Kuziva Mwari Anogara Nekusingaperi

Zvibatanidze Kuchitubu Cheupenyu

Kuratidza Simba Rekutenda

Murwi Wechikristu

Vadzidzi vaJesu

Makaponeswa Nenyasha

Kuona Nyasha Dzamwari Muvamwe Vanhu

Kushingirira Chinangwa

HATISIIWE TIRI TEGA

Kuropafadzwa Kwakapfuurisa

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkACT">
 <div class="chapter ch1" data-usfm="ACT.1">
 <div class="label">1</div><div class="s1">Kukwidzwa kwaJesu kuDenga</div><div class="p"> 1Mubhuku rangu rokutanga, Teofirasi, ndakanyora pamusoro pezvose zvakatanga kuitwa uye nokudzidziswa naJesu 2kusvikira pazuva raakakwidzwa kudenga, shure kwokunge arayira, kubudikidza noMweya Mutsvene, vapostori vaakanga asarudza. 3Mushure mokutambudzika kwake, akazviratidza kuvarume ava uye akaratidza zviratidzo zvakasimba zvizhinji zvokuti akanga ari mupenyu. Akaonekwa navo mazuva anopfuura makumi mana uye akataura nezvoumambo hwaMwari. 4Pane imwe nguva, paakanga achidya navo, akavarayira achiti, &#8220;Musabva muJerusarema, asi mumirire chipo chakavimbiswa naBaba vangu, icho chamakandinzwa ndichitaura pamusoro pacho. 5Nokuti Johani akabhabhatidza nemvura, asi mushure mamazuva mashoma muchabhabhatidzwa noMweya Mutsvene.&#8221;</div><div class="p"> 6Saka, vakati vaungana pamwe chete, vakamubvunza vakati, &#8220;Ishe, mava kuzodzosera ushe kuvaIsraeri panguva ino here?&#8221;</div><div class="p"> 7Akati kwavari, &#8220;Hazvisi kwamuri kuti muzive nguva kana musi wakatarwa naBaba nesimba ravo pachavo. 8Asi muchagamuchira simba kana Mweya Mutsvene auya pamusoro penyu; uye muchava zvapupu zvangu muJerusarema, nomuJudhea mose, nomuSamaria, kusvikira kumigumo yenyika.&#8221;</div><div class="p"> 9Mushure mokunge ataura izvi, akakwidzwa kudenga pamberi pameso avo chaipo, uye gore rikamufukidza vakasazomuona.</div><div class="p"> 10Vakanga vakatarisisa paakanga achienda, uye pakarepo varume vaviri vakanga vakapfeka nguo chena vakamira pavari. 11Vakati kwavari, &#8220;Varume veGarirea, makamirireiko pano makatarisa kudenga? Iyeyu Jesu abviswa kwamuri achienda kudenga, achadzokazve sezvamamuona achienda kudenga.&#8221;</div><div class="s1">Matiasi anosarudzwa kuti atore nzvimbo yaJudhasi</div><div class="p"> 12Ipapo vakadzokera kuJerusarema vachibva kugomo rinonzi reMiorivhi, rwendo rwezuva reSabata uchibva kuguta. 13Vakati vasvika, vakakwira kuimba yapamusoro kukamuri ravaigara. Vakanga varipo vaiti:</div><div class="b"></div><div class="li1">Petro, Johani, Jakobho naAndirea;</div><div class="li1">Firipi naTomasi;</div><div class="li1">Bhatoromeo naMateo;</div><div class="li1">Jakobho mwanakomana waArifeasi naSimoni muZeroti, uye naJudhasi mwanakomana waJakobho.</div><div class="b"></div><div class="p"> 14Vakabatana vose pakuramba vachinyengetera, pamwe chete navakadzi uye naMaria mai vaJesu, navanun&#700;una vake.</div><div class="p"> 15Mumazuva iwayo, Petro akasimuka pakati pavatendi (ungano yaida kusvika zana namakumi maviri) 16akati, &#8220;Hama, Rugwaro rwaifanira kuzadziswa rwakataurwa noMweya Mutsvene nomuromo waDhavhidhi pamusoro paJudhasi, uyo akabatsira kutungamirira vaya vakasunga Jesu, 17akanga ari mumwe wedu uye akanga ano mugove muushumiri uhu.&#8221;</div><div class="p"> 18(Nomubayiro waakawana nokuda kwokuipa kwake, Judhasi akatenga munda; imomo ndimo maakawira pasi nomusoro, muviri wake ukaputika, ura hwake hukabuda. 19Munhu wose akanzwa nezvazvo muJerusarema, saka vakatumidza munda uya nomutauro wavo kuti Akeridhama, ndiko kuti, Munda weRopa.)</div><div class="p"> 20Petro akati, &#8220;Nokuti kwakanyorwa mubhuku raMapisarema kuti,</div><div class="q1">&#8220;&#8198;&#8216;Musha wake ngauve dongo;</div><div class="q2">ngakurege kuva nomunhu anogaramo,&#8217;</div><div class="m">uye kuti,</div><div class="q1">&#8220;&#8198;&#8216;Mumwe ngaatore nzvimbo yake youtungamiri.&#8217;</div><div class="m"> 21Naizvozvo zvakafanira kuti kusarudzwe mumwe murume akanga anesu nguva yose Ishe Jesu paaipinda nokubuda pakati pedu, 22kutanga parubhabhatidzo rwaJohani kusvikira panguva yakabviswa Jesu kwatiri. Nokuti mumwe waava anofanira kuva chapupu chokumuka kwake, pamwe chete nesu.&#8221;</div><div class="p"> 23Saka vakasarudza varume vaviri vaiti: Josefa ainzi Bhanabhasi (aizivikanwawo sokunzi Jastasi) naMatiasi. 24Ipapo vakanyengetera vachiti, &#8220;Ishe, munoziva mwoyo yavanhu vose. Tiratidzei pakati pavaviri ava wamasarudza 25kuti atore basa iri roupostori, rakasiyiwa naJudhasi achienda kunzvimbo yake.&#8221; 26Ipapo vakakanda mijenya, uye mujenya ukawira kuna Matiasi; saka akawedzerwa kuvapostori vane gumi nomumwe.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkACT">
 <div class="chapter ch2" data-usfm="ACT.2">
 <div class="label">2</div><div class="s1">Mweya Mutsvene Unoburuka paPendekosti</div><div class="p"> 1Zuva rePendekosti rakati rasvika, vakanga vakaungana vose panzvimbo imwe chete. 2Pakarepo kutinhira sokwemhepo inovhuvhuta nesimba kwakabva kudenga kukazadza imba yose yavakanga vagere. 3Vakaona zvakanga zvakaita sendimi dzomoto dzakaparadzana uye dzakamhara pamusoro pomumwe nomumwe wavo. 4Vose vakazadzwa noMweya Mutsvene vakatanga kutaura nedzimwe ndimi sokupiwa kwavakaitwa noMweya.</div><div class="p"> 5Zvino muJerusarema maigara vaJudha vaitya Mwari vaibva kundudzi dzose pasi pedenga. 6Vakati vanzwa kutinhira uyu, vazhinji vakaungana pamwe chete vachishamiswa, nokuti mumwe nomumwe akavanzwa vachitaura norurimi rwake chairwo. 7Vakashamiswa kwazvo, vakabvunzana vachiti, &#8220;Ko, vanhu ava vose havasi vaGarirea here vari kutaura? 8Zvino seiko mumwe nomumwe wedu achivanzwa nomutauro waakaberekwa nawo? 9VaPatio, vaMedhia navaEramu; navanogara kuMesopotamia, Judhea neKapadhokia, Pondasi neEzhia, 10Firigia nePamufiria, Ijipiti namativi eRibhia pedyo neKureni; vaeni vanobva kuRoma 11(zvose vaJudha navakatendeukira kuchiJudha); vaKirete navaArabhu, tinovanzwa vachitaura zvishamiso zvaMwari nendimi dzedu chaidzo!&#8221; 12Vakakatyamara uye vakakanganisika, vakabvunzana vachiti, &#8220;Zvinoreveiko izvi?&#8221;</div><div class="p"> 13Kunyange zvakadaro, vamwe vakavaseka vakati, &#8220;Vanwa waini yakawanda.&#8221;</div><div class="s1">Petro anoparidzira Vazhinji</div><div class="p"> 14Ipapo Petro akamira pamwe chete navane gumi nomumwe, akadanidzira kuvanhu vazhinji achiti, &#8220;Hama imi vaJudha nemi mose mugere muJerusarema, regai ndikutsanangurirei chinhu ichi; nyatsoteererai mashoko angu. 15Vanhu ava havana kudhakwa sezvamunofungidzira zvaichiri nguva yepfumbamwe mangwanani kudai! 16Kwete, izvi ndizvo zvakataurwa nomuprofita Joere achiti,</div><div class="q1"> 17&#8220;&#8198;&#8216;Mumazuva okupedzisira,&#8217; ndizvo zvinotaura Mwari,</div><div class="q2">&#8216;ndichadurura Mweya wangu pamusoro pavanhu vose.</div><div class="q1">Vanakomana navanasikana venyu vachaprofita,</div><div class="q2">majaya enyu achaona zviratidzo,</div><div class="q2">vatana venyu vacharota hope.</div><div class="q1"> 18Kunyange napamusoro pavaranda vangu, zvose varume navakadzi,</div><div class="q2">ndichadurura Mweya wangu mumazuva iwayo,</div><div class="q2">uye vachaprofita.</div><div class="q1"> 19Ndicharatidza zvishamiso kudenga kumusoro,</div><div class="q2">nezviratidzo panyika pasi,</div><div class="q2">ropa nomoto uye nemhute youtsi.</div><div class="q1"> 20Zuva richashanduka rikava rima,</div><div class="q2">uye mwedzi uchashanduka ukava ropa,</div><div class="q2">zuva guru raShe uye rinobwinya risati rasvika.</div><div class="q1"> 21Uye ani naani anodana kuzita raShe achaponeswa.&#8217;</div><div class="p"> 22&#8220;Imi vaIsraeri, teererai izvi: Jesu weNazareta akanga ari murume akaratidzwa kwamuri naMwari namabasa esimba, nezvishamiso uye nezviratidzo, zvakaitwa naMwari pakati penyu kubudikidza naye, sezvamunoziva imi pachenyu. 23Murume uyu akaiswa mumaoko enyu nourongwa uye nokuziva zviri mberi kwaMwari; uye imi, mukamuroverera pamuchinjikwa muchibatsirwa navanhu vakaipa. 24Asi Mwari akamumutsa kubva kuvakafa, akamusunungura kubva pakurwadza kworufu, nokuti zvakanga zvisingagoni kuti rufu rumubate. 25Dhavhidhi akataura nezvake achiti:</div><div class="q1">&#8220;&#8198;&#8216;Ndakaona Ishe mberi kwangu nguva dzose.</div><div class="q2">Nokuti ari kuruoko rwangu rworudyi,</div><div class="q2">handingatongozungunuswi.</div><div class="q1"> 26Naizvozvo mwoyo wangu unofara uye rurimi rwangu runofarisisa;</div><div class="q2">uyezve muviri wangu uchararama netariro,</div><div class="q1"> 27nokuti imi hamuzondisiyi muguva,</div><div class="q2">uye hamungaregi Mutsvene wenyu achiona kuora.</div><div class="q1"> 28Makandizivisa nzira dzoupenyu;</div><div class="q2">muchandizadza nomufaro pamberi penyu.&#8217;</div><div class="p"> 29&#8220;Hama, ndingakuudzai ndiine chokwadi kuti tateguru wedu Dhavhidhi akafa akavigwa, uye guva rake richiri pano kusvikira nhasi. 30Asi akanga ari muprofita uye aiziva kuti Mwari akanga amuvimbisa nemhiko kuti aizogadza mumwe wezvizvarwa zvake pachigaro choushe. 31Achiona zviri mberi, akataura nezvokumuka kwaKristu, kuti akanga asina kusiyiwa muguva, uye muviri wake hauna kuona kuora. 32Mwari akamutsa Jesu uyu kubva kuvakafa, uye isu tose tiri zvapupu zvacho. 33Akasimudzirwa kuruoko rworudyi rwaMwari, akagamuchira kubva kuna Baba chipikirwa choMweya Mutsvene uye akadurura izvi zvamuri kuona nokunzwa iye zvino. 34Nokuti Dhavhidhi haana kukwira kudenga, asi iye akati:</div><div class="q1">&#8220;&#8198;&#8216;Ishe akati kuna She wangu:</div><div class="q2">&#8220;Gara kuruoko rwangu rworudyi</div><div class="q1"> 35kusvikira ndaita kuti vavengi vako</div><div class="q2">vave chitsiko chetsoka dzako.&#8221;&#8198;&#8217;</div><div class="p"> 36&#8220;Naizvozvo vaIsraeri vose ngavazive izvi: Jesu uyu, wamakaroverera pamuchinjikwa, Mwari akamuita Ishe naKristu.&#8221;</div><div class="p"> 37Vanhu vakati vachinzwa izvozvo, vakabayiwa pamwoyo vakati kuna Petro navamwe vapostori, &#8220;Hama, tichaiteiko?&#8221;</div><div class="p"> 38Petro akapindura akati, &#8220;Tendeukai mubhabhatidzwe, mumwe nomumwe wenyu, muzita raJesu Kristu kuti muregererwe zvivi zvenyu, uye mugogamuchira chipo choMweya Mutsvene. 39Chipikirwa ndechenyu navana venyu navose vari kure, navose vachazodanwa naShe Mwari wedu.&#8221;</div><div class="p"> 40Akavayambira namamwe mashoko mazhinji; uye akavakumbirisa achiti, &#8220;Muzviponese parudzi urwu rwakaora.&#8221; 41Avo vakagamuchira shoko rake vakabhabhatidzwa, uye pazuva iro, vanhu vanenge zviuru zvitatu vakawedzerwa pauwandu hwavo.</div><div class="s1">Kuwadzana kwaVatendi</div><div class="p"> 42Vakazvipira pakudzidzisa kwavapostori napakuwadzana, pakumedura chingwa uye napakunyengetera. 43Vanhu vose vakabatwa nokutya, uye zvishamiso zvizhinji nezviratidzo zvakaitwa navapostori. 44Vatendi vose vaiva pamwe chete uye vakagoverana zvinhu zvose. 45Vachitengesa zvavaiva nazvo nenhumbi dzavo, vakapa kuna ani naani aishayiwa. 46Mazuva ose vairamba vachiungana pamwe chete mutemberi. Vaimedura chingwa mudzimba dzavo uye vachidya pamwe chete nomufaro uye nomwoyo wakanaka, 47vachirumbidza Mwari uye vachidikanwa navanhu vose. Uye Ishe akawedzera pauwandu hwavo zuva rimwe nerimwe avo vakanga vachiponeswa.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkACT">
 <div class="chapter ch3" data-usfm="ACT.3">
 <div class="label">3</div><div class="s1">Petro anoporesa Chirema</div><div class="p"> 1Rimwe zuva Petro naJohani vakanga vachikwidza kuenda kutemberi nenguva yokunyengetera, panguva yechitatu yamasikati. 2Zvino mumwe murume akanga aberekwa ari chirema, aitakurwa achiendeswa pasuo retemberi rainzi Rakanaka, uye aiiswa ipapo mazuva ose kuti apemhe kuna avo vaipinda mutemberi. 3Akati aona Petro naJohani voda kupinda, akavakumbira mari. 4Petro akamutarisisa, Johani akadarowo. Ipapo Petro akati kwaari, &#8220;Titarise!&#8221; 5Saka murume akavatarira, achifunga kuti achapiwa chinhu navo.</div><div class="p"> 6Ipapo Petro akati, &#8220;Sirivha negoridhe handina, asi chandinacho ndinokupa. Muzita raJesu Kristu weNazareta, simuka ufambe.&#8221; 7Akamubata noruoko rworudyi, akamubatsira kuti asimuke, pakarepo tsoka dzomurume uyu nezviziso zvetsoka dzake zvikasimba. 8Akakwakuka, akamira, uye akatanga kufamba. Ipapo akapinda navo mutemberi, achifamba uye achisvetuka-svetuka, achirumbidza Mwari. 9Vanhu vose vakati vachimuona achifamba achirumbidza Mwari, 10vakamuziva kuti ndiye murume uya aisigara achipemha ari pasuo retemberi rainzi Rakanaka, uye vakakatyamara vakashamiswa kwazvo nezvakanga zvaitika kwaari.</div><div class="s1">Petro anotaura kuna vanhu vakanga varipo</div><div class="p"> 11Mupemhi akati achakabatirira pana Petro naJohani, vanhu vose vakashamiswa vakauya kwavari vachimhanya kunzvimbo yainzi Biravira raSoromoni. 12Petro akati aona izvi, akati kwavari, &#8220;Imi varume veIsraeri, seiko izvi zvichikushamisai? Munotarisireiko kwatiri sokunge taita kuti murume uyu afambe nokuda kwesimba redu kana nokuda kwokururama kwedu? 13Mwari waAbhurahama, Isaka naJakobho, Mwari wamadzibaba edu, akudza muranda wake Jesu. Makamuendesa kundourayiwa, uye imi makamuramba pamberi paPirato, kunyange akanga afunga kumuregedza hake. 14Makaramba iye Mutsvene naiye Akarurama Oga uye mukakumbira kuti mhondi isunungurwe. 15Makauraya muvambi woupenyu, asi Mwari akamumutsa kubva kuvakafa. Isu tiri zvapupu zvezvinhu izvi. 16Nokutenda muzita raJesu, munhu uyu wamunoona uye wamunoziva, asimbiswa. Izita raJesu uye nokutenda kunouya kubudikidza naye kwauyisa kuporeswa uku kwaari, sezvamunoona imi mose.</div><div class="p"> 17&#8220;Zvino, hama dzangu, ndinoziva kuti makaita nokusaziva sezvakangoitawo vatungamiri venyu. 18Asi ndiwo mazadzisiro akaita Mwari zvaakataura kare kubudikidza navaprofita vose, achitaura kuti Kristu wake aizotambudzika. 19Naizvozvo, tendeukai zvino, mudzokere kuna Mwari, kuitira kuti zvivi zvenyu zvidzimwe, kuti nguva dzokuvandudzwa dzinobva kuna She dzisvike 20uye kuti atume Kristu, iye akagadzwa nokuda kwenyu, iye Jesu. 21Anofanira kumboramba ari kudenga kusvikira nguva yokuti Mwari avandudze zvinhu zvose yasvika, sezvaakavimbisa kare kare kubudikidza navaprofita vake vatsvene. 22Nokuti Mozisi akati, &#8216;Ishe Mwari wenyu achakumutsirai muprofita akafanana neni kubva pakati pavanhu venyu chaivo; munofanira kuteerera zvose zvaanokuudzai. 23Ani naani zvake asingamuteereri achaparadzwa kwazvo pakati pavanhu vokwake.&#8217;</div><div class="p"> 24&#8220;Zvirokwazvo, vaprofita vose kubva kuna Samueri zvichienda mberi, vazhinji vavo vakataura, vakaprofita nezvamazuva ano. 25Imi muri vadyi venhaka yavaprofita neyesungano yakaitwa naMwari namadzibaba enyu. Akati kuna Abhurahama, &#8216;Marudzi ose apanyika acharopafadzwa kubudikidza navana vako.&#8217; 26Mwari akati amutsa muranda wake, akatanga kumutuma kwamuri kuti akuropafadzei nokukutendeutsai mumwe nomumwe wenyu kubva panzira dzenyu dzakaipa.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkACT">
 <div class="chapter ch4" data-usfm="ACT.4">
 <div class="label">4</div><div class="s1">Petro naJohani pamberi peDare Guru</div><div class="p"> 1Vaprista nomukuru wavarindi vetemberi navaSadhusi vakauya kuna Petro naJohani pavakanga vachiri kutaura navanhu. 2Vakakanganisika zvikuru nokuti vapostori vakanga vachidzidzisa vanhu uye vachiparidza kumuka kwavakafa muna Jesu. 3Vakabata Petro naJohani, uye nokuda kwokuti aiva manheru, vakavaisa mujeri kusvikira zuva raitevera. 4Asi vazhinji vakanzwa shoko vakatenda, uye varume vakasvika zviuru zvinenge zvishanu pauwandu.</div><div class="p"> 5Fume mangwana, vabati, vakuru navadzidzisi vomurayiro vakasangana muJerusarema. 6Anasi muprista mukuru aivapo, uye Kayafasi Johani, Arekizanda navamwe varume vemhuri yomuprista mukuru vaivapowo. 7Vakaita kuti Petro naJohani vauyiswe pamberi pavo vakatanga kuvabvunza vachiti, &#8220;Makaita izvi nesimba raani kana kuti nezita raani?&#8221;</div><div class="p"> 8Ipapo Petro azere noMweya Mutsvene, akati kwavari, &#8220;Imi vabati nemi vakuru vavanhu, 9kana tadanwa nhasi nokuda kwebasa rakanaka rakaitwa kuchirema uye tichibvunzwa kuti akaporeswa sei, 10zvino muzive izvi, imi navanhu vose veIsraeri kuti: Zvakaitwa nezita raJesu Kristu weNazareta, iye wamakaroverera pamuchinjikwa asi Mwari akamumutsa kubva kuvakafa, ndiye aita kuti murume uyu amire pamberi penyu apora kudai. 11Ndiye</div><div class="q1">&#8220;&#8198;&#8216;ibwe ramakaramba imi vavaki,</div><div class="q2">rakazova musoro wekona.&#8217;</div><div class="m"> 12Ruponeso haruwanikwi kuna ani zvake, nokuti hakuna rimwe zita pasi pedenga rakapiwa kuvanhu ratingaponeswa naro.&#8221;</div><div class="p"> 13Vakati vachiona kusatya kwaPetro naJohani uye vachiziva kuti vakanga vasina kudzidza, vachingova vanhuwo zvavo, vakakatyamara uye vakarangarira kuti varume ava vaiva naJesu. 14Asi vachiona murume akanga aporeswa amire navo ipapo, havana chavakagona kutaura. 15Saka vakavarayira kuti vabve paDare Guru, uye ivo vakasara vachitaurirana. 16Vakati, &#8220;Tichaita seiko navarume ava? Munhu wose anogara muJerusarema anoziva kuti vakaita chishamiso chikuru uye isu hatigoni kuzviramba. 17Asi kuti chinhu ichi chirege kuramba chichipararira pakati pavanhu, tinofanira kuyambira varume ava kuti varege kutaura kuna ani zvake muzita iri.&#8221;</div><div class="p"> 18Ipapo vakavadanazve kuti vapinde ndokuvarayira kuti varege kutaura kana kutongodzidzisa muzita raJesu. 19Asi Petro naJohani vakapindura vakati, &#8220;Tongai henyu imi kana zvakarurama pamberi paMwari kuti titeerere imi kupfuura Mwari. 20Nokuti isu hatigoni kurega kutaura pamusoro pezvatakaona nezvatakanzwa.&#8221;</div><div class="p"> 21Shure kwokuvayambirazve vakavarega vakaenda. Havana kugona kufunga kuti vangavaranga sei, nokuti vanhu vose vakanga vachirumbidza Mwari pamusoro pezvakanga zvaitika. 22Nokuti murume akanga aporeswa nechishamiso akanga ana makore anodarika makumi mana.</div><div class="s1">Munyengetero waVatendi</div><div class="p"> 23Vakati vasunungurwa, Petro naJohani vakadzokera kuvanhu vokwavo vakandovaudza zvose zvakanga zvarehwa navaprista vakuru navakuru. 24Vakati vanzwa izvi, vakasimudza manzwi pamwe chete kuna Mwari vakanyengetera vachiti, &#8220;Ishe Mwari, imi makaita denga nenyika negungwa, nezvose zvirimo. 25Makataura noMweya Mutsvene kubudikidza nomuromo womuranda wenyu, baba vedu Dhavhidhi, muchiti:</div><div class="q1">&#8220;&#8198;&#8216;Ndudzi dzinoitireko hasha</div><div class="q2">uye vanhu vanofungireiko zvisina maturo?</div><div class="q1"> 26Madzimambo enyika azvigadzirira</div><div class="q2">uye vabati vanoungana pamwe chete</div><div class="q2">kuzorwa naIshe</div><div class="q2">uye noMuzodziwa Wake.&#8217;</div><div class="m"> 27Zvirokwazvo Herodhi naPondiasi Pirato vakaungana pamwe chete neveDzimwe Ndudzi uye navanhu veIsraeri muguta rino kuzorangana kurwisa Jesu muranda wenyu mutsvene, iye wamakazodza. 28Vakaita zvakanga zvatongwa nesimba renyu uye nokuda kwenyu kuti zvichaitika. 29Zvino, Ishe, tarirai kutyisidzira kwavo mugobatsira varanda venyu kuti vataure shoko renyu nokushinga kukuru. 30Tambanudzai ruoko rwenyu kuti muporese uye muite zviratidzo nezvishamiso kubudikidza nezita raJesu muranda wenyu mutsvene.&#8221;</div><div class="p"> 31Shure kwokunge vanyengetera, nzvimbo yavakanga vakaungana pairi yakazungunuswa. Uye vose vakazadzwa noMweya Mutsvene vakataura shoko raMwari vasingatyi.</div><div class="s1">Vatendi vanogovana Pfuma Yavo</div><div class="p"> 32Vatendi vose vakanga vano mwoyo mumwe nendangariro imwe. Hakuna aiti chimwe chezvaaiva nazvo ndechake oga, asi vakagovana zvose zvavakanga vanazvo. 33Vapostori vakaramba vachipupura nesimba kumuka kwaIshe Jesu, uye nyasha huru dzaiva pamusoro pavo. 34Pakanga pasina vanoshayiwa pakati pavo. Nokuti nguva nenguva vaya vakanga vane minda kana dzimba vakazvitengesa, vakauyisa mari yezvavakatengesa 35vakazviisa patsoka dzavapostori, uye yakagoverwa kuna ani zvake sokushayiwa kwake.</div><div class="p"> 36Josefa, muRevhi aibva kuSaipurasi, uyo akatumidzwa navapostori kunzi Bhanabhasi (kureva kuti Mwanakomana woKukurudzira), 37akatengesa munda wake akauya nemari akaiisa pamberi pavapostori.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkACT">
 <div class="chapter ch5" data-usfm="ACT.5">
 <div class="label">5</div><div class="s1">Ananiasi naSafira</div><div class="p"> 1Zvino mumwe murume ainzi Ananiasi, pamwe chete nomukadzi wake Safira, akatengesawo chikamu chepfuma yake. 2Mukadzi wake achinyatsozvizivawo, akazvikamurira chimwe chikamu chemari, asi yakasara akauya nayo akaiisa pamberi pavapostori.</div><div class="p"> 3Ipapo Petro akati, &#8220;Ananiasi, Satani azadzireiko mwoyo wako kudai, kuti usvike pakureva nhema kuMweya Mutsvene uye wazvikamurira imwe mari yawawana pakutengesa munda? 4Ko, wakanga usiri wako here usati watengeswa? Uye shure kwokunge wautengesa, mari yakanga isiri yako here? Chiiko chakaita kuti ufunge kuita chinhu chakadai? Hauna kureva nhema kuvanhu asi kuna Mwari.&#8221;</div><div class="p"> 5Ananiasi akati anzwa izvi, akawira pasi akabva afa. Uye kutya kukuru kwakabata vose vakanga vanzwa zvakanga zvaitika. 6Ipapo majaya akaswedera, akaputira muviri wake, akamutakura akaenda naye kunze vakandomuviga.</div><div class="p"> 7Shure kwamaawa anenge matatu mukadzi wake akasvikopinda, asingazivi zvakanga zvaitika. 8Petro akamubvunza akati, &#8220;Ndiudze, uyu ndiwo here mutengo wamakawana, iwe naAnaniasi, pamunda?&#8221;</div><div class="p">Iye akati, &#8220;Hongu, ndiwoyu mutengo.&#8221;</div><div class="p"> 9Petro akati kwaari, &#8220;Matenderana seiko kuti muedze Mweya waShe? Tarira! Tsoka dzamajaya aviga murume wako dziri pamukova, uye vachakutakura newewo.&#8221;</div><div class="p"> 10Pakarepo akawira pasi, patsoka dzake akabva afa. Ipapo majaya akapinda uye akamuwana afa, akamutakura akaenda naye kunze akandomuviga parutivi pomurume wake. 11Kutya kukuru kwakabata kereke yose navose vakanzwa zvinhu izvi.</div><div class="s1">Vapostori vanoporesa Vazhinji</div><div class="p"> 12Vapostori vakaita zviratidzo zvizhinji nezvishamiso pakati pavanhu. Uye vatendi vose vaiwanzosangana pamwe chete muBiravira raSoromoni. 13Hakuna munhu akatsunga kubatana navo kunyange zvazvo vakanga vachikudzwa zvikuru navanhu. 14Zvisinei zvazvo, varume vazhinji navakadzi vakatenda kuna She uye vakawedzera uwandu. 15Nokuda kwaizvozvo, vanhu vakauya navairwara munzira dzomumisha vakavaradzika pamibhedha napahukwe vachiitira kuti mumvuri waPetro uwire pane vamwe vavo paainge ava kupfuura napavari. 16Vanhu vazhinji zhinji vaibva mumaguta akapoteredza Jerusarema vakaunganawo, vakauya navarwere vavo navaya vaitambudzwa nemweya yakaipa, uye vose vakaporeswa.</div><div class="s1">Vapostori Vanotambudzwa</div><div class="p"> 17Ipapo muprista mukuru navamwe vose vaaiva navo, avo vakanga vari nhengo dzebato ravaSadhusi, vakazadzwa negodo. 18Vakasunga vapostori vakavaisa mujeri. 19Asi mutumwa waShe akauya usiku akazarura mukova wejeri akavabudisa, 20akati, &#8220;Endai, mundomira muzvivanze zvetemberi, mugoudza vanhu mashoko ose oupenyu hutsva uhu.&#8221;</div><div class="p"> 21Vakapinda mutemberi mangwanani, sezvavakanga vaudzwa, vakatanga kudzidzisa vanhu.</div><div class="p">Muprista mukuru navamwe vake vakati vasvika, vakaunganidza Dare Guru ramakurukota, ungano yose yavakuru, vakatumira vanhu kuti vandotora vapostori kujeri. 22Asi vabati vakati vasvika pajeri, vakawana vasimo. Saka vakadzokera vakasvikoti, 23&#8220;Tawana jeri rakanyatsozarirwa, navarindi vamire pamikova; asi patazarura, hatina kuwana munhu mukati.&#8221; 24Vakati vanzwa chiziviso ichi, mukuru wavarindi vetemberi navaprista vakuru vakakanganisika, vachishaya kuti chii chaizoitika.</div><div class="p"> 25Ipapo mumwe akasvika akati, &#8220;Tarirai! Varume vamakaisa mujeri vamire mutemberi vachidzidzisa vanhu.&#8221; 26Paakazvinzwa, mukuru wavarindi akabva aenda navabati vake akandouya navapostori. Havana kuzviita nokumanikidza, nokuti vaitya kuti vanhu vangavatake namabwe.</div><div class="p"> 27Vakati vauya navapostori, vakavamisa pamberi peDare Guru kuti vabvunzwe nomuprista mukuru. 28Akati, &#8220;Takakurayirai zvakasimba kuti murege kudzidzisa muzita iri. Asi mazadza Jerusarema rose nedzidziso yenyu uye munoda kuti tive nemhosva yeropa romurume uyu.&#8221;</div><div class="p"> 29Petro navamwe vapostori vakapindura vachiti, &#8220;Tinofanira kuteerera Mwari kukunda vanhu! 30Mwari wamadzibaba edu akamutsa Jesu kubva kuvakafa uyo wamakaita kuti aurayiwe nokumuturika pamuti. 31Mwari akamusimudzira kuruoko rwake rworudyi soMuchinda noMuponesi kuti ape kutendeuka nokuregererwa kwezvivi kuvaIsraeri. 32Isu tiri zvapupu zvezvinhu izvi, uyewo noMweya Mutsvene wakapiwa naMwari kuna avo vanomuteerera.&#8221;</div><div class="p"> 33Vakati vanzwa izvi, vakashatirwa uye vakada kuvauraya. 34Asi mumwe muFarisi ainzi Gamarieri, mudzidzisi womurayiro, uyo aikudzwa navanhu vose, akasimuka pakati pedare akarayira kuti vanhu vambobudiswa panze kwechinguvana. 35Ipapo akati kwavari, &#8220;Imi varume veIsraeri, nyatsofungai pamusoro pezvamuri kuda kuita kuvanhu ava. 36Munguva yakapfuura, kwakambova naTudhasi aizviti iye munhu mukuru, uye varume vanenge mazana mana vakamutevera. Akaurayiwa, vose vaimutevera vakaparadzirwa, uye zvikaguma zvava pasina. 37Shure kwake, Judhasi weGarirea akambovapowo pamazuva okuverengwa kwavanhu akatungamirira boka ravanhu mune zvokupanduka. Naiyewo akaurayiwa, uye vose vaimutevera vakaparadzirwa. 38Naizvozvo, panyaya iyi ndinokurayirai kuti: Regai vanhu ava vakadaro! Regai vaende! Nokuti kana kufunga kwavo kuri kwomunhu, kuchaguma. 39Asi kana kuchibva kuna Mwari, hamungagoni kukonesa vanhu ava; muchazoona kuti muri kurwa naMwari.&#8221;</div><div class="p"> 40Kutaura kwake kwakavadzikamisa. Vakadana vapostori kuti vapinde vakaita kuti varohwe. Ipapo vakavarayira kuti varege kutaura muzita raJesu, uye vakavaregedza.</div><div class="p"> 41Vapostori vakabva paDare Guru, vachifara nokuda kwokuti vakanga vanzi vakafanira kutambudzwa nokunyadziswa nokuda kweZita iri. 42Zuva rimwe nerimwe havana kumborega kudzidzisa nokuparidza shoko rakanaka vari mutemberi nomudzimba nedzimba kuti Jesu ndiye Kristu.</div>
 </div>
 </div>
</div>

The Story of God: 30 Day Reading PlanChikamu

The Story of the Church: Part 1

Rugwaro

Zvinechekuita neHurongwa uhu

Zvirongwa zvakada kufanana neichi