Sarudzo dzine huMwari

Hunhu weuMwari

Kumira naMwari munguva yekuyedzwa nematambudziko

Tsee: Kuona upenyu nomuono wokusingaperi

Humwechete

Munamato waTenzi

Kutonga KwaMwari kwakarurama

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch26" data-usfm="GEN.26">
 <div class="label">26</div><div class="s1">Isaka naAbhimereki</div><div class="p"> 1Zvino munyika makanga mune nzara, isati iri nzara iya yakatanga kuvapo panguva yaAbhurahama, uye Isaka akaenda kuna Abhimereki mambo wavaFiristia muGerari. 2Jehovha akazviratidza kuna Isaka akati, &#8220;Usaburuka kuIjipiti; gara munyika yandinokuudza kuti ugare. 3Gara hako munyika ino kwechinguva, uye ndichava newe uye ndichakuropafadza. Nokuti kwauri nokuzvizvarwa zvako ndichapa nyika iyi yose uye ndichasimbisa mhiko yandakapika kuna baba vako Abhurahama. 4Ndichaita kuti zvizvarwa zvako zviwande senyeredzi dzokudenga uye ndichavapa nyika dzose idzi, uye kubudikidza navana vako ndudzi dzose dzapanyika dzicharopafadzwa, 5nokuti Abhurahama akanditeerera uye akachengeta zvaidikanwa neni, nemitemo yangu, zvirevo zvangu uye nemirayiro yangu.&#8221; 6Saka Isaka akagara muGerari.</div><div class="p"> 7Vanhu venyika iyo pavakamubvunza pamusoro pomukadzi wake, akati, &#8220;Ihanzvadzi yangu,&#8221; nokuti akanga achitya kuti, &#8220;Mukadzi wangu.&#8221; Akafunga mumwoyo make achiti, &#8220;Vanhu vomunyika muno vangandiuraye nokuda kwaRabheka, nokuti akanaka kwazvo.&#8221;</div><div class="p"> 8Isaka akati agara ikoko kwenguva refu, Abhimereki mambo wavaFiristia akatarira pasi napawindo akaona Isaka achitamba nomukadzi wake Rabheka. 9Saka Abhimereki akadana Isaka akati, &#8220;Mukadzi wako chaiye uyu! Seiko wakati, &#8216;Ihanzvadzi yangu&#8217;?&#8221;</div><div class="p">Isaka akapindura akati, &#8220;Nokuti ndakafunga kuti ndingafa nokuda kwake.&#8221;</div><div class="p"> 10Ipapo Abhimereki akati, &#8220;Chiiko ichi chawakaita kwatiri? Mumwe wavarume aigona kunge akavata nomukadzi wako, uye ungadai wakazouyisa mhosva pamusoro pedu.&#8221;</div><div class="p"> 11Saka Abhimereki akarayira vanhu vake vose achiti, &#8220;Ani naani anobata murume uyu kana mukadzi wake achaurayiwa zvirokwazvo.&#8221;</div><div class="p"> 12Isaka akadyara zviyo munyika uye mugore racho iroro akakohwa zvakapetwa kazana, nokuti Jehovha akamuropafadza. 13Murume uyu akava mupfumi, uye pfuma yake yakaramba ichiwanda kusvikira apfuma kwazvo. 14Akanga ana makwai mazhinji nemombe dzakawanda navaranda vakawanda zvokuti vaFiristia vakamuitira godo. 15Saka matsime ose akanga acherwa navaranda vababa vake panguva yababa vake Abhurahama, vaFiristia vakaadzivira, vachiazadza nevhu.</div><div class="p"> 16Ipapo Abhimereki akati kuna Isaka, &#8220;Ibva uende kure nesu; wanyanya kuva nesimba zvokutipfuura.&#8221;</div><div class="p"> 17Saka Isaka akabvapo akandodzika musasa muMupata weGera akagara ikoko. 18Isaka akacherazve matsime akanga acherwa panguva yababa vake Abhurahama, iwo akanga adzivirwa navaFiristia shure kwokufa kwaAbhurahama, uye akaapa mazita mamwe chetewo aakanga atumidzwa nababa vake.</div><div class="p"> 19Varanda vaIsaka vakachera muMupata vakawanamo tsime remvura yakanaka. 20Asi vafudzi veGerari vakakakavadzana navafudzi vaIsaka vachiti, &#8220;Mvura iyi ndeyedu!&#8221; Saka akatumidza tsime iro zita rokuti Eseki, nokuda kwokuti vakapesana naye. 21Ipapo vakacherazve rimwe tsime, asi vakakakavadzana pamusoro parowo; saka akaritumidza zita rokuti Sitima. 22Akaenderera mberi kubva ipapo akachera rimwe tsime, uye hapana munhu akazokakavadzana naye pamusoro paro. Akaritumidza zita rokuti Rehobhoti, achiti, &#8220;Zvino Jehovha azotipa nzvimbo uye tichawanda munyika.&#8221;</div><div class="p"> 23Kubva ipapo akaenda kuBheerishebha. 24Usiku ihwohwo Jehovha akazviratidza kwaari akati, &#8220;Ndini Mwari wababa vako Abhurahama. Usatya, nokuti ndinewe. Ndichakuropafadza uye ndichakurisa zvizvarwa zvako nokuda kwomuranda wangu Abhurahama.&#8221;</div><div class="p"> 25Isaka akavaka aritari ipapo akadana kuzita raJehovha. Akadzika tende rake ipapo uye pakare ipapo varanda vake vakachera tsime.</div><div class="p"> 26Zvichakadaro, Abhimereki akanga asvika kwaari achibva kuGerari, aina Ahuzati aiva mupamazano wake naPikori mukuru wavarwi vake. 27Isaka akavabvunza akati, &#8220;Mavingeiko kwandiri, sezvo makanga muri mhandu dzangu uye mukandidzinga?&#8221;</div><div class="p"> 28Vakamupindura vakati, &#8220;Takaona pachena kuti Jehovha akanga anewe; saka takati, &#8216;Panofanira kuva nechitenderano chemhiko pakati pedu,&#8217; pakati pedu newe. Ngatiite sungano newe 29yokuti iwe hauzotiitiri zvakaipa, sezvo isu tisina kukubata zvakaipa asi takaramba tichikuitira zvakanaka uye tikakuendesa norugare. Uye zvino waropafadzwa naJehovha.&#8221;</div><div class="p"> 30Ipapo Isaka akavaitira mutambo, vakadya, vakanwa. 31Mangwanani akatevera varume ava vakapikirana. Ipapo Isaka akavaendesa parwendo rwavo, vakamusiya murugare.</div><div class="p"> 32Musi iwoyo varanda vaIsaka vakauya vakamuudza nezvetsime ravakanga vachera. Vakati, &#8220;Tawana mvura!&#8221; 33Akaritumidza zita rokuti Shibha, uye kusvikira nhasi zita reguta richiri kunzi Bheerishebha.</div><div class="p"> 34Esau akati ava namakore makumi mana okuberekwa, akawana Judhisi mwanasikana waBheeri muHiti, uyewo Bhasemati mwanasikana waEroni muHiti. 35Ivava vakarwadzisa Isaka naRabheka.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch27" data-usfm="GEN.27">
 <div class="label">27</div><div class="s1">Jakobho anowana Maropafadzo aIsaka</div><div class="p"> 1Isaka akati akwegura uye meso ake akanga aneta zvokuti akanga asisaoni, akadana Esau mwanakomana wake mukuru akati kwaari, &#8220;Mwanakomana wangu.&#8221;</div><div class="p">Iye akapindura akati, &#8220;Ndiri pano.&#8221;</div><div class="p"> 2Isaka akati, &#8220;Zvino ndava murume mutana uye handizivi zuva rokufa kwangu. 3Naizvozvo zvino tora zvombo zvako, goba rako nouta ugoenda kusango kuti unondivhimirawo mhuka. 4Undigadzirire zvokudya zvinondinakira ugondivigira kuti ndidye, kuitira kuti ndikupe maropafadzo angu ndisati ndafa.&#8221;</div><div class="p"> 5Zvino Rabheka akanga akateerera Isaka paakanga achitaura nomwanakomana wake Esau. Esau akati aenda kusango kuti andovhima mhuka kuti agouya nayo, 6Rabheka akati kumwanakomana wake Jakobho, &#8220;Tarira, ndanzwa baba vako vachiti kumukoma wako Esau, 7&#8216;Ndivigirewo mhuka ugondigadzirira nyama inonaka kuti ndidye kuitira kuti ndigokupa maropafadzo angu ndisati ndafa.&#8217; 8Zvino, chinzwa mwanakomana wangu, nyatsoteerera uye uite zvandinokuudza. 9Enda kuzvipfuwo unondivigira mbudzana mbiri dzakaisvonaka, kuti ndigogadzirira baba vako nyama inonaka nenzira chaiyo yavanoda. 10Ipapo ugoitora uende nayo kuna baba vako kuti vadye, kuitira kuti vagokupa maropafadzo avo vasati vafa.&#8221;</div><div class="p"> 11Jakobho akati kuna Rabheka mai vake, &#8220;Asi mukoma wangu Esau munhu ane mvere, uye ini ndiri munhu ane ganda risina mvere. 12Ko, kana baba vangu vakandibata? Ndichava somunhu anovanyengera uye ndikazouyisa kutukwa pamusoro pangu pachinzvimbo chokuropafadzwa.&#8221;</div><div class="p"> 13Mai vake vakati kwaari, &#8220;Mwanakomana wangu, rega kutukwa kuuye pamusoro pangu. Iwe ita zvandinoreva; enda unonditorera idzo.&#8221;</div><div class="p"> 14Saka akaenda akandodzitora akauya nadzo kuna mai vake, uye vakagadzira nyama inonaka, nenzira chaiyo yaidikanwa nababa vake. 15Ipapo Rabheka akatora nguo dzakaisvonaka dzaEsau mwanakomana wake mukuru, dzaakanga anadzo mumba, akadzipfekedza mwanakomana wake muduku iye Jakobho. 16Akafukidzawo namatehwe embudzi, maoko ake uye nenzvimbo dzomutsipa wake dzakanga dzisina mvere. 17Ipapo akapa kumwanakomana wake Jakobho nyama inonaka nechingwa chaakanga abika.</div><div class="p"> 18Akaenda kuna baba vake akati, &#8220;Baba vangu.&#8221;</div><div class="p">Vakapindura vakati, &#8220;Ndiri pano mwana wangu. Ndianiko?&#8221;</div><div class="p"> 19Jakobho akati kuna baba vake, &#8220;Ndini Esau dangwe renyu. Ndaita sezvamandiudza. Ndapota, mukai mudye nyama yemhuka yangu kuitira kuti mundipe maropafadzo enyu.&#8221;</div><div class="p"> 20Isaka akabvunza mwanakomana wake akati, &#8220;Waiwana seiko nokukurumidza zvakadai, mwanakomana wangu?&#8221;</div><div class="p">Iye akapindura akati, &#8220;Jehovha Mwari wenyu aita kuti ndibudirire.&#8221;</div><div class="p"> 21Ipapo Isaka akati kuna Jakobho, &#8220;Swedera pedyo kuti ndikubate, mwana wangu, kuti ndizive kana uri Esau mwanakomana wangu chaiye kana kwete.&#8221;</div><div class="p"> 22Jakobho akaswedera kuna baba vake Isaka, iye akamubata akati, &#8220;Inzwi, inzwi raJakobho, asi maoko maoko aEsau.&#8221; 23Haana kugona kumuziva, nokuti maoko ake aiva nemvere dzakaita sedzomukoma wake Esau; saka akamuropafadza. 24Akati, &#8220;Ndiwe mwanakomana wangu Esau chaiye here?&#8221;</div><div class="p">Akapindura akati, &#8220;Ndini.&#8221;</div><div class="p"> 25Ipapo akati, &#8220;Mwanakomana wangu, ndipe nyama yako yemhuka ndidye, kuitira kuti ndikupe maropafadzo angu.&#8221;</div><div class="p">Jakobho akaiisa kwaari akadya; uye akauya newaini akanwa. 26Ipapo baba vake Isaka vakati kwaari, &#8220;Uya pano mwanakomana wangu unditsvode.&#8221;</div><div class="p"> 27Saka akaenda kwaari iye akamutsvoda. Isaka akati anzwa kunhuhwira kwenguo dzake akamuropafadza achiti,</div><div class="q1">&#8220;Haiwa kunhuhwira kwomwanakomana wangu</div><div class="q2">kwakaita sokunhuhwira kwesango</div><div class="q2">raropafadzwa naJehovha.</div><div class="q1"> 28Mwari ngaakupe dova rokudenga</div><div class="q2">noupfumi hwenyika,</div><div class="q2">zviyo zvakawanda newaini itsva.</div><div class="q1"> 29Ndudzi ngadzikushumire</div><div class="q2">uye marudzi akupfugamire.</div><div class="q1">Uve ishe wehama dzako,</div><div class="q2">uye vanakomana vamai vako vakupfugamire.</div><div class="q1">Vaya vanokutuka ngavatukwe</div><div class="q2">uye vaya vanokuropfadza ngavaropafadzwe.&#8221;</div><div class="p"> 30Shure kwokunge Isaka apedza kumuropafadza uye Jakobho achangobva pamberi pababa vake, mukoma wake Esau akasvika achibva kundovhima. 31Naiyewo akagadzira nyama inonaka akauya nayo kuna baba vake. Ipapo akati kwavari, &#8220;Baba vangu, mukai mudye nyama yangu yemhuka, kuti mugondipa maropafadzo.&#8221;</div><div class="p"> 32Baba vake Isaka vakamubvunza vakati, &#8220;Ndiwe aniko?&#8221;</div><div class="p">Akapindura akati, &#8220;Ndini Esau mwanakomana wenyu wedangwe.&#8221;</div><div class="p"> 33Isaka akadedera nehasha akati, &#8220;Ndianiko zvino, avhima mhuka akauya nayo kwandiri? Ndaidya iwe uchigere kusvika uye ndamuropafadza, uye zvirokwazvo acharopafadzwa!&#8221;</div><div class="p"> 34Esau akati anzwa mashoko ababa vake akaridza mhere nokuchema kukuru neshungu uye akati kuna baba vake, &#8220;Ndiropafadzei neniwo, baba vangu!&#8221;</div><div class="p"> 35Asi ivo vakati, &#8220;Munun&#700;una wako auya nokunyengera akatora maropafadzo ako.&#8221;</div><div class="p"> 36Esau akati, &#8220;Haana kutumidzwa zita chairo here rokuti Jakobho? Akandinyengera kaviri kose: Akatora udangwe hwangu, uye zvino atora maropafadzo angu!&#8221; Ipapo akabvunza akati, &#8220;Ko, hamuna kundichengeterawo kana ropafadzo here?&#8221;</div><div class="p"> 37Isaka akapindura Esau akati, &#8220;Ndamuita ishe wako uye ndakaita hama dzake dzose varanda vake, uye ndamusimbisa nezviyo newaini itsva. Saka chiiko chandichagona kukuitira mwana wangu?&#8221;</div><div class="p"> 38Esau akati kuna baba vake, &#8220;Munongova neropafadzo imwe chete here, baba vangu? Ndiropafadzeiwo, baba vangu!&#8221; Ipapo Esau akachema achiridza mhere.</div><div class="p"> 39Baba vake Isaka vakamupindura vakati,</div><div class="q1">&#8220;Ugaro hwako huchava</div><div class="q2">kure nepfuma yenyika,</div><div class="q2">kure nedova rokudenga kumusoro.</div><div class="q1"> 40Iwe uchararama nomunondo</div><div class="q2">uye uchashumira munun&#700;una wako.</div><div class="q1">Asi paunenge woshaya zororo</div><div class="q2">uchabvisa joko rake</div><div class="q2">kubva pamutsipa wako.&#8221;</div><div class="s1">Jakobho anotizira kuna Rabhani</div><div class="p"> 41Esau akavenga Jakobho nokuda kwokuropafadzwa kwaakapiwa nababa vake. Akati mumwoyo make, &#8220;Mazuva okuchema baba vangu ava pedyo; ipapo ndichauraya munun&#700;una wangu Jakobho.&#8221;</div><div class="p"> 42Rabheka akati audzwa zvakanga zvataurwa nomwanakomana wake mukuru Esau, akatuma munhu kuna Jakobho mwanakomana wake muduku akati kwaari, &#8220;Mukoma wako Esau ari kuzvinyaradza nepfungwa dzokuda kukuuraya. 43Naizvozvo zvino, mwanakomana wangu, chiita zvandinokuudza: Tiza izvozvi uende kuhanzvadzi yangu Rabhani kuHarani. 44Ugare naye kwechinguva kusvikira shungu dzomukoma wako dzaserera. 45Mukoma wako paachazenge asisina kukutsamwira uye akanganwa zvawakamuitira, ini ndichatuma shoko kwauri rokuti uchidzoka kubva ikoko. Ndorasikirwa nemi seiko muri vaviri zuva rimwe chete?&#8221;</div><div class="p"> 46Ipapo Rabheka akati kuna Isaka, &#8220;Ndinosemburwa noupenyu nokuda kwavakadzi vechiHiti ava. Kana Jakobho akatora mukadzi anobva pakati pavakadzi vechiHiti vakaita savava, kurarama kwangu hakungavi namaturo.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch28" data-usfm="GEN.28">
 <div class="label">28</div><div class="p"> 1Saka Isaka akadana Jakobho akamuropafadza uye akamurayira achiti, &#8220;Usawana mukadzi muKenani. 2Kurumidza uende kuPadhani Aramu kuimba yaBhetueri baba vamai vako. Uzvitorere mukadzi ikoko, kubva pakati pavanasikana vaRabhani, hanzvadzi yamai vako. 3Mwari Wamasimba Ose ngaakuropafadze uye aite kuti ubereke uye akuitei vazhinji kusvikira mava marudzi mazhinji. 4Ngaakupe iwe nezvizvarwa zvako maropafadzo akapiwa kuna Abhurahama, kuitira kuti utore nyika yaugere zvino somutorwa, nyika yakapiwa Abhurahama naMwari.&#8221; 5Ipapo Isaka akaendesa Jakobho, uye akaenda kuPadhani Aramu, kuna Rabhani mwanakomana waBhetueri muAramu, hanzvadzi yaRabheka, akanga ari mai vaJakobho naEsau.</div><div class="p"> 6Zvino Esau akaziva kuti Isaka akanga aropafadza Jakobho uye kuti akanga amuendesa kuPadhani Aramu kuti andotora mukadzi ikoko, uye kuti paakamuropafadza akamurayira achiti, &#8220;Usawana mukadzi muKenani,&#8221; 7uye kuti Jakobho akateerera baba namai vake akaenda kuPadhani Aramu. 8Ipapo Esau akaziva kuti vakadzi veKenani vakanga vasingafadzi sei Isaka baba vake; 9saka akaenda kuna Ishumaeri akandowana Maharati, hanzvadzi yaNebhayoti mwanasikana waIshumaeri mwanakomana waAbhurahama, kuwedzera pavakadzi vaakanga atova navo kare.</div><div class="s1">Chiroto chaJakobho paBheteri</div><div class="p"> 10Jakobho akabva paBheerishebha akaenda kuHarani. 11Akati asvika pane imwe nzvimbo, akavata ipapo usiku nokuti zuva rakanga ravira. Akatora rimwe ramatombo ipapo, akaritsamira akavata. 12Akarota achiona manera amire panyika, uye musoro wawo uchisvika kudenga, uye vatumwa vaMwari vaikwidza nokudzika nawo. 13Pamusoro pawo ipapo pakanga pamire Jehovha, uye akati, &#8220;Ndini Jehovha, Mwari wababa vako Abhurahama naMwari waIsaka. Ndichakupa iwe nezvizvarwa zvako nyika yauvete pairi. 14Zvizvarwa zvako zvichaita seguruva renyika, uye muchapararira kubva kumavirira kusvikira kumabvazuva, kumusoro nezasi. Marudzi ose apanyika acharopafadzwa kubudikidza navana vako. 15Ndinewe uye ndichakuchengeta kwose kwaunoenda, uye ndichakudzosazve munyika ino. Handingakusiyi kusvikira ndaita zvandakavimbisa.&#8221;</div><div class="p"> 16Jakobho akati apepuka pahope, akafunga akati, &#8220;Zvirokwazvo Jehovha ari panzvimbo ino, uye ndanga ndisingazvizivi.&#8221; 17Akanga achitya uye akati, &#8220;Nzvimbo ino inotyisa sei! Iyi imba chaiyo yaMwari; iri ndiro suo rokudenga.&#8221;</div><div class="p"> 18Mangwanani akatevera Jakobho akatora dombo raakanga akatsamira akarimisa sembiru akadururira mafuta pamusoro paro. 19Akatumidza nzvimbo iyi zita rokuti Bheteri, kunyange zvazvo guta iro raimbonzi Ruzi.</div><div class="p"> 20Ipapo Jakobho akaita mhiko, akati, &#8220;Kana Mwari akava neni uye akandichengeta parwendo urwu rwandiri kufamba uye akandipa zvokudya kuti ndidye nenguo dzokupfeka 21uye ndikadzoka zvakanaka kuimba yababa vangu, ipapo Jehovha achava Mwari wangu, 22uye dombo iri randamisa sembiru richava imba yaMwari, uye pane zvose zvamuchandipa ndichakupai chegumi.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch29" data-usfm="GEN.29">
 <div class="label">29</div><div class="s1">Jakobho anosvika muPadhani Aramu</div><div class="p"> 1Ipapo Jakobho akapfuurira mberi norwendo rwake akasvika kunyika yavanhu vokumabvazuva. 2Ikoko akaona tsime musango, namapoka matatu amakwai avete pedyo naro nokuti makwai ainwiswa patsime iroro. Ibwe rakanga riri pamuromo wetsime rakanga riri guru. 3Mapoka ose aiti aungana ipapo, vafudzi vaikungurutsa ibwe kubva pamuromo wetsime vachinwisa makwai avo. Ipapo vaizodzorera ibwe panzvimbo yaro, ipo pamuromo wetsime.</div><div class="p"> 4Jakobho akabvunza vafudzi akati, &#8220;Mabvepiko, hama dzangu?&#8221;</div><div class="p">Ivo vakapindura vakati, &#8220;Tabva kuHarani.&#8221;</div><div class="p"> 5Iye akati kwavari, &#8220;Munoziva Rabhani, muzukuru waNahori here?&#8221;</div><div class="p">Vakapindura vakati, &#8220;Hongu, tinomuziva.&#8221;</div><div class="p"> 6Ipapo Jakobho akavabvunza akati, &#8220;Anofara here?&#8221;</div><div class="p">Ivo vakati, &#8220;Hongu, anofara uye hoyo mwanasikana wake Rakeri ari kuuya namakwai.&#8221;</div><div class="p"> 7Iye akati, &#8220;Tarirai, achiri masikati haisati yava nguva yokuti makwai aunganidzwe. Nwisai makwai mugoadzosera kumafuro.&#8221;</div><div class="p"> 8Vakapindura vakati, &#8220;Hatigoni kudaro kusvikira mapoka ose aunganidzwa uye ibwe rakungurutswa kubva pamuromo wetsime. Ipapo ndipo patinozonwisa makwai.&#8221;</div><div class="p"> 9Paakanga achiri kutaura navo, Rakeri akasvika namakwai ababa vake, nokuti akanga ari mufudzikadzi. 10Jakobho akati achiona Rakeri mwanasikana waRabhani, hanzvadzi yamai vake, uye namakwai aRabhani, akaendapo akandokungurutsa ibwe kubva pamuromo wetsime ndokubva anwisa makwai asekuru vake. 11Ipapo Jakobho akatsvoda Rakeri akachema zvikuru. 12Uye akaudza Rakeri kuti iye akanga ari hama yababa vake uye ari mwanakomana waRabheka. Saka Rakeri akamhanya akandoudza baba vake.</div><div class="p"> 13Rabhani akati angoudzwa mashoko pamusoro paJakobho, mwanakomana wehanzvadzi yake, akakurumidza kundosangana naye. Akamumbundikira, akamutsvoda akamuuyisa kumba kwake, uye ipapo Jakobho akamuudza zvose izvi. 14Ipapo akati kwaari, &#8220;Iwe uri nyama yangu neropa rangu.&#8221;</div><div class="s1">Jakobho anowana Rea naRakeri</div><div class="p">Shure kwokugara kwake naye mwedzi wose, 15Rabhani akati kwaari, &#8220;Ungandishandira usingapuwi mubayiro nokuda kwokuti uri hama yangu here? Ndiudze kuti mubayiro wako unofanira kuva chii?&#8221;</div><div class="p"> 16Zvino Rabhani akanga ana vanasikana vaviri; zita romukuru rainzi Rea uye zita romuduku rainzi Rakeri. 17Rea akanga ana meso akaneta, asi Rakeri akanga ane chimiro chinoyevedza uye akanaka kwazvo. 18Jakobho aida Rakeri uye akati, &#8220;Ndichakushandirai kwamakore manomwe mugondipa Rakeri mwanasikana wenyu muduku.&#8221;</div><div class="p"> 19Rabhani akati, &#8220;Zviri nani kuti ndimupe kwauri pano kumupa kuno mumwewo murume. Chigara hako pano neni.&#8221; 20Saka Jakobho akashanda kwamakore manomwe kuti awane Rakeri, asi akaita samazuva mashoma chete kwaari nokuda kworudo rwake kwaari.</div><div class="p"> 21Ipapo Jakobho akati kuna Rabhani, &#8220;Ndipei mukadzi wangu. Nguva yangu yakwana uye ndinoda kuvata naye.&#8221;</div><div class="p"> 22Saka Rabhani akaunganidza pamwe chete vanhu vose venzvimbo iyo akaita mutambo. 23Asi akati ava madekwana, akatora mwanasikana wake Rea akamupa kuna Jakobho, Jakobho akavata naye. 24Uye Rabhani akapa Ziripa murandakadzi wake kumwanasikana wake kuti ave mushandi wake.</div><div class="p"> 25Kwakati kwaedza mangwanani wanei ndiRea! Saka Jakobho akati kuna Rabhani, &#8220;Chiiko ichi chamaita kwandiri? Ndakashandira Rakeri, hazvisirizvo here? Seiko mandinyengera?&#8221;</div><div class="p"> 26Rabhani akapindura akati, &#8220;Haisi tsika yedu kuno kuti mwanasikana muduku atange kuwanikwa mukuru achigere kuwanikwa. 27Pedzisa vhiki youmwenga yomwanasikana uyu; ipapo tichazokupawo muduku shure kwokushandira mamwe makore manomwe.&#8221;</div><div class="p"> 28Uye Jakobho akaita saizvozvo. Akapedza vhiki naRea, uye ipapo Rabhani akamupa mwanasikana wake Rakeri kuti ave mukadzi wake. 29Rabhani akapa murandakadzi wake Bhiriha kuna Rakeri kuti ave mushandi wake. 30Jakobho akavatawo naRakeri uye aida Rakeri kupfuura Rea. Uye akashandira Rabhani kwamamwe makore manomwe.</div><div class="s1">Vana vaJakobho</div><div class="p"> 31Jehovha akati aona kuti Rea akanga asingadikanwi, akazarura chizvaro chake, asi Rakeri akanga asingabereki. 32Rea akava nemimba akabereka mwanakomana. Akamutumidza zita rokuti Rubheni, nokuti akati, &#8220;Jehovha akaona kutambudzika kwangu. Zvirokwazvo murume wangu achandida zvino.&#8221;</div><div class="p"> 33Akabatazve pamwe pamuviri, uye akati abereka mwanakomana, akati, &#8220;Nokuti Jehovha akanzwa kuti handidikanwi, akandipa uyuzve.&#8221; Saka akamutumidza kuti Simeoni.</div><div class="p"> 34Akabatazve pamwe pamuviri uye akati abereka mwanakomana, akati, &#8220;Zvino pakupedzisira murume wangu achabatanidzwa neni, nokuti, ndamuberekera vanakomana vatatu.&#8221; Saka akamutumidza zita rokuti Revhi.</div><div class="p"> 35Akabatazve pamwe pamuviri uye paakabereka mwanakomana, akati, &#8220;Nguva ino ndicharumbidza Jehovha.&#8221; Saka akamutumidza zita rokuti Judha. Ipapo akaguma kubereka vana.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch30" data-usfm="GEN.30">
 <div class="label">30</div><div class="p"> 1Rakeri akati aona kuti akanga asingaberekeri Jakobho vana, akaitira mukoma wake godo. Saka akati kuna Jakobho, &#8220;Ndipe vana, kana zvikasadaro ndichafa!&#8221;</div><div class="p"> 2Jakobho akamutsamwira akati, &#8220;Ko, ini ndiri panzvimbo yaMwari here akakuita kuti urege kuva nevana?&#8221;</div><div class="p"> 3Ipapo akati, &#8220;Hoyu Bhiriha, murandakadzi wangu. Vata naye kuitira kuti andiberekere vana uye kuti kubudikidza naye neni ndigovawo nemhuri.&#8221;</div><div class="p"> 4Saka akamupa murandakadzi wake Bhiriha kuti ave mukadzi wake. Jakobho akavata naye, 5akava nemimba akamuberekera mwanakomana. 6Ipapo Rakeri akati, &#8220;Mwari andiruramisira; iye akanzwa mukumbiro wangu uye akandipa mwanakomana.&#8221; Nokuda kwaizvozvo akamutumidza zita rokuti Dhani.</div><div class="p"> 7Bhiriha murandakadzi waRakeri akavazve nemimba uye akaberekera Jakobho mwanakomana wechipiri. 8Ipapo Rakeri akati, &#8220;Ndakava nokurwa kukuru nomukoma wangu, ndikakunda.&#8221; Saka akamutumidza zita rokuti Nafutari.</div><div class="p"> 9Rea akati aona kuti aguma kubereka vana, akatora murandakadzi wake Ziripa akamupa kuna Jakobho somukadzi wake. 10Ziripa murandakadzi waRea akaberekera Jakobho mwanakomana. 11Ipapo Rea akati, &#8220;Makorokoto! Zvaita zvakanaka.&#8221; Saka akamutumidza zita rokuti Gadhi.</div><div class="p"> 12Ziripa murandakadzi waRea akaberekera Jakobho mwanakomana wechipiri. 13Ipapo Rea akati, &#8220;Mufaroi wandinawo! Vakadzi vachati mufaro kwandiri.&#8221; Saka akamutumidza zita rokuti Asheri.</div><div class="p"> 14Panguva yokuchekwa kwegorosi, Rubheni akabuda akaenda musango akandowana mamandiraki, akauya nawo kuna mai vake Rea, Rakeri akati kuna Rea, &#8220;Ndapota dondipawo mamwe mamandiraki omwanakomana wako.&#8221;</div><div class="p"> 15Asi iye akati kwaari, &#8220;Ko, hazvina kuringana here kuti wakanditorera murume wangu? Uchada kutorazve mamandiraki omwanakomana wangu here?&#8221;</div><div class="p">Rakeri akati, &#8220;Zvakanaka, ngaavate newe usiku huno nokuda kwamamandiraki omwanakomana wako.&#8221;</div><div class="p"> 16Saka Jakobho akati achisvika kubva kusango manheru iwayo, Rea akabuda kundomuchingamidza. Akati kwaari, &#8220;Unofanira kuvata neni iwe. Ndakutenga nemamandiraki omwanakomana wangu.&#8221; Saka akavata naye usiku ihwohwo.</div><div class="p"> 17Mwari akanzwa Rea, uye akava nemimba akaberekera Jakobho mwanakomana wechishanu. 18Ipapo Rea akati, &#8220;Mwari akandipa mubayiro nokuda kwokupa murandakadzi wangu kumurume wangu.&#8221; Saka akamutumidza zita rokuti Isakari.</div><div class="p"> 19Rea akabatazve pamuviri uye akaberekera Jakobho mwanakomana wechitanhatu. 20Ipapo Rea akati, &#8220;Mwari andipa chipo chinokosha. Nguva ino murume wangu achandikudza, nokuti ndamuberekera vanakomana vatanhatu.&#8221; Saka akamutumidza zita rokuti Zebhuruni.</div><div class="p"> 21Shure kwaizvozvo akazobereka mwanasikana uye akamutumidza zita rokuti Dhaina.</div><div class="p"> 22Ipapo Mwari akarangarira Rakeri; akamunzwa uye akazarura chizvaro chake. 23Akava nemimba akabereka mwanakomana uye akati, &#8220;Mwari abvisa kunyadziswa kwangu.&#8221; 24Akamutumidza zita rokuti Josefa, uye akati, &#8220;Mwari ngaandiwedzere mumwe mwanakomana.&#8221;</div><div class="s1">Zvipfuwo zvaJakobho zvinowanda</div><div class="p"> 25Shure kwokuberekwa kwaJosefa naRakeri, Jakobho akati kuna Rabhani, &#8220;Ndiregei ndiende kunyika yokwangu. 26Ndipei vakadzi vangu navana, avo vandakakushandirai kuti ndigowana, uye ndigoenda. Munoziva kuti ndakakushandirai sei.&#8221;</div><div class="p"> 27Asi Rabhani akati kwaari, &#8220;Kana ndawana nyasha pamberi pako, ndapota hangu imbogara. Ndakaona nokuvuka kuti Jehovha akandiropafadza nokuda kwako.&#8221; 28Akatizve, &#8220;Reva muripo wako, uye ndichakuripa.&#8221;</div><div class="p"> 29Jakobho akati kwaari, &#8220;Munoziva kuti ndakakushandirai sei uye kuti zvipfuwo zvenyu ndakazvichengeta sei. 30Zvishoma zvamaiva nazvo kare ndisati ndauya zvawanda, uye Jehovha akakuropafadzai kwose kwandakanga ndiri. Asi zvino, ndichaitirawo mhuri yangu chinhu riniko?&#8221;</div><div class="p"> 31Akamubvunza akati, &#8220;Ndokupeiko?&#8221;</div><div class="p">Jakobho akati, &#8220;Musandipa chinhu. Asi kana mukandiitira chinhu chimwe chete ichi, ndicharamba ndichifudza makwai enyu uye ndichaachengeta: 32Regai ndifambe pakati pezvipfuwo zvenyu zvose nhasi nditsaure pakati pazvo zvose zvina mavara namakwai ana makwapa, gwayana dema rimwe nerimwe nembudzi imwe neimwe ina mavara kana ina makwapa. Ndizvo zvichava mubayiro wangu. 33Uye kutendeka kwangu kuchandipupurira pane ramangwana rangu, pose pamunenge muchizoona mubayiro wangu wamakandipa. Mbudzi ipi zvayo yandinayo inenge isina mavara kana gwapa, kana gwayana ripi zvaro rinenge risina kusviba, zvichanzi zvakabiwa.&#8221;</div><div class="p"> 34Rabhani akati, &#8220;Ndizvozvo. Ngazvive sezvawataura.&#8221; 35Musi wacho iwoyo akatsaura nhongo dzose dzembudzi dzakanga dzine mitsetse kana dzaiva namakwapa, nenhunzvi dzose dzembudzi (dzose dzakanga dzine zvichena padziri) namakwayana matema ose, akazvichengetesa navanakomana vake. 36Ipapo akaisa nhambwe yorwendo rwamazuva matatu pakati pake naJakobho, asi Jakobho akaramba achifudza makwai akanga asara aRabhani.</div><div class="p"> 37Kunyange zvakadaro, Jakobho akatora matavi akatemwa kubva pamupopura, muarimondi nomuti womupureni uye akasvuura mitsetse michena pairi achibvisa gwati kuti kuchena kwedanda kwomukati kuonekwe. 38Ipapo akaisa matanda ose akasvuurwa muzvinwiro zvose, kuitira kuti ave mberi kwezvipfuwo pazvainge zvauya kuzonwa. Zvipfuwo zvapfumvura zvaiti pazvinenge zvauya kuzonwa mvura, 39zvaisangana pamberi pamatanda. Uye zvaibereka vana vane mitsetse kana vane mavara kana makwapa. 40Jakobho aitsaura mbudzana kana makwayana oga, asi aiita kuti akasara atarisane nezvipfuwo zvine mitsetse nezvipfuwo zvitema zvakanga zviri zvaRabhani. Nokudaro akaparadzanisa zvipfuwo zvake nezvaRabhani. 41Pose painge nhunzvi dzezvipfuwo zvine simba zvapfumvura, Jakobho aiisa matanda muzvinwiro pamberi pezvipfuwo kuitira kuti zvisangane pedyo namatanda, 42asi kana zvipfuwo zvisina simba, aisaisa matanda ipapo. Saka zvipfuwo zvisina simba zvakaenda kuna Rabhani uye zvine simba zvikaenda kuna Jakobho. 43Nenzira iyi murume uyu akapfuma kwazvo uye akava namapoka akawanda amakwai, navarandakadzi navarandarume, uye ngamera nembongoro.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch31" data-usfm="GEN.31">
 <div class="label">31</div><div class="s1">Jakobho anotiza kubva kuna Rabhani</div><div class="p"> 1Jakobho akanzwa kuti vanakomana vaRabhani vakanga vachiti, &#8220;Jakobho atora zvose zvaiva zvababa vedu uye awana upfumi hwose uhu kubva kune zvaiva zvababa vedu.&#8221; 2Uye Jakobho akaona kuti ndangariro dzaRabhani kwaari dzakanga dzisisina kuita sapakutanga.</div><div class="p"> 3Ipapo Jehovha akati kuna Jakobho, &#8220;Dzokera kunyika yamadzibaba ako nokuhama dzako, uye ndichava newe.&#8221;</div><div class="p"> 4Saka Jakobho akatuma shoko kuna Rakeri naRea kuti vauye kusango kwakanga kuna makwai ake. 5Akati kwavari, &#8220;Ndinoona kuti ndangariro dzababa venyu kwandiri hadzisisina kuita sezvadzakanga dzakaita kare, asi Mwari wababa vangu aneni. 6Munoziva kuti ndakashandira baba venyu nesimba rangu rose, 7asi baba venyu vakandinyengera nokushandura-shandura mubayiro wangu kagumi kose. Kunyange zvakadaro hazvo, Mwari haana kuvatendera kuti vandikuvadze. 8Pavakati, &#8216;Zvina mavara zvichava mubayiro wako,&#8217; ipapo zvipfuwo zvose zvakabereka zvina mavara, uye pavakati, &#8216;Zvine mitsetse zvichava mubayiro wako,&#8217; ipapo zvipfuwo zvose zvakaberekwa zvine mitsetse. 9Saka Mwari akatora zvipfuwo zvababa venyu akazvipa kwandiri.</div><div class="p"> 10&#8220;Panguva yokubereka kwezvipfuwo, ndakarota dzimwe hope dzokuti ndakatarira ndikaona kuti nhongo dzembudzi dzaisangana nezvipfuwo dzakanga dzine mitsetse, dzina mavara kana kuti dzina makwapa. 11Mutumwa waMwari akati kwandiri mukurota, &#8216;Jakobho,&#8217; ini ndikapindura ndikati, &#8216;Ndiri pano.&#8217; 12Uye akati, &#8216;Tarira uone kuti nhongo dzose dzembudzi dzinosangana nezvipfuwo zvose dzine mitsetse, mavara kana makwapa, nokuti ndaona zvose zvakanga zvichiitwa naRabhani kwauri. 13Ndini Mwari weBheteri, kuya kwawakazodza mbiru uye kwawakaita mhiko neni. Zvino kurumidza ubve munyika ino udzokere kunyika kwawakazvarirwa.&#8217;&#8198;&#8221;</div><div class="p"> 14Ipapo Rakeri naRea vakati, &#8220;Ko, tichine mugove munhaka yababa vedu here? 15Ko, havationi savatorwa here? Havana kungotitengesa chete, asi vakashandisa mutengo wedu wose. 16Zvirokwazvo pfuma yose yakatorwa naMwari kubva kuna baba vedu ndeyedu nevana vedu. Saka ita zvose zvaunoudzwa naMwari.&#8221;</div><div class="p"> 17Ipapo Jakobho akaisa vana vake navakadzi vake pangamera, 18uye akatinha zvipfuwo zvose pamwe chete nepfuma yose yaakanga aunganidza muPadhani Aramu, kuti aende kuna baba vake Isaka kunyika yeKenani.</div><div class="p"> 19Rabhani akati aenda kundoveura makwai ake, Rakeri akaba vamwari vomumba mababa vake. 20Pamusoro paizvozvo, Jakobho akanyengera Rabhani muAramu nokusamuudza kuti ava kuenda. 21Saka akatiza nezvose zvaakanga anazvo, akayambuka Rwizi akananga kunyika yezvikomo yeGireadhi.</div><div class="s1">Rabhani anotevera Jakobho</div><div class="p"> 22Pazuva rechitatu Rabhani akazoudzwa kuti Jakobho akanga atiza. 23Akatora hama dzake, akatevera Jakobho kwamazuva manomwe uye vakamubatira munyika yezvikomo yeGireadhi. 24Ipapo Mwari akasvika kuna Rabhani muAramu mukurota usiku uye akati kwaari, &#8220;Chenjera kuti urege kutaura chinhu chipi zvacho kuna Jakobho, chakanaka kana chakaipa.&#8221;</div><div class="p"> 25Jakobho akanga adzika tende rake munyika yezvikomo yeGireadhi paakabatwa naRabhani, uye Rabhani nehama dzake vakadzikawo musasa ipapo. 26Ipapo Rabhani akati kuna Jakobho, &#8220;Waiteiko? Wandinyengera, uye watakura vanasikana vangu senhapwa muhondo. 27Ko, watizirei muchivande uye ukandinyengera? Seiko usina kundiudza, kuitira kuti ndaidai ndakuendesa nomufaro uye kuchiimbwa nziyo nokuridzwa matambureni norudimbwa? 28Hauna kunditendera kutsvoda vazukuru vangu kana kuonekana navanasikana vangu. Waita zvoupenzi. 29Ndine simba rokukukuvadza; asi usiku Mwari wababa vako ati kwandiri, &#8216;Chenjera kuti urege kutaura chinhu chipi zvacho kuna Jakobho, chakanaka kana chakaipa.&#8217; 30Zvino wakada kuenda nokuda kwokushuva kudzokera kuimba yababa vako. Asi wakabireiko vamwari vangu?&#8221;</div><div class="p"> 31Jakobho akapindura Rabhani akati, &#8220;Ndakanga ndichitya, nokuti ndakafunga kuti maizonditorera vanasikana venyu nechisimba. 32Asi kana mukawana munhu upi zvake anenge ana vamwari venyu, iyeye haafaniri kurarama. Pamberi pehama dzedu zvionerei pachenyu kana pane chinhu chenyu pano neni; uye kana zvakadaro, muchitore henyu.&#8221; Zvino Jakobho akanga asingazivi kuti Rakeri akanga aba vamwari vacho.</div><div class="p"> 33Saka Rabhani akapinda mutende raJakobho nomutende raRea uye nomumatende maviri avarandakadzi, asi haana kuwana chinhu. Mushure mokubuda kwake mutende raRea, akapinda mutende raRakeri. 34Zvino Rakeri akanga atora vamwari vomuimba yababa vake akavaisa pasi pechigaro chengamera yake uye akanga agere pamusoro pazvo. Rabhani akatsvaka pakati pezvinhu zvose mutende asi haana kuwana chinhu.</div><div class="p"> 35Rakeri akati kuna baba vake, &#8220;Regai henyu kutsamwa, ishe wangu, kuti handigoni kusimuka pamberi penyu; ndiri pamutowo wavakadzi.&#8221; Saka akatsvaka asi haana kuwana vamwari veimba yake.</div><div class="p"> 36Jakobho akatsamwa uye akapopotera Rabhani akati, &#8220;Mhaka yangu ndeyeiko? Chivi chandakaita ndecheiko zvamandivhima mukadai? 37Zvino zvamatsvaka pakati penhumbi dzangu dzose, chiiko chamawana chokumba kwenyu? Chiisei pano pamberi pehama dzenyu, uye ngavatonge pakati pedu isu vaviri.</div><div class="p"> 38&#8220;Ndakanga ndinemi makore makumi maviri aya. Makwai enyu nembudzi dzenyu hazvina kusvodza, uye handina kudya makondobwe amakwai enyu. 39Handina kuuya kwamuri nezvipfuwo zvakabvamburwa nezvikara zvesango; ndakatakura mutoro wacho pachangu. Uye makareva muripo kubva kwandiri pane zvose zvakabiwa masikati kana usiku. 40Aya ndiwo aiva magariro angu: Ndakapiswa nezuva masikati uye nechando usiku, uye hope dzakatiza mumaziso angu. 41Zvakanga zvakaita saizvozvi kwamakore gumi namana nokuda kwavanasikana venyu vaviri ava nemakore matanhatu nokuda kwezvipfuwo zvenyu, uye makashandura mubayiro wangu kagumi. 42Dai Mwari wababa vangu, iye Mwari waAbhurahama uye aityiwa naIsaka, akanga asineni, zvirokwazvo mungadai makandiendesa ndisina chinhu. Asi Mwari akaona kutambudzika kwangu nokubata kwamaoko angu, uye usiku akakutsiurai.&#8221;</div><div class="p"> 43Rabhani akapindura Jakobho akati, &#8220;Madzimai aya vanasikana vangu, uye vana ava vana vangu, uye zvipfuwo izvi ndezvangu. Zvose zvaunoona ndezvangu. Asi ndichaiteiko nhasi pamusoro pavanasikana vangu ava, kana pamusoro pavana vavakabereka? 44Uya zvino, ngatiite sungano, iwe neni, uye ngaive chapupu pakati pedu.&#8221;</div><div class="p"> 45Saka Jakobho akatora ibwe akarimisa sembiru. 46Akati kuhama dzake, &#8220;Unganidzai mamwe mabwe.&#8221; Saka vakatora mabwe vakaaunganidza vakaita murwi, uye vakadya ipapo pamurwi. 47Rabhani akautumidza zita rokuti Jegari Sahadhuta, uye Jakobho akautumidza kuti Gareedhi.</div><div class="p"> 48Rabhani akati, &#8220;Murwi uyu ndiwo uchapupu pakati pangu newe nhasi.&#8221; Ndokusaka wakanzi Gareedhi. 49Wakanga uchinziwo Mizipa, nokuti akati, &#8220;Jehovha ngaachengete iwe neni patinenge tiri kure nokure. 50Kana ukabata vanasikana vangu zvakaipa kana kutora vamwe vakadzi kunze kwevanasikana vangu, kunyange dai mumwe munhu akasava nesu, rangarira kuti Mwari ndiye chapupu pakati pako neni.&#8221;</div><div class="p"> 51Rabhani akatiwo kuna Jakobho, &#8220;Hoyu murwi uyu, uye heyi mbiru yandamisa iyi pakati pako neni. 52Murwi uyu ndiwo chapupu uye mbiru iyi ndiyo chapupu, kuti handizopfuuri murwi uno ndichiuya kwauri kuti ndizokukuvadza uye kuti iwe hauzopfuuri murwi uno nembiru uchiuya kurutivi rwangu kuti uzondikuvadza. 53Mwari waAbhurahama naMwari waNahori, iye Mwari wababa vavo, ngaatonge pakati pedu.&#8221;</div><div class="p">Saka Jakobho akaita mhiko muzita raiye aityiwa nababa vake Isaka. 54Akapa chibayiro imomo munyika yezvikomo uye akakoka hama dzake kuti dzizodya. Mushure mokudya vakavatapo usiku ihwohwo.</div><div class="p"> 55Mangwanani akatevera Rabhani akatsvoda vazukuru vake navanasikana vake uye akavaropafadza. Ipapo akabva akadzokera kumusha kwake.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch32" data-usfm="GEN.32">
 <div class="label">32</div><div class="s1">Jakobho anogadzirira kundosangana naEsau</div><div class="p"> 1Jakobho akaendawo nenzira yake, uye vatumwa vaMwari vakasangana naye.</div><div class="p"> 2Jakobho akati achivaona, akati, &#8220;Uyu ndiwo musasa waMwari!&#8221; Saka akatumidza nzvimbo iyo zita rokuti Mahanaimi.</div><div class="p"> 3Jakobho akatuma nhume mberi kwake kumukoma wake Esau munyika yeSeiri, iyo nyika yeEdhomu. 4Akavarayira akati, &#8220;Izvi ndizvo zvamunofanira kutaura kuna tenzi wangu Esau kuti: &#8216;Zvanzi nomuranda wenyu Jakobho, Ndakanga ndichigara naRabhani uye ndakagarako kusvikira zvino. 5Ndine mombe nembongoro, makwai nembudzi, varandarume navarandakadzi. Zvino ndiri kutuma shoko iri kuna she wangu, kuti ndiwane nyasha pamberi penyu.&#8217;&#8198;&#8221;</div><div class="p"> 6Nhume dzakati dzadzoka kuna Jakobho, dzakati kwaari, &#8220;Takaenda kumukoma wenyu Esau, uye ari kuuya zvino kuzosangana nemi, uye ana varume mazana mana.&#8221;</div><div class="p"> 7Ipapo Jakobho akatya zvikuru uye akatambudzika, akaparadzanisa vanhu vaakanga anavo mumapoka maviri, uye makwai nemombe nengamerawo. 8Akafunga akati, &#8220;Kana Esau akasvika akaparadza rimwe boka, boka rasara ringapunyuka.&#8221;</div><div class="p"> 9Ipapo Jakobho akanyengetera akati, &#8220;Haiwa Mwari wababa vangu Abhurahama, Mwari wababa vangu Isaka, imi Jehovha makati kwandiri, &#8216;Dzokera kunyika yokwako nokuhama dzako, uye ndichaita kuti ubudirire,&#8217; 10ini handina kufanirwa nenyasha dzenyu dzose idzi uye nokutendeka kwamakaratidza muranda wenyu. Ndakanga ndichingova netsvimbo yangu bedzi pandakayambuka Jorodhani urwu, asi zvino ndava mapoka maviri. 11Ndinokumbira kuti mundiponese kubva muruoko rwomukoma wangu Esau, nokuti ndinotya kuti achasvika akandiuraya, uyewo madzimai aya navana vavo. 12Asi imi makati, &#8216;Zvirokwazvo ndichaita kuti ubudirire uye kuti zvizvarwa zvako zvive sejecha regungwa, risingagoni kuverengwa.&#8217;&#8198;&#8221;</div><div class="p"> 13Akapedza usiku hwose ipapo, uye pane zvaakanga anazvo, akatsaurira mukoma wake Esau chipo chaiti: 14mazana maviri enhunzvi dzemakwai namakumi maviri enhongo dzembudzi, mazana maviri amatunzvi amakwai namakondobwe makumi maviri, 15ngamera hadzi, makumi matatu navana vadzo, mhou dzemombe makumi mana nehando gumi, mbongoro hadzi makumi maviri uye nehono gumi. 16Akaita kuti zvichengetwe navaranda vake, boka rimwe nerimwe riri roga, uye akati kuvaranda vake, &#8220;Tungamirai mberi kwangu, uye musiye nzvimbo pakati pamapoka.&#8221;</div><div class="p"> 17Akarayira uya akanga achitungamirira akati, &#8220;Mukoma wangu Esau paanosangana nemi uye akakubvunza achiti, &#8216;Uri waaniko iwe, uye uri kuendepi, uye pfuma yose iri mberi kwako ndeyani?&#8217; 18ipapo iwe unofanira kupindura uchiti, &#8216;Ndezvomuranda wenyu Jakobho. Izvi zvipo zvatumirwa kuna she wangu Esau, uye iye ari kutevera mumashure medu.&#8217;&#8198;&#8221;</div><div class="p"> 19Akarayirawo wechipiri, wechitatu uye navamwe vose vaitevera mapoka achiti, &#8220;Munofanira kutaura chinhu chimwe chete kuna Esau pamunosangana naye. 20Uye murangarire kuti, &#8216;Muranda wenyu Jakobho ari kuuya mumashure medu.&#8217;&#8198;&#8221; Nokuti akafunga akati, &#8220;Ndamunyaradza nezvipo zvandiri kumutumira mberi; pandinozomuona, zvichida achandigamuchira.&#8221; 21Saka chipo chaJakobho chakatungamira mberi kwake, asi iye pachake akavata mumusasa. Nokuti akafunga akati, &#8220;Ndichamunyaradza nezvipo zvandiri kutumira mberi; pandinozomuona, zvichida achandigamuchira.&#8221;</div><div class="s1">Jakobho anoita mutsimba naMwari</div><div class="p"> 22Usiku ihwohwo Jakobho akamuka akatora vakadzi vake vaviri, varandakadzi vake navanakomana vake gumi nomumwe vakayambuka pazambuko reJabhoki. 23Shure kwokuvayambutsa rukova, akayambutsawo zvose zvaakanga anazvo. 24Saka Jakobho akasara ari oga, uye mumwe murume akaita mutsimba naye kusvikira utonga hwatsvuka. 25Murume uye paakaona kuti akanga asingagoni kumukunda, akabata pahudyu yaJakobho zvokuti hudyu yakashodogoka paakanga achiita mutsimba nomunhu uyu. 26Ipapo murume uya akati, &#8220;Ndirege ndiende, nokuti utonga hwatsvuka.&#8221;</div><div class="p">Asi Jakobho akapindura akati, &#8220;Handingatongokuregei muchienda kusvikira mandiropafadza.&#8221;</div><div class="p"> 27Murume uya akamubvunza akati, &#8220;Zita rako ndianiko?&#8221;</div><div class="p">Jakobho akapindura akati, &#8220;Jakobho.&#8221;</div><div class="p"> 28Ipapo murume uya akati, &#8220;Zita rako harichazonzi Jakobho, asi Israeri, nokuti wakarwa naMwari uye nomunhu ukakunda.&#8221;</div><div class="p"> 29Jakobho akati, &#8220;Ndapota hangu, ndiudzei zita renyu.&#8221;</div><div class="p">Asi iye akapindura akati, &#8220;Seiko uchibvunza zita rangu?&#8221; Ipapo akamuropafadza.</div><div class="p"> 30Saka Jakobho akatumidza nzvimbo iyo zita rokuti Penieri, akati, &#8220;Nokuti ndaona Mwari chiso nechiso, asi handina kufa.&#8221;</div><div class="p"> 31Zuva rakakwira pamusoro pake, paakanga opfuura Penieri, uye akanga achikamhina nokuda kwehudyu yake. 32Naizvozvo kusvikira zuva ranhasi vaIsraeri havadyi runda rakabatanidzwa nehudyu, nokuti hudyu yaJakobho yakanga yakuvadzwa pedyo nerunda.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch33" data-usfm="GEN.33">
 <div class="label">33</div><div class="s1">Jakobho anosangana naEsau</div><div class="p"> 1Jakobho akasimudza meso ake ndokuona hoyo Esau, achiuya ana varume mazana mana; saka akaparadzanisa vana pakati paRea naRakeri navarandakadzi vaviri. 2Akaisa varandakadzi navana vavo pamberi, Rea navana vake vachitevera, uye Rakeri naJosefa mumashure. 3Iye pachake akatungamira mberi akakotamira pasi kanomwe paakanga oswedera kumukoma wake.</div><div class="p"> 4Asi Esau akamhanya kundosangana naye akamumbundikira mumutsipa namaoko ake uye akamutsvoda. Uye vakachema. 5Ipapo Esau akasimudza meso ake akaona madzimai navana. Akamubvunza akati, &#8220;Ndivanaaniko ava vaunavo?&#8221;</div><div class="p">Jakobho akapindura akati, &#8220;Ndivo vana vakapiwa muranda wenyu naMwari.&#8221;</div><div class="p"> 6Ipapo varandakadzi navana vavo vakaswedera uye vakakotama pasi. 7Zvimwe chetezvo, Rea navana vake vakasvika uye vakakotama pasi. Mushure mavo vose Josefa naRakeri, naivowo vakakotama pasi.</div><div class="p"> 8Esau akati, &#8220;Ko, unorevei namapoka ose andasangana nawo aya?&#8221;</div><div class="p">Iye akati, &#8220;Kuti ndiwane nyasha pamberi penyu, ishe wangu.&#8221;</div><div class="p"> 9Asi Esau akati, &#8220;Ndatova nezvizhinji, munun&#700;una wangu. Chizvichengetera iwe zvaunazvo.&#8221;</div><div class="p"> 10Jakobho akati, &#8220;Kwete ndapota! Kana ndawana nyasha kwamuri gamuchirai henyu chipo ichi kubva kwandiri. Nokuti kuona chiso chenyu kunenge kuona chiso chaMwari, sezvo zvino mandigamuchira zvakanaka kudai. 11Ndapota, gamuchirai chipo chandakuvigirai, nokuti Mwari akandiitira nyasha uye ndine zvose zvandinoda.&#8221; Uye nokuda kwokuti Jakobho akaramba achimugombedzera, Esau akazochigamuchira.</div><div class="p"> 12Ipapo Esau akati, &#8220;Ngatiendei zvedu; ndichakuperekedzai.&#8221;</div><div class="p"> 13Asi Jakobho akati kwaari, &#8220;Ishe wangu anoziva kuti vana vachiri vaduku uye kuti ndinofanira kuchengetedza makwai nemombe dziri kunwisa. Kana zvikanyanya kutinhwa nezuva rimwe chete, zvingazofa. 14Saka ishe wangu ngaatungamire hake mberi kwomuranda wake, ini ndichifamba hangu zvishoma zvishoma nenhambwe dzinoenderana nezvipfuwo zviri mberi kwangu, uyewo zvinoenderana navana, kudzamara ndasvika kuna she wangu kuSeiri.&#8221;</div><div class="p"> 15Esau akati, &#8220;Zvino chirega ndisiye vamwe vanhu vangu newe.&#8221;</div><div class="p">Jakobho akabvunza akati, &#8220;Asi mungaitireiko izvozvo? Regai ndiwane nyasha pamberi pashe wangu bedzi.&#8221;</div><div class="p"> 16Saka pazuva iroro, Esau akapinda munzira yake akadzokera kuSeiri. 17Zvisinei hazvo, Jakobho akaenda kuSukoti, kwaakazvivakira imba yake uye akaitirawo zvipfuwo zvake matanga. Ndokusaka nzvimbo iyo ichinzi Sukoti.</div><div class="p"> 18Shure kwokubva kwaJakobho kuPadhani Aramu, akasvika zvakanaka kuguta reShekemu muKenani uye akadzika musasa wake pakatarisana neguta. 19Akatenga nzvimbo yaakadzika matende ake kubva kuvanakomana vaHamori, baba vaShekemu nezana resirivha. 20Akavaka aritari ipapo uye akaitumidza zita rokuti Eri Erohe Israeri.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch34" data-usfm="GEN.34">
 <div class="label">34</div><div class="s1">Dhaina navaShekemu</div><div class="p"> 1Zvino Dhaina, mwanasikana akaberekerwa Jakobho naRea, akabuda kundoshanyira madzimai enyika iyo. 2Shekemu mwanakomana waHamori muHivhi, mutongi wenzvimbo iyo, akati amuona, akamumanikidza akavata naye, uye akamunyadza. 3Mwoyo wake wakadokwairira Dhaina mwanasikana waJakobho, uye aida musikana uyu, uye akataura naye zvinyoronyoro. 4Saka Shekemu akati kuna Hamori baba vake, &#8220;Nditorerei musikana uyu kuti ave mukadzi wangu.&#8221;</div><div class="p"> 5Jakobho paakanzwa kuti mwanasikana wake Dhaina akanga asvibiswa, vanakomana vake vakanga vari kusango nezvipfuwo zvake; saka akanyarara pamusoro pazvo kusvikira vauya kumba.</div><div class="p"> 6Ipapo Hamori baba vaShekemu vakabuda kundotaura naJakobho. 7Zvino vanakomana vaJakobho vakauya vachibva kusango, pavakangonzwa zvakanga zvaitika. Vakanga vane shungu uye vakatsamwa, nokuti Shekemu akanga aita chinhu chinonyadza kwazvo kuna Israeri, chokuvata nomwanasikana waJakobho, chinhu chisingafaniri kuitwa.</div><div class="p"> 8Asi Hamori akati kwavari, &#8220;Mwanakomana wangu Shekemu anodokwairira mwanasikana wenyu. Ndapota mupei henyu iye kuti ave mukadzi wake. 9Ngatiwaniranei; tipei vanasikana venyu uye imiwo mutore vanasikana vedu. 10Munogona henyu kugara pakati pedu; nyika iri pamberi penyu. Garaimo, tengesaimo, uye muve nepfuma murimo.&#8221;</div><div class="p"> 11Ipapo Shekemu akati kuna baba vaDhaina nokuhanzvadzi dzake, &#8220;Regai ndiwane nyasha pamberi penyu, uye ndichakupai zvose zvamunoda. 12Revai henyu roora romwenga uye ndichakupai chipo chikuru sezvamunoda, uye zvose zvamuchareva kwandiri ndicharipa hangu. Ndipei bedzi musikana ave mukadzi wangu.&#8221;</div><div class="p"> 13Nokuda kwokuti hanzvadzi yavo Dhaina yakanga yasvibiswa vanakomana vaJakobho vakapindura nokunyengera pakutaura kwavo kuna Shekemu nababa vake Hamori. 14Vakati kwaari, &#8220;Hatingaiti chinhu chakadaro; hatigoni kupa hanzvadzi yedu kumurume asina kudzingiswa. Chingava chinyadziso kwatiri ichocho. 15Tingangotenderana kana maita chinhu chimwe chete: kuti imi muve sesu nokudzingisa varume vose. 16Ipapo tichakupai vanasikana vedu uye tigozvitorerawo vanasikana venyu. Tichagara pakati penyu tigova vanhu vamwe nemi. 17Asi kana musingadi kudzingiswa, isu tichatora hanzvadzi yedu tigoenda.&#8221;</div><div class="p"> 18Kutaura kwavo kwainge kwakanaka kuna Hamori nomwanakomana wake Shekemu. 19Jaya iri raikudzwa zvikuru pakati pemhuri yose yababa varo, harina kunonoka kuita zvavakareva, nokuti akanga achifadzwa nomwanasikana waJakobho. 20Saka Hamori nomwanakomana wake Shekemu vakaenda kusuo reguta ravo kuti vandotaura navamwe varume vomuguta ravo. 21Vakati, &#8220;Vanhu ava vakanaka kwazvo kwatiri. Ngavagare munyika yedu uye vashambadzire mairi; nyika yakakura kwazvo kwavari. Tinogona kuwana vanasikana vavo uye ivo vanogona kuwana veduwo. 22Asi varume vachatenderana nesu kuti tive savanhu vamwe nechinhu chimwe bedzi, chokuti vanhurume vedu vadzingiswe, sezvavari ivo. 23Ko, mombe dzavo, pfuma yavo nezvimwe zvipfuwo zvavo hazvingavi zvedu here? Saka ngatitenderanei navo, vagogara pakati pedu.&#8221;</div><div class="p"> 24Varume vose vakabuda kusuo reguta vakabvumirana naHamori nomwanakomana wake Shekemu, uye vanhurume vose vomuguta vakadzingiswa.</div><div class="p"> 25Shure kwamazuva matatu, vose vachiri kurwadziwa, vanakomana vaviri vaJakobho, Simeoni naRevhi, hanzvadzi dzaDhaina, vakatora minondo yavo vakarwisa guta rakanga risina chifungidziro, vakauraya munhurume wose. 26Vakauraya Hamori nomwanakomana wake nomunondo uye vakatora hanzvadzi yavo Dhaina kubva mumba maShekemu vakaenda. 27Vanakomana vaJakobho vakasvika kuzvitunha vakapamba guta iro makanga masvibiswa hanzvadzi yavo. 28Vakatora makwai avo nemombe dzavo, mbongoro dzavo nezvose zvakanga zviri zvavo muguta uye nezvaiva musango. 29Vakatakura pfuma yavo navakadzi vavo vose navana, vakapamba zvinhu zvose zvaiva mudzimba.</div><div class="p"> 30Ipapo Jakobho akati kuna Simeoni naRevhi, &#8220;Mandiparira dambudziko mukandiita chinhu chinonhuhwa kuvaKenani navaPerizi, vanhu vagere munyika muno. Tiri vashoma isu, uye kana vakandikomberana uye vakarwa neni, ini nemhuri yangu tichaparadzwa.&#8221;</div><div class="p"> 31Asi ivo vakapindura vakati, &#8220;Zvakanaka here kuti vabate hanzvadzi yedu sechifeve?&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch35" data-usfm="GEN.35">
 <div class="label">35</div><div class="s1">Jakobho anodzokera kuBheteri</div><div class="p"> 1Ipapo Mwari akati kuna Jakobho, &#8220;Kwira uende kuBheteri undogara ikoko, uye uvake aritari yaMwari ikoko, iye akazviratidza kwauri pawakanga uchitiza mukoma wako Esau.&#8221;</div><div class="p"> 2Saka Jakobho akati kune veimba yake nokuna vose vakanga vanaye, &#8220;Bvisai vamwari vavatorwa vamunavo, muzvinatse uye mupfeke dzimwe nguo dzenyu. 3Ipapo mugouya tiende kuBheteri, uko kwandichandovaka aritari yaMwari, iye akandipindura pazuva rokutambudzika kwangu uye iye akanga aneni kwose kwandakaenda.&#8221; 4Saka vakapa Jakobho vamwari vavatorwa vose vavaiva navo nemhete dzaiva munzeve dzavo, uye Jakobho akazvifushira pasi pomuouki weShekemu. 5Ipapo vakasimuka, kutya Mwari kukawira pamusoro pamaguta ose akavapoteredza zvokuti hakuna munhu akavatevera.</div><div class="p"> 6Jakobho navanhu vose vaaiva navo vakasvika kuRuzi (ndirowo Bheteri) munyika yeKenani. 7Akavaka aritari ipapo, akatumidza nzvimbo iyo zita rokuti Eri Bheteri, nokuti Mwari akazviratidza kwaari ipapo paakanga achitiza mukoma wake.</div><div class="p"> 8Zvino Dhibhora, mureri waRabheka, akafa akavigwa pasi pomuouki mujinga meBheteri. Saka pakatumidzwa zita rokuti Aroni Bhakuti.</div><div class="p"> 9Shure kwokudzokera kwaJakobho kuPadhani Aramu, Mwari akazviratidza zvakare uye akamuropafadza. 10Mwari akati kwaari, &#8220;Zita rako ndiJakobho, asi hauchanzi Jakobho, zita rako richanzi Israeri.&#8221; Saka akamutumidza zita rokuti Israeri.</div><div class="p"> 11Uye Mwari akati kwaari, &#8220;Ndini Mwari Wamasimba Ose; berekanai muwande. Rudzi neboka rendudzi zvichabva kwauri, uye madzimambo achabuda kubva mauri. 12Nyika yandakapa Abhurahama naIsaka ndinoipawo kwauri, uye ndichapa nyika ino kuzvizvarwa zvako zvinokutevera.&#8221; 13Ipapo Mwari akakwira kudenga akabva panzvimbo yaakanga ataura naye.</div><div class="p"> 14Jakobho akamisa mbiru yebwe panzvimbo iyo Mwari akanga ataura naye, uye akadururira chipiriso chinonwiwa pariri; akadirawo mafuta pariri. 15Jakobho akatumidza nzvimbo iyo Mwari akanga ataura naye kuti Bheteri.</div><div class="s1">Kufa kwaRakeri naIsaka</div><div class="p"> 16Ipapo vakapfuurira mberi kubva kuBheteri. Vachiri chinhambwe neEfurati, Rakeri akatanga kurwadziwa uye akatambudzika zvikuru. 17Uye paakanga achitambudzika zvikuru pakupona mwana, mbuya vaimuchengeta vakati kwaari, &#8220;Usatya, nokuti uno mumwe mwanakomana.&#8221; 18Paakabudisa mweya wake, nokuti akanga ofa, akatumidza mwanakomana wake zita rokuti Bheni-Oni. Asi baba vake vakamutumidza zita rokuti Bhenjamini.</div><div class="p"> 19Saka Rakeri akafa akavigwa munzira yaienda kuEfurati (ndiro Bheterehema). 20Pamusoro peguva rake Jakobho akaisa mbiru, uye kusvikira zuva ranhasi mbiru iyi inoratidza guva raRakeri.</div><div class="p"> 21Israeri akapfuurira mberi zvakare akandodzika tende rake seri kweMigidhari Edheri. 22Israeri achiri kugara munyika iyo, Rubheni akapinda akandovata nomurongo wababa vake Bhiriha, uye Israeri akanzwa nezvazvo.</div><div class="b"></div><div class="li4">Jakobho akanga ana vanakomana gumi navaviri:</div><div class="b"></div><div class="li1"> 23Vanakomana vaRea vaiti:</div><div class="li2">Rubheni dangwe raJakobho,</div><div class="li2">Simeoni, Revhi, Judha, Isakari naZebhuruni.</div><div class="li1"> 24Vanakomana vaRakeri vaiva:</div><div class="li2">Josefa naBhenjamini.</div><div class="li1"> 25Vanakomana vaBhiriha murandakadzi waRakeri vaiva:</div><div class="li2">Dhani naNafutari.</div><div class="li1"> 26Vanakomana vaZiripa murandakadzi waRea vaiva:</div><div class="li2">Gadhi naAsheri.</div><div class="b"></div><div class="li4">Ava ndivo vanakomana vaJakobho, vaakabereka muPadhani Aramu.</div><div class="b"></div><div class="p"> 27Jakobho akasvika kumusha kuna baba vake Isaka paMamure, pedyo neKiriati Abha (ndiro Hebhuroni), uko kwakambogara Abhurahama naIsaka. 28Isaka akararama kwamakore zana namakumi masere. 29Ipapo akabudisa mweya wake akafa akasanganiswa navanhu vake, akwegura kwazvo. Uye vanakomana vake Esau naJakobho vakamuviga.</div>
 </div>
 </div>
</div>

Chronological in 90 DaysChikamu

Rugwaro

Zvinechekuita neHurongwa uhu