Saka vaSamaria vakasvika kwaari, vakamukumbira kuti agare navo, nokudaro akagarapo kwamazuva maviri. 41Uye nokuda kwamashoko ake vamwezve vazhinji vakava vatendi.</div><div class="p"> 42Vakati kumukadzi uya, &#8220;Hatichatongotendi nokuda kwezvawataura chete; zvino tazvinzwira pachedu, uye tinoziva kuti murume uyu chokwadi ndiye Muponesi wenyika.&#8221;</div>
 </div>
 </div>
</div>

Beginning to Hear God's WordChikamu

Rugwaro

Zvinechekuita neHurongwa uhu

Zvirongwa zvakada kufanana neichi